السلام عليكم ورحمة الله وبركاته
شحالكم ؟؟!!
ّ عدنا والعود أحمد
تجارب وااااااااااااايد منها الناجحة ومنها الفاشله
ومازال الوزن صامد عندي .. يتحرك شوي ويرد مثل ماكان
ما اعرف السبب
رحت لكذا اخصائي تغذية في راك عندنا
من نيوترشن للتفاح الأخضر للريم .. اطلع بنتيجة مرضية 50% وعقب ارجع
واكتشفت من تجاربي الفاشلة اني ما احب حد يرص علي فالاكل فاعاند واخرب واكل
واكتشفت اني يوم اسويلي جدول خاص لنظام معين التزم فيه والعب فيه على راحتي واحصل نتيجة مرضية …
علشان جي قررت . افتح هالصفحة .. وان شاااااااااااااااء الله بكمل فيها
بيكون فيها نظامي العادي وعلى حسب مزاجي فالاكل
مع رياضة كل ما قدرت اتريض
ومن باب التجربة … فكرت اجرب ريجيم دوكان قريت عنه وايد واحسه حلو ومناسب ومتنوع ^_^
https://forum.uaewomen.net/showthread.php?t=872509
هذا الرابط للموضوع
وتشجعت اكثر يوم الأخت Maro0co بدت فيه ونتايجه كانت مذهله
ما وزنت وما ابغي اعرف وزني حاليا… ان شاء الله بوزن نهايه السنة ..
وبعتمد الوزن اليديد للريجيم من بداية السنة ^^
دعواتكم وتشجيعكم هو اللي يخلينا نستمر ^^
ومشكورين مقدما
الحمدلله عدى يومي على خير ^^
المرحلة الأولى : اليوم 1
17/12/2013
الريوق : كوب نسكافيه 3 ان 1
الغدا : 3 برجر مشوي مع عصرة ليمون + لبن اب
العصر : كوب شاي اخضر بالنعناع
العشى : اومليت بدون اي اضافات ولا زيت بس ملح وفلفل اسود + استكانه لبن اب
الماي للحين تقريبا لتر .. اذا رمت بكمل واذا لا بحاول اوصل للتر ونص
بدون اي رياضة اليوم ^^
تم بحمد الله تعالى
ولكم باك خيتو
بالعافيه عليج
ويومج اليوم حلو
بس كلي ع الريوق
ولا تنسين الرياضه
موفجه
يوم ريجيم موفق لي وللجميع يارب
ممممم للحين ما رحت سبينس اشوف لي النخاله .. يمكن اطلع بعد شوي .. واذا لقيتها بصورها لكم ان شاء الله
امس حسيت بقرصه ف بطني من اليوع
بس طنشتها وحاولت اكمل رقاد
مارمت لين الساعه 3 الا ربع
وتريقت الحمدلله ..
لي عودة ّ
المشاركة الأصلية كتبت بواسطة مذهــله 
شكرا عزيزتي ..
المشاركة الأصلية كتبت بواسطة مــــلاك شوق ولكم باك خيتو
بالعافيه عليج
ويومج اليوم حلو
بس كلي ع الريوق
ولا تنسين الرياضه
موفجه
حيالله ملاك
شحالج حبيبتي
هي اليوم تريقت الحمدلله
بس ما سويت رياضه امس
ماعندي فجة
يمكن اليوم احاول اسوي رياضه لو خفيفه ^^
ثانكس حبيبتي
وهاليوم الثاني عدى على خير ^^
المرحلة الأولى – اليوم الثاني
الريوق : كوب نسكافيه + بياض بيضة مفورة
الغدا : تونة
العصر : كابتشينو بحليب قليل الدسم + محلي
العشى : شاورما دياي بدون خبز
الماي الحمدلله كملت لتر ونص
ما سويت رياضه اليوم …
ممم حسيت بخمول وكسل اليوم ..
واتوقع ها شي طبيعي دام هذا اكلي
لي عودة ان شاء الله