من يوم الاحد 1 مارس 2024
ببدأ دايت.. وتخفيف.. ومشي
هذا الموضوع يعتمد على كل وحده والدايت اللي تختاره
قبل كنت مشاركه في موضوع بنفس العنوان تقريبا ويا الاخت نور الفجر..
وبنات ثانيات مثل : غلاهم.. رفيعة الشان.. ووو الخ >>> نسيت ^_^"
بس الحمدلله كنا ملتزمات.. ويتنا أيام وخربطنا بس هالشي مامنعنا من هدفنا..
وكنت خلال هاذيج الايام مشاركه في نادي للجم والسباحه ونزلت 5 كيلو..
بس طبعا أحين رديتهم من وقفت الدايت والنادي.. بس قلت لااازم أرد وأنزل
والهدف: رشاآاآاقتي … صحتي … شكلي
======
كل وحده تحب تشارك تكتب تفاصيلها. وياريت الالتزام..
اللي تعرف عمرها مابتلتزم لاتعب نفسها وتشارك وتخرب علينا وعلى عمرها زياده.. ^_^
======
الاسم: علاآاآايــــه
الطول: 157
الوزن: 74 كيلو
الهدف: 55 كيلو
نوع الدايت: تخفيف مع الامتناع عن أكل المطاعم + الغازيات + الحلويات
شرب الاعشاب مثل الشاي الاخضر + الزنجبيل + الكمون
السبورت: مشي كل يوم أقل شي نص ساعه
=======
أتريااااكمـ ..
مرحبا ، أنا أبا أشارك وياج أختي
بلتزم بريجيم معين
و بياناتي هي =
الوزن قبل الريجيم = 69
الوزن حاليـاً = 67.5
الوزن المطلوب = 55 ، و بعد ذلك 50
بادية من أسبوع
و أبا أكمل و أتحدى حد
و بدخل كل يوم أشجعج
الله يوفقج و توصلين للوزن اللي تبينه
.
أنا بشترك وياج
الوزن: 58
الطول: 163
الهدف: 50
أنا قبل كنت مشتركة في مسابقة التحدي و الحمدلله نزل وزني من 65 ل55
بس للأسف بعدها المسابقة صارت باردة و زاد وزني >_<"
و الحين ناوية أبتدي الجد مثل قبل
و ياااارب كلنا نوصل للهدف اللي نتمناه
انا بعد بشاارك وكلي حماااس ونشااااااااااااااااااط
الاسم: ام راشد
الطول: 157
الوزن:76.0 kg
الهدف: 60 kg
نوع الدايت: تخفيف بدون حرمان + اعشاب
نوع الرياضه : مشي كل يوم + تمارين بطن + تمارين خصر
بنات ماباقي غير يوم واحد اللي هو باجر
لاتستغلونه في الاكل.. استغلو فأشيا بتفيدكم للدايت
مثل:
تحطون جدول الاكل.. الرياضه.. تسجيل في نادي.. او حتى تطلعون الجمعيه تاخذون اغراض الدايت
^_^
اختي علاية ؟
متى نوزن ؟
كل اسبوع و لا كل اسبوعين و لا كيف ؟
.
وكل احد بداية دايت من اول ويديد ^_^