هلا وغلااا بنات =)
شلونكم و شخباركم =)
مثل ما تعودت اني اكتب لكم تجاربي مع اختراعاتي العنوووونه لول
و هذا السكراب استخدمته انا
و على امي ( مسكينه دايما ابلشها بخلطاتي الله يحفظها )
هذا السكراب ريحته روووووعه
حليب + Cinnamon (دارسين – قرفه )
يعني حسافه ماكتبته بالشتا لووول يدفي =)
*****
الحين اقولكم المكونات :
8 ملاعق أكل حليب بودره
نصف كوب ماء فاتر
ملعقة أكل ملح
ملعقة طعام دارسين مطحون ( قرفه )
ملعقة شاي زيت الدارسين ( القرفه )
=-=-=- متوفــــر لدى حراز -=-=-=
ملعقة طعام زيت اللوز =)
*****
و طلعت معاي الخلطه بالطريقه =)
*****
الطريقه =)
نخلط اول شي الحليب + الماي
و لازم يصير شكلهم كأنه روب ( زبادي ) ( لبن )
و بعدين نضيف الدارسين و عاد قعدي سنه خلطي لما يمتزج
انا خلطت الدارسين كأني اخفق بيضه و متزج معاي بسرعه =)
بعدها تضيفين الملح و الزيوت و خليها
……
الحين تاخذون نفس ليفة بودي شوب الناعمه
تاخذون شاور جل او اي صابون تستخدمونه و تحطونه على اليفه و تبدون تتسبحون عادي عادي بدون فرك لان راح نبدي نسوي سكراب بعد التنظيف و الصابون مع هاليفه الخفيفه بس عشان ننظف البشره من رواسبها و الدهون =)
عقب ماتخلصون رفعوا الشعر بكلبس و خلو الجسم مبلل
نبدي ناخذ شوي شوي من الخلطه و نوزعها على الجسم مع التدليك و التقشير بحركات دائريه و بتشوفون الريحه الحلوه تفوووح و خلوها على الجسم لما تنشف و اللي مستعيله عادي مو ايلا تنطرها تنشف و يكون التدليك خفيف لان الدارسين يخدش اذا سويتو بقوه =)
لما تخلصون غسلو الجسم بماء فاتر يميل للبروده
لما تروح الخلطه عدل عدل حطو بيبي اويل من جونسون اند جونسون بأي ريحه تحبييييينها .. او ممكن زيت لوز او اي زيت تحبينه و يكون خفيف (( لوز , عنب , سمسم ))
و بس =)
و بتلاحظين النعومه بالجسم و الاهم ان قشرنا الجسم و تخلصنا من الجلد الميت
نعيييييييييييييييييييييييييييما
آسفه على الاطاااااااله و لاتحرموني ردودكم ..
مو تقرون و تطلعوووووووووووووون !!
مشكورة الغالية