مشكلتي بـ اختصآر شديد إني اليوم العصر كنت دآخله المآسنجر.. و لقيت ريلي On**** أووك مب هنه المشكله..
المشكله إني يوم رمسته قآل لي I’ll Be Right Back و حط Away .. مآ استغربت لانه هذآ حآلي ويآه من أول مآ ملجنآ لين هاليوم..
المهم ضجت و طلعت من المآسنجر بـ كبره.. مآدري ليش دقت فـ رآسي فكره و قررت أنفذهآ.. فتحت صفحة الـHotmail و سويت لي إيميل يديد و حطيت نك نيم بنيه..
المهم دخلت من ايميلي اللي دوم أرمسه منه و شفته On**** كنت حآطه Off****.. دخلت الايميل اليديد و ضفته عندي.. فـ أقل من دقيقه قبل الإضآفه.. بس مآ رمس.. رمسته أنآ.. شوي و يدق سوآلف و هو مآ يدري إني أنآ.. فـ البدآيه توقعته عرف بس سيّر ويآيه.. عقب شوي أشوف الموضوع تطور.. انتي من وين..؟؟ و كم عمرج..؟؟ و متى بـ تين صوبنآ..؟؟ قمت أعطيه معلومآت غلط.. و هو صدق بـ كل شي إلآ العمر.. كبّر عمره سنه ليش مآدري..!!
دقآيق و حطيت إيميلي الأولي On**** و شفته إذآ بـ يخبرني عن شي ولآ لآ.. تم سآكت تقريبآ دقيقتين..
عقب طرش لي "فلآنه شي وحده ضآيفتني عندهآ و مآدري شو"..
تصرفت بـ برود.. رديت عليه "انزين.. و بعدين"
قآل لي "شو و بعدين..؟؟"
قلت له "فرحآن يعني..؟؟"
قآل لي "لآ.. بس انتي شو بلآج..؟؟"
قلت له "مآ شي.. بخليكم على رآحتكم"
قآل "لآ.. و بسوي لهآ بلوك.. بس أسولف ويآهآ من الملل.. و بعدين طآف"
مآ رديت عليه.. تميت سآكته..
يوم حس على دمه كتب لي "بآي"
حسيت بـ غبنه.. شو هالحركه..!! طلعت من إيميلي الحآلي.. شوي و يسوي بلوك حق الإيميل اللي قصيت به عليه.. شفته سجل خروجه بدون أي مقدمآت.. يعني بلوك.. قلت فـ خآطري لو كآن صدق بـ يسوي شي جآن مآ خبرني بـ السآلفه.. بس الرمسه اللي كتبهآ جد حزت فـ خآطري
مم يمكن أنآ يبتهآ حق عمري.. بس بعد لو مآ كنت أنآ.. أكيد بـ يسويهآ وحده ثآنيه و يمكن يتطور الموضوع لـ شي ثآني..!! يآ ربي نفسيتي تعبآنه و حآسه بـ غبنه مآدري شو أسوي.. و هو مآ فكر يتصل بي ولآ يرآضيني..
خبروني شو أسوي بـ عمري.. يزآكم ربي كل خير
ان شاء الله البنات بيساعدونج،،
للرفع
احلى شي الوضوح و التفاهم
قعدي و ياه و تناقشوا في الموضوع
و الافضل انج ما تصارحينه بانج نفس البنيه الريااايل يتحسسون من ها السوالف
فهميه انه ها الي سواه غلط حتى لو بحجة الملل
و اعطيه الكلمه الي يوقف عندها كل ريال عن الغلط
قوليله لو انا ريال سوالي اد ترضى اني اقبل اضافته و ارمسه من باب الملل و بعدين خبرتك بالسالفه
و قوليله انه الرسول صلى الله عليه و سلم وصى انه اي ريال يسوي اي شي مهما كان بسيط في بنات الناس تنرد في اهله حتى لو نظره
شوفي شو ردة فعله وعلى ها الاساس تصرفي
والله يوفقكم
انتي خلج رزييييينه وانتي الكل في الكل وانتي الاولى والاخيره ان شالله
والله يعينج !
يعني خليـﮧ ينجذب لسۈآلفج ۈجي .. ۈبعدين آحس آنـﮧ آلمفرۈض يڪّۈن مۈقفج غير يۈم خبرج عن آلبنيـﮧ ..
يعني آلمفرۈض تّحسسينـﮧ آنج تّهتّمين فيـﮧ ۈجي .. خآصـﮧ إنـﮧ صآرحج ..
يعني آنآ بصرآحـﮧ لۈ مڪّآنج .. ڪّنتّ بقۈلـﮧ مثلآ منۈۈۈۈ هآي آللي تّبآ تّسۈلف ۈيآ ريلي ۈجي .. يعني ع شّۈيـﮧ دلع .. ۈبعدين بقۈلـﮧ يعطيني آيميلهآ علـﮯ آسآس آني آنآ بتّصرف ۈيآهآ .. بيني لـﮧ إنج تّغآرين عليـﮧ ۈتّحبينـﮧ .. طبعآ مب أۈفر .. بس آنه مآلج ۈآنج مآ تّسمحين لأي بنتّ تّسۈلف ۈيآه ..