اشحالكم عسولات؟ عساكم بخير ^^
من فترة ياية ف بالي فكرة هالموضوع
بتقولون ليش؟ بقولكم شي وايد بنات من برع او داخل المدونة
يحسون إنه ذوقي حلو (و الله ما اقولها عسب امدح عمري او اخق)
حتى ربيعاتي المعرسات كنت آخذلهم اشيا هدايا حقهم و الحمد الله هم يستانسون
و رياييلهم بعد يعيبهم ع حسب ما يخبروني ربيعاتي
سواء فساتين او نعل او حتى الدخون و العطور و هالاشيا
و انا شعاري هو البساطة..! ماله داعي ادخلين كل شي ف كل شي
او اللي تلبسلي من فوق لتحت ماركات
و الله تحسينها اووووفر و مصطنعة
حلاتها البساطة و باسعار جدا معقولة..!
ف هالموضوع البسيط المتجدد ان شاء الله
بحطلكم صور ملابسي و اكسسواراتي.. حتى عطوري و مكياجي اللي استعملهم
و انا كيف البسهم و كيف اقدر إني استعمل مثلا القميص ع كذا شي
و يتغير الستايل بكبره..! يعني مثلا من كاجوال لشي ارقى
و طبعا كله يعتمد ع الاكسسوارات و تركيب القطع مع بعضها
و اهم شي..! هو كيف تقللين التكاليف عليج..!
بانج ممكن تستعملين القطعة اللي عندج ف اكثر من ستايل..!
و بدون ما تسيرين كل شوي السوق و غيره..!
حتى المكياج.. بذمتكم بطلوا علبة مكياجكم
و شوفوا كم روج موجود..! و كم جلوس موجود و مفرور و عمركم ما استخدمتوه
حتى افتحوا كبتاتكم و شوفوا عدد الثياب اللي مش ملبوسة
و طبعا مع الايام انفرت ورا و لا تعرفين بوجودها
بيكون ان شاء الله الموضوع شامل و متكامل من جميع النواحي ^^
حاليا انا ف الدوام.. بحاول اليوم او باجر ابدا احط الصور
و اللي بتحب موضوعي تدعيلي الله يصلح احوالي عاجلا غير آجل
و اللي ما حبته.. ما برد ع اي ردود تغث = )
والله يصلح احوالج عاجلا غير آجل
ودوم احس ان عندي وايد اشياء اقدر اجدد فيها حتى لو ماعرفت شسوي بها
نتريـــآآ
.
.