خواتي بغيت أسألكن أذا حد فيكن تعرف اسم دكتورة نسائية شاطرة و ثقة ..لأني تعبت من كثر ما أدور و كل دكتورة تقولي شي ..
فياريت و جزاكم الله خير لو وحدة تعرف دكتورة اهي مجربتها و حصلت من وراها نتائج ايجابية ماتبخل علينا لتعم الفائدة..او حتى لو عندكم و صفات شعبية ممكن أسويها في بيت و مالها مضار..(لأني سمعت إن في و صفات تؤثر على الرحم)أنا الصراحة مابا أغامر و أروح أي مكان و بعدين أندم طول عمري.
لاتنسونا بالدعاء بالذرية الصالحة السليمة أجمعين اميــــــن و إنشاء الله يجعل هذا العمل ميزان حسناتكن..
انا اتعالج عن د.اوراس في الشارقه لو بغيتي معلومات زياده من عيوني
ما شاء الله عليها في كل شي شااااااااااااااااااااااااااااااااااااااااااااااااا اطره
حتى انها تسهل لج اي شي تبينه بالمستشفى من تقارير أو توصيات . الله يوفقج معاها …
ما اقدر اوصفلج اني كيف ارتاح معاها ,وأدويتها ما شاء الله فعلا لها مفعوول
أتمنى اني افدتج؟.:؟.:؟.:
والله يرزقج وايانا بالذرية الصالحة
وهي في مركز حمر عين الدور الثالث
واذا تبين اتعالجين للحمل … انصحج بوحدة تمسحج وتسويلج كاسات هواء عى الظهر … انا جربت والله رزقني بنت وولد الله يخيهم لي وعقبالج حبيبتي
أسبوع و يعلنون عنها في مجلة الخليج الطبية هي بروفيسورة وأستاذة أمراض النساء
والولادة والعقم -جامعة كيل ألمانيا ورئيسة أقسام جراحة المناظير النسائية وتقنيات مساعدة الحمل
وأطفال الأنابيب- جامعة كيل ألمانيا الحينه بتي في شهر 5 بدايته أظن 5 /5 وعنوانها
المركز الطبي الألماني ، مدينة دبي الطبية كلميهم واستفسري عن كل شي بخاطرج وإنشاءالله تفيدج بإذن الله والله ولي التوفيق
ملاحظة المساح بعد وايد زين وإذا تبين بعطيج رقم الحرمة إلي تمسح الله يبارك فيها وايد زينة وادعو
لأمي الله يعطيها الصحة والعافية وطولة العمر لأنها أول الناس إلي نصحوني بالمساح ولجدتي نظر عينا لأنها في العناية المركزة
الله يقوملنا إياها بالسلامة وتقر عيونا بشوفتها وتنور بيتها
اللهم صلي على محمد