xXxزيارتي لـ ( Dubai Marine Beach Resort and Spa ) ويا ريلي XxX

من تزوجت وانا فخاطري أسوي مفاجأة لريلي .. على أساس أنه بيترقى .. فكنت مخططة أسوي أكشنات لهاي المناسبة .. و للاسف قالوا لهم انه ماشي ترقيات .. فانحبطت ..

بس دق فراسي الا أحجز ففندق أسوي له هدية و و نطلع نغير جو بدال الدوامات و الطلعات العادية ..

بالصدفة شفت وحدة ذكرت فندق Dubai Marine Beach Resort and Spa

وانا احب اذا سرت فندق يكون فيه بحر .. فحجزت عن طريق موقع الفندق و رتبت لكل شي و جهزت الهدية ..
و خبرت ريلي بالخميس فالليل على اساس يوم الجمعة الصبح نطلع ,,, و الحمدلله بعد ما قلت له انه حاجزة بفندق و استانس اتصلوا له ربعه و يباركون له على اساس انه ترقى (( الحمدلله ))… و الترقية يت فوقتها ..

للاسف: الصور الي بحطها لكم من النت .. انا صورت شوي بالكاميرا بس حاليا نا فالدوام الكاميرا فالبيت وادري اذا سرت البيت ماشي وقت انزل الصور ..

المهم بحط لكم صور و تعريف شوية عن الفندق( منتجع) ..

هذا شكله من برع .. عادي شكله بس من الداخل حبيته لاني حسيت عمري صدق مسافرة و الجو هاييج الايام كان رووووعه .. على فكرة طلعتنا صادفت الفلانتاين و كملنا 3 شهور على عرسنا بالضبط

الغرف عندهم

1- Standard Room

فيه ببلكونه و فيه بدون و السعر يختلف بين الثنتين

2- Junior Suite
و هذا الي انا حجزته .. فيه جاكوزي بس للاسف ما استانسنا فيه لانه ما يلسنا الا يوم ونص ..

3- Executive Suite

4- Royal Suite

هذا بالنسبة للغرف .. و الغرف نظيفة و حلوة ,,,

انا أكثر شي حبيته الجو الي برع صوب البحر و المطاعم ..و هاي بعض الصور للمتجع..