أهلين بنات
شوأخباركم ؟! ان شاء الله تمام
أنا مشاركاتي قليله بس أنا قلت لأن البنات اللي هني يردوا علطول على المواضيع اللي تنطرح بالمدونة و قلبهم أبيض و يحبوا الخير و المساعده فأنا هني جيت أبي مساعده منكم اذا أمكن …
أنا متزوجه و الحمد لله بس المشكله تكمن في ان زوجي يتعرق وهو المشكله ما يستخدم مزيلات عرق أو شيء يمنع من رائحة التعرق فأنا قلت أبي أفتح وياه الموضوع لأن لين الحين ما فتحته لأن قلت أبي مساعده منكم بحيث اني أفتحه بطريقه لبقه عشان ما أجرحه لأن هو انسان غالي في حياتي … ياليت أي أحد يساعدني بطريقه أقدر أفتح فيها الموضوع بحيث انه ما ينجرح من كلامي …
بانتظار ردودكم
و شكرا
قوليه استخدمه كله بتكون الريحتك حلوة ومميزة …انت جرب ومن هالكلام …
تحصلين اطقم ماركات مع العطور …فباريس غاليري
او ماركس وسبنسر اتتحصلين بعد ..
وبعدين بعض الرياييل ماا يهتمون بهالشي الله يهديهم لكن البركة بحريمهم الذوووق ^_^
الله يسعدج عنوووني
او اكتبيله الكلام في مكان
او انت كلميه عادي
والله يوفقكم
انتي اشتري ليدي سبيد ستيك واايد حلو و في منه مين سبيد ستيك بعد حلو للرجال
قوليله اشريت هذا لي و لقيت هذا للرجال انا جربت مالي روعه جرب و خبرني كيف عشان بكون اغير من فترة لفترة
لين نستقر على نووع معين نرتاح عليه اكثر
و في منه رواايح واايد يم يم ^_^
و اهم شي انج تشددين مراقبتج على النظافه والحلاقه ^_*
بعدين بعد ما تشوفينه تقبل موضوع المزيل ييبي له كولكشن عطور و لوشنات ومزيلات من ماركسبينسر او بودي شوب
حبه حبه يعني تدرجي ^_*
لين خلاص يتعود
و ممكن تشترين لهـ ديودرنت من بدي شووب و تقولين لها هاا طبيعي ما فيه موااد ضااره
و ان شااء الله يتقبل ^.^