أبا أسأل عن روضة طفل الإمارات تعليم الامارات

لا إله إلا أنت سبحانك .. إني كنت من الظالمين

الغاليه روضه طفل الامارات … حكوميه هب خاصه… فيها شراكه… وانا ولديه الحين روضه اولى … والسنه اليديه ان شاء الله بنتي بدش روضه اولى… انا ما اعرف المعلمات واااايد واااايدبس حاطه ولديه عند ابله يمنه… وناويه احط بنتي عند ابله نورة بعد يمدحونها
التسجيل بعده ما بدا بس بيكون هالشهر او بدايه 4..
والادارة زينه والحمد الله على كل شي… انا بعد ساكنه الظاهر… واي سؤال انا في الخدمه

مشكورة أختيه على الرد ..

أنا عارفة إنها حكومية .. بس كلما سألت حد عنها قال لي خاصة !! حتى موظف البدالة يوم عطاني الرقم قالي هاي خاصة هب حكومية ..

اليوم سرت الروضة وشفتها .. بصراحة روعة وجنان ..

بس شوي بعيدة علينا .. أنا ساكنة بوسط المدينة .. وعرفت إن شي كذا روضة حكومية فيها شراكة ..

بس ياليتني أعرف شو أساميهم ..

حد يخبرني بأسامي الروضات إلي فيهم شراكة بوسط المدينة .. أنا ساكنة في الكويتات ..

أنتظر ردكم فلا تبخلون علي ..

أم كتاكيتي

السلام عليكم ورحمة الله وبركاته…الغاليه أنا سجلت ولدي فيها وهيه مدرسة حكومية…وما ياخذون رسوم بس للأكل والشرب والكتب للطباعة بس…والصراحة المدرسة وايد حلوه من داخل بس يا اختيه أنصحج تسألين عن أحسن المدرسات لأني أحس فيه مدرسات زينات وفي منهن مب وايد..وأنا الصراحة اللي ادرس ولدي مب وايد أوكيه..حتى بغيت أحطه فصف ثاني لكنهم ما رضوا…ومرة كانت مدرسته غايبه وراح صف غيره لكن يوم رد البيت حسيته حب الصف الثاني ويا وكان يغنيلي استغربت..اكتشفت انه مدرسه ثانيه درسته…اختيه لازم ادخلين عيالج عند مدرسه تكونين ساءله عنها وتكون عارفه كيف تعلمهم بس يكولون السنه اليايه بيسوون نظام يديد ومطور والمديرة مالهم أحسها وايد أوكيه..وأنا ولدي خلاص السنه اليايه أفكر أوديه مدرسه خاصة لأني ما أعرف غير المدرسه اللي ادرس ولدي واحسها ما تعرف وايد تعلم والله أعلم….

مشكورة أختي على الرد ..

والله نقطة حلوة لفتي نظري لها .. وهي إن لازم أشوف مُدرسة أوكي .. مب بس الروضة ..

طيب أختي ماتعرفين روضات حكومية شراكة وممتازة داخل المدينة ؟

السلام عليكم ورحمة الله وبركاته…الغالية المدرسة وايييد أوكيه بس لازم ادورين معلمة زينه وتكوليلهم وتسألين عن أحسن معلمة فيها،،والله فيه مدرسات وايد زينات..بس ولدي عند معلمة مب لين هناك…فأنصحج تسألين وتستفسرين أكثر…ولازم تحددين وانتي تسجلين عيالج انج تبين المعلمة الفلانية اللي تكونين متأكده انها وايد زينه….وعموماً وان بغيتي الحق ان الخاصة أحسن بوايد لأني مسجله ولدي الكبير فخاصة ما شاء الله عليه وايد اتعلم…