بعد طول انتظار من عضوات قروبنا الحلو و النشيط و صاحبات الاراده القويه
اخيرا فتحتلكم صفحة يومياتنا و ان شاءالله كل شهر بنفتح صفحه يديده اول شي فتحتنا القروب عشان انشجع بعض و نحمس بعض و اخيرا عشان نوصل لهدفنا بصحه و سلامه..
منووو فينا ما تغاار يوم تشووف اجسام غيرها ..؟ منوو فينا ما تنقهر يوم تروح السوق و ما تلقى قياسها؟ منووو فيينا ما تتغصص يوم يقولولها هالمكان ما يكفييج؟ او منوو فيينا ما تتمنى انها تمتلك جسم احلى من كل الاجسام و يظربون فيه المثل؟ و اكيد منو فينا ما تبا صحتها؟
اتحدا وحده فيكن اتقولي انا ما ابا؟ .. اكيد ما في و عشان جي نحن لازم نحارب عمارنا و انحارب الوزن و انحارب الاكل .. الاكل ما بيطير عندنا يوم واحد في الاسبوع بناكل و بناكل الييي نباااه + الاكل موجود يوم بنخلص هالفتره القصيره الي بنسوي فيها رجيم ..
ضيعنا وااااااااااايد من سنين عمرنا و نحن ناكل الحين يا وقت الجد خلاص لين هني و STOP لازم نحط حد لكل شي .. وايد منا الي اشتركوا في نوادي + اشتركوا مع دكاتره و وايد منا الي خسروا واااايد بس عشان يضعفون و للاسف يردون الي ضعفوه او انهم ما يكملون و انا وحده من هالناس الي اشتركت في نوادي و ما كملت و اشتركت في نيوترشن و ما كملت بس الحين احس خلاص لازم الحق على عمري قبل لا يركبني المتن اكثر لازم نسيطر على عمارنا …
و عشان نوصل للجسم او الوزن المطلوب احس اكثر شي بيحمسنا و بيحفزنا انه في قروبنا هذا نسوي مجموعات فقسمتنا لـ 3 مجموعات اول شي حسبت نسبة الدهون في جسم كل وحده فينا و اخر شي حسبت التوتل و قسمته على 3 و حاولت انه في كل مجموعه العضوات الي فيه مجموع نسبة وزنهم تقريبا متسوايه ويا باقي المجموعات يمكن بعضكم ما فهم بس ان شاءالله في الجداول الي بحطها بتفهمون قصدي .. اول سبوع ماشي قائده للمجموعه من ثاني اسبوع بنشوف في كل مجموعه اكثر عضوه بتخسر وزن هي الي بتكون قائدة المجموعه في هالسبوع و طبعا كل سبوع بتتغير القائده .
شو شغلة قائدة القروب؟ انه اتحاول تشجع العضوات الي وياها و اذا لقت خد من العضوات الي وياها متغيب او ما نزلة يومياتها تراسلها عالخاص ..
و بنطلع كل سبوع رشيقة السبوع و دبة الاسبوع
العضوات الي بيتغيبون اكثر عن 3 ايام بدون عذر بتطلع من القروب ..
و عن النظام الي بنستخدمه في قروبنا اول شي انا ما عندي نظام محدد كل وحده تمشي عالنظام الي ترتاحله بس تحاسب على الدهون الي فيه
-و تشرب اكبر قدر ممكن من الماي لانه الماي له دور كبيييييييير في نزول الوزن و اهم شي انه يرطب البشره و يصفي الويه و له وااااااايد وظايف مفيده
– حاولوا تلعبون رياضه قد ما تقدرون و انا انصحكم بالمشي و رياضة نط الحبل و عن تجربه نط الحبل وااايد مفيد للزنود و الكرش و الفخذ
– ممنوع لعب الرياضه بعد الاكل او قبل الاكل مباشره لانه يمتن حاولوا انه تلعبون رياضه قبل الاكل بساعتين او بعد الاكل بساعتين .
– انصحكم بشرب الجاهي الاخضر مع الزنجبيل لانه يحرف الدهون في الجسم.
– تجنبوا الحبوب الي تقطع الشهيه او تنزل لانه يوم بتودرون الحبوب ترجعون الوزن الي نقصتوه و دبله.
– الالتزام بالوجبات الرئيسيه الثلاث عشان ما تيوعون.
– حاولوا عقب الساعه 7 المغرب ما تاكلون بس اشربوا سوائل لانه اكل الليل يمتن لوول
مجموع وزن القروب = 470.3
———
القروب الثاني
مجموع وزن القروب = 470.8
——–
القروب الثالث
مجموع وزن القروب = 467.7
———–
اول سبوع ماشي قائده من ثاني اسبوع بنطلع الاولى في كل قروب و بتكون القائده و كل سبوع بتتغير
و طبعا مثل ما قتلكم كل سبوع شي رشيقة الاسبوع و دبة الاسبوع
—–
ياريت من كل عضوات القروب يكون لون خطها في كتابة يومياتها مثل لون الجدول الي هي فيه
مشكورة الغالية
انا الحمدلله ملتزمة للحين يااااا رب اكمل باقي اليوم جي