ياليت خواتي تفيدوني في ديكور الفيلا من داخل لاني بصراحه محتاره شو اصبغ اوشو احط من الجرانت او السيراميك وشو احسن سيراميك
والله ضايعه مووووولية ياليت تساعدوني
مثلا شو احسن لون يناسب الصاله والغرف والارضيات شو لازم تكون تراني ما أفهم في هالسوالف
وعندي مدخل الفيلا ضيق شو اسوي حتى يعطي وسع
بنات لاتفشلوني ردوا علي
اختي بقولج انا شو سويت بفليتي … بخصوص الارضية انا حطيت رخام وهو الحلو فيه انه فخم لكنه عيبه انه يمسك احيانا في بعض البقع .. والسيراميك يقولون انه احسن عملي ويتنظف بسرعة بس انا ما حبيته لان عندي الشكل اهم .. في الميالس حطيت الرخام الاصفر الفاتح واطرافه الرخام الاخضر .. اما باقي الغرف خليته لون غير وفاتح بعد ..
وبخصوص الديكور اتفقنا مع مهندس ديكور سوري وصبغ لنا الفيلا وما شاء الله طلعت قمه في الروعة كل ما احد يدخل يعجبه .. وانا خاطري انزل صور الفيلا لكن المشكلة ما عندي الكاميرا واترا ريلي يصور وينزلهم لي .. عسب اتشوفين الديكور ..
وبخصوص الممرات الضيقة دوم الالوان الفاتحة تعطي وسع في المكان ..
ان شاء الله اكون افدتج اختي ولو بشي بسيط ..
والسموحة الغالية ..
انا برائي تصبغين الممر بلون فاتح و ان في مجال في المقابل تحطين منظرة كبيييييييييييرة تقريبأ كبر اليدار طبعأ مزينة في الاطراف (انا حاطة) بصراحة بتعطي وسع عجيب
و اصبغي الصالة و الميلس بيج مع ديكور لان ممكن تركبين عليهم اي لون من الاثاث
و لكن في الغرف حطي غامق شوية بيعطي دفء للمكان
و اي استفسار ثاني امري
تسلمين غناتي على هالمعلومات
وانا اتريا الصوووور
شاكره مروووورج وردج
ربي لايحرمني منج اختيه
ياليت تصورين لي المنظرة لاني والله متعقدة من هالممر
شاكرة مرووورج وردج
وخذي افكار في وااايد شغلات حلوه بتستفيدين منها ..