،
،
بصراحه هالفتره غلط ابدا فيها دايت لانه بعد اقل من شهر بتبدا امتحانات الفاينل،بس بشوف الاوضاع يمكن يتعطل الموضوع اسبوعين جيي بس برد اكمل،،
(هدفي)
فالتحدي هذا هدفي هو اني اعرف مدى فعاليه جهاز الاوربتراك بما انه يقولون يحرك الجسم كامل فتوكلت وبحط ثقتي فيه ،، الاهم من جي اني ولو لمره وحده فحياتي البس الفستان اللي يعيبني بدون ما اتعب في اخفاء العيووب ،،حركه تخفي الكرش وحركه تخفي الارداف وحركه تخفي ما اعرف شوو،،لين ما يخترب الديزاين!! خاطري اسوي العكس حركه تبرز الخصر وحركه تبرز الاكتاااف ^^ ايييييه هييك لكاان
(نظامي)
بلعب عليه لمده شهر متواصل ( ان شاااااء الله ) الحين بديت ب 20 دقيقه وبتم ازيد كل اسبوع 10 دقايق لين آخر اسبوع بيكون لمده ساعه متواصله …..
رياضه بروحها ما تنفع ،عشان جيه بتبع نظام الخمس وجبات والتركيز ع الاكل الصحي الخالي من الدهون..
( معلومات عني )
صارلي دهرر هنيه فهالمدونة اكيد بعض منكم تعرفني،، المهم زاد وزني وصلت 66.7 اليوم الصبح اكتشفت هالشي وانصدمت بس بما انه هالوزن بعدده فرييش من 3 اسابيع ان شاء الله بنزززله قريييبا ،،ما يهمني كم بنزل بنكتشف هالشي عقب ما نكمل المده المحدده هدفي شد الجسم
ع فكره بفتح الموضوع للي يبا يشاركني فنحت جسمه ،،نفيد ونستفيييييييد…..اووو الي عندها تجرربه مع جهاز الاوربتراك تسدحها هووون
حياج اختي ( مكانه في قلبي ) ،،اباج تحطيني ايدج فايدي وننشط القسم لانه هالخموول اييبلي الاكتئاب صرااحه ،،ويييييييييين ايااام قبل ايام المسابقات والتحدياات كل قروب ينافس الثاني ويستفيد من الثاني والحين !! ما اشوف حد جاد الى من رحم ربي
اليوم كان يومي الاول :
لعبت 20 دقيقه اوربتراك عالريج اول ما نشيت الصبح
خبصت بالاكل اليوووم غدانا كان مجبوس لحم لذييييييييييييييييييذ فكثرت بالاكل ،والمغرب كان عندي عزيمه >< ويحلفون عليي فطبعااا زودتهااا وعقب خذتلي عشاء نص شوارما …….
فالحييين ،الحل !
انا كل خمييس اخبص بسبه العزاايم ااذا ماكن يمعه ربييعات تكون يمعه اهل ،،فماشي حل غير اني العب رياضه تعويض عن اللي كلته ،،فنص الليل ان شاء الله بلعب ربع ساعه زياده على الاوربتراك ..
انا الساعة عشر نسيت كلت خبزة وحدة من خبز البيت + جاي حليب وللحين بطني فل مالي خاطر اكل شي والعصر ان شاء الله بلعب على اوربتراك
امممممم بخاطري اليوم اتعشى ذرة مشوية خخخخخخخ ^^
المشاركة الأصلية كتبت بواسطة مكانه في قلبي 
انا الساعة عشر نسيت كلت خبزة وحدة من خبز البيت + جاي حليب وللحين بطني فل مالي خاطر اكل شي والعصر ان شاء الله بلعب على اوربتراك
امممممم بخاطري اليوم اتعشى ذرة مشوية خخخخخخخ ^^
تعرفين اكل البيت احسه مفيد حتى وان كان احيانا دسم بس يبقى احسن من مال المطاعم،،انا فالخبز تخلط نوعين الاسمر والابيض ما اعرف ليش !بس بيتنا جيه بيحبونه وحتى ان كان ابيض بروحه فالخبز فالطوبي ما يكون عالي السعرات
المشكله فشاي الحليب ! >< انا احسه ثقيل وان من يوم تركته بدا وزني ينقص اسرع ،،شي ثاني اني سمعت فالتلفزيون قبل يومين جيه انه اضافه الحليب للشاي تفقده قيمته الغذائيه ،،فيصير عندنا خيارين اما نشرب شاي بروحه او حليب قليل الدسم او عصير برتقال فرش..
ونصيحه لا تخلين شي بخاطرج ^^ اذا مشتهيه ذره اكلي نصها مثلن وحاولي ما تتخطين عدد السعرات المسمووحه قولي 200-300 سعره حراريه للعشاء اووووكي ….انا دايما اخبص فالعشااء >< تخبيص من الخاطر بعد 