بغيت أستفسر منكم يالغاليات البارحة مشيت عالكورنيش انا وريلي مشي اليهد أنا من أسبوعين أمشي
والبارحة قلت خلني أجازف وأمشي أكثر عن قبل المهم تمشيت لين هذا وبس حتى ريلي عقب تعب ورد السيارة وانا الحبيبة داومت عالمشاااة
المهم ردينا البيت الساعه 2 بالليل ياني ألم الله لايرويه لكم والله يابنات بغيت أموت منه نفس آلام الدورة حسيتها دور ماداير عالبطن والظهر ابغي اتحرك واقوم ماقادرة يلست أتويع وفيني رقااااد المهم كلما أغفل أحس بالألاااااام وتميت لين صلاة الفير على هالموال وكل حين وساعه راكضة هالحمام على هالقطرتين
المهم لين الساعه 6 ونص الصبح ريلي داوم والآلام قامت تخف ورااااحت ماردت الله لايردها يارب بس والله ياكروشات أني تميت خااايفة خوووووف اليهد قبل كنت اقول ألم الولادة ساعه ساعتين يوم وبيروح بس من شفت هالألم أبدا خفت أكثر وأكثر وأكثر حد يعرف شو هالألااااااااااااااام ..؟؟؟؟؟؟
والشي الثاني كيف بعرف الجنين نزل في الحوض لان من أسبوع جنيني ثابت على هالوضعية أحس بالفواااااق ياينها تدرون وين تحت هل معناته الراس تحت والريول تدرون وين عالخصر اليمين تحت الصدر بس عاليمين على طووووووووول مرة والله مادري هل نزلت ولا لأ والترفيس مؤلم بشكل فظييييييييع عند صدري تدرون شو يعني مؤلم من غير نغزات السكين تحت ……..؟
بشرح لكم موقعها الريل على الجنب اليمين مرة جنبا وأحس نفس الكرة هل هي المؤخرة ولا شو مادري المهم هاي احسها عند السر بس عاليسار بشوي مرة ويوم إييها الفواااااق احط ايدي اشوفه تحت عند المثانة ونفس الشي يوم إتييني ألام مثل النغزات السكين أحسها تحت هذه الظاهر بتخبل بي
مو عارفه راسها من كرياسها فديتكم اللي تعرف عن هالوضعية وعن هالآلااااااام تطمني الله يطمن قلبكم يارب ويسهل عليكم وعلى كل حامل ويرزق كل وحددة بخااطرها الحمل يارب العالمين
أنتظر مروركم ردودكم ……………….؟ دعواتكم بتسهيل ولادتي يارب لأني من بعد هالألم زاد الخوف فيني والله زاااااااد الله كريم …..؟
حتى انا احس جيه امبارحه بغيت امووت من الويع .. يمكن تقلصات..
اتمنا الاخوات يفيدونا
اللي تعرف لاتبخل علينا بالجواب واللي ماتعرف ترفع الموضوع ولكم جزيل الشكر يالغاليات
وحبيت أخبركم أنها الألااااااااام رجعت لي توها بعد بالخفايف الله ييستر يارب من بعد الغداءرجعت لي الألاااام
