أخواتي استوت مشكله بيني وبين زوجي وتقريبا له اسبوع موب مكلمني بالفون بس يطرشلي مسجات وبعدين المسجات ما يطرشها الا اذا أنا طرشتله
فكلمته البارح بالفون ابيه اييب اغراضي الي بالبيت لأني عند اهلي فاتحججت بالاغراض عشان اكلمه فقالي أوكي يصير خير عاد أنا عصبت لأني اتوقعت اسمع كلام يعتذر فيه مني وقفلت وع طول طرشتله مسج كتبتله فيه أن كلامه يجرحني وانه ما يحس فيني
وعقب رديت اتصلت فيه لانه طرشلي مسج كاتبلي فيه الامور سهاله
عاد أنا ما مسكت نفسي اتصلت فيه وقلت له أني متصله بس لأني اشتقت لك موب الأغراض وأنها ابد ما همتني تميت اصيح ما ادري ليش حسيت بضيقه فظيعه من كلامه ويوم سكت جان يقولي خليني الحين لا تظغطين علي أنا أبالي وقت
بس والله يابنات ان حنا الاثنين غلطانين وانا يوم حسيت بغلطي رديت واعتذرت منه وهو ما ادري شو فيه ولا شو افهم من تصرفاته ويوم أقوله أنت خلاص ما اتحبني
يقولي ليش ليش تسأليني ها السؤال وانتي عارفه كل شي وآخر مرة قالي ان حبه لي في السيف سايد ع قولته وان عنده أمور ثانيه اكبر عن هالسوالف
حبوبات شو افهم من كلامه وتصرفاته
وكيف احسسه بحبي له بدون ما اظغط عليه
*
وربي يحنن قلب ريلج عليج ويهديج ويهديه ويهدينا جميع ويااكم
ربي يسعدج يالغلا
المسئلة مسئلة حسن تصرف منج مب اكثر والله يارب يهدي زوجج وتنحل المشكلة
اما ان كانت مشكلة كبيرة او صعبة شؤى فاستخدمى الحكمة وأن غلطتى اعتذرى وبين الأزواج مافى تكبر ولا كرامة .. لازم كل واحد يتنازل عشان الحياة تمشى وما ينقطع الحبل .
والحين اعتبرين نفسك فى فترة تغيير عشان كل واحد يحس بفراق الثانى ولا تكثرين الأتصالات وامسكين نفسك لكن لا تنسين الرسائل الرومانسية الحلوة طرشيها كل يوم رسالة ولا تدخلين فيها اى مشكلة . وشوفين بعدها شو راح يصير وشو ردة فعله .
أسال الله أن يسخر لكى زوجك وأن يديم بينكم المودة والرحمة . آمين .
الرجل غير الحرمة ما بيعبروا بالغزل والحب دائما بس بتعامل وحسن المعشر تمشي الحياة
الله يصلح الحال