ان شاء الله ناويه أكمل ماجستير في University of Wollongong و ببدا من السمستر الياي …
بغيت أعرف منكم متى يببدا السمستر الياي بالظبط و شو نصايحكم لي ؟؟؟ كيف تشوفون الكورسات و على شو يركزون أكثر شي ؟!
بعد قريت فالموقع انه من الشروط شهادة خبره عمل لمدة 4 سنوات وانا وحليلي توني متخرجه من جامعة زايد و مداومه من فتره قصيره ما عندي خبرة 4 سنين !!
يا ليت تفيدوني و الف شكر لكم مقدما ^_^
و الي تعرف شخص معين فالجامعه اقدر اتواصل معاه يا ليت ما تبخل علي
^_^
للرفع وين تفاعلكم بنات ؟
وأعتقد الدراسه بتبدأ شهر 5 و شي عندج صيفي 1 وصيفي 2 يعني اترومين اتخلصين ب سنه وحده
توكلي على الله وبالتوفيق 
ان شاء الله صدق هالشرط ما يتطبق
ما يابوا طاري الخبرة بالمرة
بس يكون عندج كلاسات 4 مرات ف الاسبوع
و إذا تخصصج غير عن البزنس او مب ماخذة مواد معينة لازم ادشين شي شرات الفاونديشن لمدة شهر
انا احينه ف مرحلة الفاونديشن ف جامعة حمدان لانه تخصصي بكالريوس صيدلة
و باخذ تخصص ماستر يخصه بالبزنس
بس ويانا ناس ماخذين مثلا IT و ويانا ف نفس الجروب
فاعتقد لازم تدخلين هالكورس
ماعرف بالضبط متى يبدون
لو تتصلين و تاخذين التفاصيل احسن = )
عسب ترتبين اوراقج
و تعرف شو اللي لج و شو اللي عليج
بستغل الفرصه وبسال وماعليكم امر
بس شو التخصصات الموجود للماجستير .؟
وكيف ترتيب السكن . لان انا من بوظبي ..
وهل الدراسة افضل في هذه الجامعه .. لان الماجستير ولله الحمد حاليا في الامارات يتوفر في كل مكان
وانا الاغلب افكر اخذه في جامعة الامارات