هذا اللي قالوه الخوات في المنتدى عن المدارس اللي طلبتيهم.
مدرسة المروج الانجليزية الخاصه
وايد ارتحت للمدرسة … ومستحيل تكون مدرسة نصرانيه لانه ما شفت عندهم ولا راهبه .. وبعدين يدرسون العربي والتربية الاسلامية كحصة عربيه 100% وحصص مستقله ومدرسات هالمادتين عربيات .. وبالنسبة للأنجليزي و الرياضيات والعلوم يدرسنهن مدرسات باكستانيات الاصل وباللغه الانجليزيه و باين عليهم طيبوبات … بس انا متأكده 100% ان المدرسة مش نصرانية ؟؟
مدرسة الأنصار العالمية
قيل عنها: عيالي في الانصار العالمية الصراحة المدرسة ما عليها كلام اهتمام بالدين الاسلامي والقران والسنة ومنهجهم بريطاني المدرسة تخرج الطالب حافظ القران كامل والاحاديث + الثانوية الحكومية + البريطانية .
انا بنتى عندهم من الكي جي والحين صف اول ماشاء الله تعرف تقراء عربي + انجليزي والمدرسة فيها من كل الجاليات مالزين وجنوب افريقيا وامريكان وبريطانين وهنود وايرانين وطبعا جميع الدول العربية بس كلمم مسلمين والمدرسين اجانب بس مسلمين الى دخلو الاسلام وحلو في المدرسة انهم كل سنة يحتفلون بيوم الشعوب ويتعرفون الطلاب على كل الجاليات الى موجودة ويشوفون الاسلام لين وين وصل …. بس مشكلة المدرسة شي واحد ان مبناهم صغير بس السنة الياية بينتقلون مدرسة جديدة في القراين عندهم من الروضة الى قريد 12 …..