الحل انج تختارين اللبس اللي يناسب جسمج ويحليه ..
اذا كنتي عريضة من فوق.. او عندج جسم التفاحة .. واللي هو اكثر انواع الجسم شيوعا ..، لازم تبرزين القسم السفلي من جسمج
وهذي بعض النصائح لجسمج
– لا تلبسين القمصان الضيقة .. بس في نفس الوقت .. لا تلبسين القمصان الواسعة وايد ..
– احسن فتحات الصدر هي :
ال V neckline
ال turtle neckline
ال short collar
-لا تلبسين ال puff sleeves او القمصان اللي كمها يكون منفوخ
– التنورة اللي قصتها A line توازن بين قسمج العلوي العريض مع القسم السفلي
-لا تلبسين تنانير او بناطلين فيها كسرات وايد .. عشان ما تعرضج ..
ويكون الخصر نازل فيها ..
– اذا لبستي تنانير او بناطلين ضيقة .. راح تبين عرضج من فوق .. حاولي يكون القسم العلوي متوازن مع القسم السفلي
– الجيوب راح تساعدج على انج تخفين بطنج اذا كانت من جدام .. واذا كانت الجيوب من وارا ، راح تخفي مؤخرتج
– احسن فساتين حقج
* الفستان الاسود البسيط ..من دون اكمام
* الفستان اللي قصته تكون ناعمة وبسيطة
* اي فستان من دون اكمام
* الفستان اللي فيه كورسيه
حق اللي جسمها عريض من تحت او جسم الكمثرى:
لازم تبرزين القسم العلوي من جسمج
– لا تلبسين اي شي ضيق ..
– لا تلبسين شي وايد قصير مثل الmini skirt عشان راح تبين افخاذج العريضة
– لبسي التنانير اللي قصتها A line
– بالنسبة لخط الخصر، لبسي ال low waist اللي يصغر حجم المؤخرة ..
– بالنسبة للبناطلين والجينز، لبسي ال boot cut leg
– لا تلبسين الوان بناطلين فاتحة .. او اللي تكون فيها جيوب كبيرة ..
– اي قميص بتلبيسنه ، لازم يكون طوله اقصر من اعرض مكان في جسمج .. يعني ، تحت خط الخصر بشوي
– اذا بتلبسين جاكيت ، خليه مفتوح عشان يوازن بين القسم العلوي والسفلي
– احسن قصة فستان هي اللي تكون ضيقة لين الخصر و قصة ناعمة للجزء السفلي .. مش منفوش
اتمنى اكون فدتكم .. :22 (12):
مترجم من موقع