السلام عليكم ورحمه الله وبركاته……
حبيت انزل هالموضوع عشان احط تقاريري (الأسبوعية) لنظامي الغذائي والرياضة…
وبيكون فيها الوزن والنتايج اللي حصلت عليها ،، طبعا كل يوم احد ان شاء الله بدخل وبكتب شو سويت خلال الاسبوع
ونظامي الغذائي سهل وبسيط وهو من كتاب I can make you thin
تحصلونه في المكتبات او اذا دورتوا في قوقل بتحصلون معلومات عنه+ اللي عندهم اي فون يقدرون ينزلونه من الابل ستور ( انا منزلتنه عندي وهو مفيد وفيه نصايح يومية + audio تسمعينه ويسويلج مثل البرمجة على تحسين عادات الاكل ويشجعج على الرياضة)
هو مب ريجيم ،، لكنه اكثر شي يركز على العادات الغذائية الخطأ
يعني مافي اكل معين ولا فيه حرمان ولا يجبرج على اكل ما تحبينه
انا طبقته من فترة ونزلت كيلوين ،، وهالكيلوين احسهم ما بيرجعون ان شاء الله لانه النظام مافيه جوع وحرمان
وهني شوية معلومات عني :
عمري 22
طولي 160 تقريبا
وزني 83
الرياضة عندي نوعين:
السيكل الثابت+ جهاز Wii Fit plus
يوميا واحب انوع مرة سيكل ومرة الالعاب
لمده نص ساعه
ومثل ما قلت اتريوني الاحد القادم ان شاء الله ،، عشان احط التقرير والوزن
في امان الله
وان شاء الله تنزلين…………………….
السلام عليكم بنات, شحالكم وشخباركم؟
الحمدلله وزني كان 83
واليوم على الريج وزنت و صار = 82
مع اني كنت متوقعه وزني يثبت عشان الدورة ، بس الحمدلله نزل
وان شاء الله اشوفكم الاسبوع الياي
موفقه حبوبة