أخير بدأ موضوعي الخرافي
(بالنسبه لي) يرى النور بعد إعداد دام لمده شهر >>ابقولكم إني بذلت مجهود بس من خلال الموضوع بتعرفون ليش تأخر وإلا كان مشتركه ضمن نحن المميزون
الشكر لله أولا ثم للرائعة الملهمة آرتوسه >>لاتقولون تلبق لا والله هي من جد أبدعت بدوره نحن المميزون وأعطتن من الطاقه اللي أحس أول مره أحد يشحني كذا "لابتوب" بس أقولكم صراحه عجزت لألقى مدونة يشجع على الإبداع ويعلم على العطاء مثل شمواه ،،،
} زي الجبال ماأدري وين أوديها ؟؟!!
هذا كله أسميه ماقبل المقدمة 
بس بعدين بتفهمون السالفه وبتصيرون دكاتره ماينقصنكم إلا البلطوات
..
يعني تخيلوا معي جو هادي ومبنى أبيض >>يقاله مستشفى. ومكتب نظيف وكوب ماي وبالطوأبيض وبشرة تلق لق من الصفاء خلفها نافذة تطل على حوض أزهار رآئع وغمضوا وكملوا معاي الموضوع!!
أبتكلم اليوم عن علآج معين لحب الشباب وليس عن المشكلة نفسها وكيف يطلع والعوامل والخ……بس إذا بغيتوا مايمنع}مسويه فيها طيبة{ نبدأ بالجد آحم آحم،،
`أهدي هذا الموضوع لكل حبيباتي وأخواتي الشموائيات ,, ولكل من عانت من حب الشباب وعبث بملامحه الجميلة لعله يكون مرجع لكن وتجدن فيه كل تساءلاتكن ,, لتزيدي معلوماتك ولتعيني من حولك…`
حياكمـــ …||
..||ماهو الروكتان وماهية عمله؟
هو الدواء الوحيد الذي يمكن أن يشفي حب الشباب نهائياً وللأبد أو على أقل تقدير يغير جذريا من شدته !! (بديت بها الدعاية القويه)
وقد طرح في أوائل الثمانينيات أي قبل حوالي 30 سنه[على حسب ماعديت ههه
] ماأدري بس يقولون 20 سنه << ممايثبت أمان الدواء إذا أخذ مع آحتياطات عاليه...
حب الشباب الذي هو عباره عن فرط التقرن الرداء الظاهري للجريبات الشعريه والذي ينتج عنه تقشر الخلايا على مستوى الجلد ممايؤدي إلى تكون أو احتباس دهني بسب الكيراتين وتتراكم هذه الدهون بشكل متزايد ممايسبب البثور والأفات الأخرى ، هنا يأتي دور الروكتان بحيث يمنع تكون تكاثر الغدد الدهنيه .
تقليل إفراز الدهون من الخلايا الدهنية.
مضاد للإلتهاب مما يقلل من عنف الإلتهاب المصاحب للحبوب نتيجة وجود البكتيريا .
تحرير الخلايا الجلدية وتقليل إلتصاقها ببعضها وهذا يؤدي إلى تقليل الوحدات الدهنية.
>>بصراحه هذا اللي قدرت أشرحه وحاولت أبينه من خلال النشره يعني بشكل عام هو يغير من النسيج الخارجي للبشره وأيضا يغير طريقه التئالم الجلد بشكل سليم،،
..||حجم الكبسولات ..
لاتتهولون من الصور ترى العلاج مره صغيره بس الكرتون والتغليف >>لزوم الحمآيه،،
لاتصدقون عآد ترآى هاذي موووب ايدي {
} ..
نستخدمه في حال عدم تحسن حب الشباب باستخدامالمضادات الحيويه وكريمات { Retinoin } .
مده العلاج لآتقل عن 5 أشهر>>> يبغى طول بآل بس من تذكرين وجهك الذي سيصبح جميلآ إلاوتقولين :هآنــــــــــــت،،
احتياطات …||
أحذر إحتياط {حلوه آحذر } هو إنك ماتكونين حامل أو مرضع خلال العلاج وبعد شهر من الإنتهاء منه ..
أبقي الروكتان بعيداً عن أشعة الشمس و لا تتركيه في مكان حار أو في الثلاجة, , درجة حرارة الغرفة تعتبرمناسبة [أنا عن نفسي جبت ثلاجه صغيره وخليت درجه الحراره 10مئويه]..
تم وصف الروكتان لك أنت فقط , لذا لا تشاركه مع أي شخص آخر إطلاقاً..
لاتنس أن تضع الروكتان في مكان بعيد عن متناول الأطفال..
لاتتبرعي بالدم في حال تناولك للروكتان، يمكنك التبرع بالدم بمدة لا تقل عن شهر واحد بعد توقفك عن أخذ الروكتان..
لاتعملي أي ليزر أو تقشير للبشرة تماماً أو أي إجراء تجميلي يجعل البشرة أكثر نعومة طوال فترة تناولك الروكتان, يمكنك ذلك فقط بعد 6 شهور على الأقل بعد التوقف عن الروكتان ..
أخبري طبيبتك ما إذا كنت تعانين – أنت أو أحد أفراد أسرتك – من أمراض الكبد، أمراض القلب و الكلسترول أو الإكتئاب {كفانا الله الشر} .
دواعي استخدام الروكتان …||
نستخدمه في علاج حالات حب الشباب (مرض العد) المستعصية والشديدة،مثل العد العقدي أو العد المكبب أو العد الذي يترك آثار مستديمه ندبات ـ كما في حالتي ـ والتي لم تجدي معه الآطوار العلاجيه الموضعيه ،،
كيف يستخدم ؟…||
طبعا لآزم يستخدم تحت إشراف طبي وعمل تحاليل دم كاملة وَ دهون وَ وظائف الكبد ومدى تقبل المريض للعلاج لتفادي الآعراض الجانبيه ..
[ أنا حطيت الموضوع يعني مش معناه صرتوا خلاص مختصين وتروحين لأقرب صيدليه وتأخذين الدواء فلازم وضروري ولابد وshould & have to >>علقت صح بس ضروري الكشف في المستشفى وباشراف طبيبه أنا عن نفسي ماأحب أراجع عند الدكاتره والمستشفى الحكومي عندنا مافيه إلا طبيب جلديه فعشان كذا راجعت بمستشفى خاص (وماندمت الصراحّه أبدا وتعاونت معي الدكتوره مررره وتحملت جميع أسئلتي وتحسسك إنك مراجعته الوحيده يعني ولولا أنه ماودي بالدعايات كان حطيت اسمه هنا واسم المستشفى بعد تأخذين حقك إذا دخلتي عنده )..]..
الجرعة …||
تصرف حسب وزن المريض حيث يهدف الطبيب إلى الوصول إلى جرعة تراكمية لا تقل عن 120 ملجم لكل كيلو جرام من وزن الجسم ..
على سبيل المثال أنا وزني 55 وأتناول 3 كبسولات من حجم
20 ملجم يعني المجموع 60 بمايزيد عن وزني بـــ 5 ملجرام بس مايضر إن شاء الله إلا من ناحيه الجفاف وغيره وكان ودي أنا وخشتي اللتي إحلوت إني أزود الجرعه بس شفت ناس أكثر من وزني بكثير وياخذون بس اربعين..فعقلت وهونت 
لما قالت الدكتوره
أنت تأكلين أكثر من وزنك!!!..
ملاحضة،،
الدواء يحتاج إلى غذاء دسم عشان يمتص أغلبه من الدم عشان كذا آكله بوسط الوجبه الرئيسيه
(الغداء)، وفي إختبارات على الدواء تبين إنه ماينفعش خآآآآلص على الريق إنه إختبروا مجموعه من المرضى بإعطائهم 80ملغم من الروكتان على الريق لم يمتص إلا النصف مقابل الممتص مع الوجبه الغذائيه يعني فعاليه العلاج في امتصاص الدم لأكبر كميه منه..
تقريبا مثل ماتشوفون بالصوره هذا سعر ال20 جرام وهو اقتصاديا أرخص من ال10 وجت فتره أنقطع ال20 واستخدمت ال10 بمضاعفه الجرعه وكان تعب الصراحه نفسيا إنك تأكلين هالعدد من الحبوب ، وإذا كان صعب أو غآلي إنك تشتري الحبوب كل مره حاولي إنك تابعين عند مستشفى حكومي لو عشان العلاج نفسه..
الآثار الجانبية
هذا الجزء هو أهم جزء بالنسبه لي واللي الظاهر إني حاطه الموضوع عشانه
الأعراض اللي قسمت لشائعه ونادره ونادره جدا>>أحس إني مميزه عشان أصابتن بعض الأعراض النادره {فرحه بالشرالأخت}
، وأهم شي بهذي الأعراض إنه مؤقته وتزول بعدفتره من تناول العلاج ..
أنا هنا علقت على بورد غرفتي وحددت الأعراض اللي كانت معي وكل مارحت الدكتورة تناقشت فيها
>>نصيحة عامة إكتبي كل شئ تبغينه عشان ماتنسين وتضيعين وقتك قبل ماتروحين لأي مكان سواء سوق أو عيادة ،،،،
نبدأ بالجسم عضوآ عضوآ 
،،،
الرأس …||
بتحسين مع بدايه العلاج بصداع متكرر وهذا يزول بالمسكنات البسيطة panadol أو بالنوم أقرب حل بالنسبه لي 
!!
أما الشي اللي لازم تنتبهين له هو الصداع الشديد اللي مايخففه شئ {الدكتوره قالت لي تعالي لمي على طول أول ماتمر معك الحاله هذي} والسبب هوزياده فيتمينA بالدم فالروكتان مفعوله كمفعول فيتامين A، لذا يجب عليك عدم تناول حبوب فيتامين A ، أو حبوب المتعددة الفيتامينات التي تحتوي على فيتامين A أيضاً ….
والشي اللي آبدخله تبع الرأس فقر الدم أنا سبب لي العلاج فقر الدم والذي أدى لحدوث دوار بسيط
<< شفتوا ليش حطيته تبع الرأس ..
عالجته بحبوب الفروز المشهوره ولمده شهرين وطلعت النتائج طيبه والحمدلله <<لاتصدقون آكلهن كذا
بس عشانهن بطعم الشوكلاته هههههه لا تفوتكم ،،
…||
.
العين …||
وآآآآآآخ من العيون ..سبب لي الروكتان جفاف شديد بالعين والتهاب بالجفن >>مما قطعني من متابعه النت بكل راحه [يعني لاتصدقون إني أنقطع تماما ههههه]
الحل ….>
استخدمت قطرات العيون أو مايعرف بالدموع الصناعية وحاليا أستخدم قطرات Refresh ريفريش وبصراحه أعيش عليهن خصوصا مع الأجواء المتقلبه بحيث إنه ماينفع لي الجفاف أبدا خصوصا بعد عمليه الليزك اللي سويته تقريبا قبل ٨أشهر من بدأ العلآج وحاليآ حالتي حاله أنا وآللابتوب ماحنب أصدقاء أبدا
[بس أنا ألزم عليه وأحاول ما أقطع عنه ولا يوم ]
تنويه ،،،
يحذر من استعمال العدسات اللاصقة أثناء العلاج وذلك تجنباً لخدش القرنية وحدوث انتانات بكتيرية قد تؤدي إلى مضاعفات خطيرة منها إعتام القرنية ،،
وبالنسبه لسواد منطقة حول العين يخففه العلاج نسبيا بس اللي لاحظت بالصور وبعيني أيضا إنه يسبب آنتفاخ للعين بسيط جداا وليس ملحوظا وقبل ماأبدا العلاج استخدت السيروم هذا ومشيت عيه بصراحه يرطب اللي حول العين واللي ماتوصله المرطبات غالبا ومرتاحه معاه وأحطه قبل المكياج كبيس لمنطقه العين …..>
الأنف …||
مثل أغلب الجسم جفاف في جفاف وعادي تمر علي أيام رعاف شديد مرتين باليوم وخصوصابرمضان أيام الجفاف الشديد والحر كماأنو دايما يوجد رعاف جاف وتصيرين تعودتي عليه خلاص بس أنا جبت هالقطره هذي وللأمانه ماأدري تصلح مع العلاج أو لا!!!بس تؤدي الغرض []
والأفضل منها ومتوفر بكل مكان الفازلين تدهنين حول وداخل الآنف لترطيب الأنف والهواء الداخل إليه >>تذكرت دروس العلوم حق ثالث إبتدائي {}
الشعر
+طبعآ بما إن العلاج ما خلا شي ما جففه فما خلا الشعر يعني أزيته ويجي بنهايه اليوم راحت لمعه الزيت بس لآزم تنتبهين على شعرك فتره العلاج وتزيتينه كثير وتكرمينه ـيعني تستخدمين عليه كريم ـ اللي يناسب شعرك وهنا أستخدمت زيت ُفاتيكا رهيب وآهم شئ ريحته حلوووه كأنه جليسرين ههه وهو مكون من أيش يالذكيه ؟ ج : زيت اللوز صح ،،
وكريمات الترطيب صانسيلك وبارشوت بس ما أعجبني ترطيبهن أبغى ترطيب أكثر وبحثت بالنت وحصلت بعض الأسماء منها :
من جون فريدا Jhon frieda اسمه بريليانت برونيت brilliant brunetee ..
هملايار ..
(بس للآمانه ماجربتهم حتى الآن)
وأذكر واحد لونه أبيض والغطاء عنابي فاتح واسمه على ماأظن كان باريسبس كان ترطيبه رهيب ،،
+عانيت من كثره القشره في بدايه العلاج واستخدمت له شامبو القشره من ماركه Heliabrine والحمدلله خف الحين بشكل ملحوظ [الروكتان يعالج قشرة الرأس أيضا],
+ التساقط صاير شعري مرررره يتساقط وأتوقع بسبب الجفاف بس إن شاء الله ماراح يستمر كذا وراح يرجع زي أول ،،
هناك شئ حللللو مرررره،،، بس أخاف تستخدمون العلاج عشان هالنقطه
}،،وهي إني لآحظت شعري يستشور على طول وفي بنات بالمنتديات لاحظوا الشئ هذا بس ماأدري يمكن نفسيا بس هههه …
البشرة …||
وهي الأهم الله يعين عليه،، والمعانات كله بس عشان نحصل بشره صافية وخدود زي الأطفال {
} ،،
تفاقم حب الشباب …||
طبعآ أول ماتأخذين العلاج ولمده تقريبا ٣ أشهر وقد تزيد وقد تنقص يتكاثرن الحبوب وتطلع كل أبو الحبوب اللي تذكرين إنه طلعت بمكان يعني طلع كل السوابق وهو مايعرف بتفاقم العد ،، بس في فرق كبير من إنه تطلع من مرض أو تطلع من علآج !! تحسين بنوع من الثقه وإحساس رائع إنك سويت شي حلو لبشرتك وكل ماشفتي حبه وضاق صدرك منه تذكري النتائج الحلوه بعدين ،،
بس أنا ظلت الحبوب تطلع حتى الآن وأنا بالشهر الخامس (من العلآج )لا أحد يفهم غلط ههه ،، وكنت راجعت رمضان الماضي وتهولت الدكتوره من وجهي وأنا جيته بكل ثقه لأن الحبوب خافه بشكل كبير عن بدايه العلاج فعطتن حبوب لمده 7 أيام بس وبالليل أستخدم المقشر هذا وصورته زي كذا …..>
وقبل أسبوعين تقريبا كانت الزياره الأخير وكانت الحبوب ماطلعت الحمد لله بس كان في آثار كثيره وحمراء ، فأثنت الدكتوره الحلوه على التحسن ، بس كمان لازم نصرف كريم وهو اللي لاحظت معه التحسن بشكل ملحوظ وخصصا مع الآثار الحمراء اللي هو أكرتين Acretin 0.05%
…..
فرط التعرق …||
لا تسغتربين إن كرهت نفسك بالحر خصوصا ولوتستحمين أكثر من مره ماضرك بس في ملاحظه لأخواتي أهم شي حافظي على النظافه الشخصيه وخلك ٢٤ ساعه خاليه من الشعر واحرصي على النظافه ومزيلات العرق الطبيه والموثوقه أنا عن نفسي استخدم تبع البودي شوب ومرتاحه معه ولاتسوين دلكات ولاخلطات ولاحمام مغربي ولا حتى حلاوه في حالتي أنا لأن بشرتي حساسه أما في ناس لاماشاء الله حلاوه وشمع وكل شي بس موكويس أبدا لأنه في تبع التحذيرات اللي بالنشره فاللي لازم نتف نحله بالأمجوي والباقي ايديني ورجليني بالموس وعلى طول يطلع بس وش نسوي نتحمل ؟؟؟
وخلك رقيقه على كل بشرتك وتذكري إنه تحت العلاجبس شامبو جسم مع ليفه رقيقه وزبده كاكاو ويطلع جسمك زي الفل الحساسية …||
آه من الحساسيه مرت علي فتره قبت ايدي يعني طلعت حبوب حمراء بايديني واستغربت منهن بس عادي بما إن العلاج يوصل لجميع مناطق الجسم يعني مش موضعي ،،والحمدلله مافيش ولاحاجه بس لمده أسبوع فاستخدمت الفازلين الصديق الحبيب للروكتانيات >> "مصطلح يتكررر بموضيعي وهو يعني البنت اللي تستخدم الروكتان"وإنقطع تمامآ…
شئ ثاني بالحساسيه ألا وهي الحساسيه من العطور ودهن العود يعني مره استخدمت دهن عود سيد جنيد وسبب لي حكه بسيطه ويوم قلت للدكتوره (اللي صجيت رااسه بالأسأله )قالت :عادي ولاتستخدمين العطور علي جسمك يكفي علي الملابس وبكذا نكون حلينا مشكله الحساسيه ،،،،
الجفاف …||
وهو أبرز شي ودليل على سير العلاج بشكل سليم ،،طبعا نحارب الجفاف من الداخل أولا بشرب كميات كبيررره من المياه والتي غالبا ماأنسى نفسي في زحمة الأشغال !! 
كريمات الترطيب وصرفت لي الطبيبه هذا المرطب البطل وهوحلو بشكل عام مناسب للبشره الجافه ويوضع صباحا ومساء أوقبل المكياج اللي ماراح يضبط إلا بكيلوات من الكريمات والمرطبات وسعره رخيص جدا بالعشرينات ،،،
ولاتهون زبده الكاكو اللي من بودي شوب أو من فازلين كله واحد والآهم هذا الإختراع الرهيب الفازليــــــــن طقطقطقطق 
<<تصفيق لللفازلين هههه…
جفاف الشفايف…||
طبعا الشئ الي أول شئ يظهر عليه الجفاف حتى بالأوضاع العاديه ..فمابالك بدواء مُجفف بس مع Lipobase مافيش مستحيل رائع جدا للشفايف ولكل مناطق اللجسم وآستغنيت عن لابيلو بس صار لازم كل دقيقه أرطب وأعيد الروج >>>آتبع نصائح ميوشه بالحرف الواحد ههه (تسلم ويسلمن كل الشموائيات)وكل ماصار الفازلين قريب أخذ وأحط طبعا بتعانين مع المكياج والروج على وجه الخصوص بس الحل بالترطيب ثم الترطيب وأنا حبيت بصراحه منتج يهبل اشتريته قبل لغرض واستخدمته لغرض ثاني أنا جايبته عشان تكبير الشفايف وشافون خواتي كذا>> بس بعد اكتشفت شي زين وترجمت الكلام المكتوب صار صدق يعبي الفراغات اللي بالشفايف ويطول مدة الروج وهذا اللي إستفدت منه لأني ماأحط روج إلا ثواني و يروح وأنا أستخدم ماركات ثابته شانل على ماك وصار هذا مساعد،،،
(يعني بصراحه بفتره العلاج بتصيرين تقدرين الفازلين واللبيلو وتنتبهين لكلمه جفاف زين وتفسرينه صح ههههه بس من بغى الدح ما قال آآآآح وفي بنت تخيلوا تقول:[ياخ مابديت أجف وأنا بالشهر الثاني أبغى حل" ]يعني جفاف =علاج وَ علاج =جفاف )
طبعآ معروف خلآل العلآج تكون البشره حساسه من أي شي وخصوصآ الشمس والأشعة يعني تبغين لون برونحاسي
>>مشتق من البرونزي لأنه بجد لونه غريب يعني تشوفون لما الفنانات المخضرمات يطلع لون الوجه يلق لقآ مما تجزمين أن قناعا مركب على الخشه عكس للرقبه نفس الشئ عندي بس العكس .. يعني شدي حيلك بالواقيات ثم الواقيات،، الأخصائيه تمشي وتقول واقي صبح وعصر حتى لو ماطلعتي يعني قدام الاب توب لازم واقي حتى للبنات العاديين عشان يحمون بشراتهم من الأشعه ،،،،الصبح أضع الواقي اللي هو كريم أساس وتلاحضون لون الرقم- عامل الحمايه- يجي بني موأبيض ،،،
والعصر بالبيت أضع الواقي الغير مرئي ،،،،
الحاله النفسيه والعلاج …||
هاذي بتخافون منه شوي لأنه بتكون بكم حاله نفسيه غريبه تشبه الوحام [ههه ماقلت لكم بالخامس] وهي إنح ماتتحملين النرفزه أبدا وتكونين خدرانه أغلب الوقت ومرت علي فتره برمضان أكلت من ال10 ملجم 6 حبات تخيلوا بعد الفطور وصرت آكلهن وأنام ههه ما أتخيل أبدا إني آكل 6مع إنه صغار جداااااا…
ملاحظه عامه :
[لآترجعين السبب للآمور الصعبه أو السيئه إلى أسباب ليست هي السبب الفعلي فسبب كل شئ بدايه هو نفسك وذنوبك يعني ضاق صدرك ماتقولين الزمن أو الدراااسه أو الشغل الخخخخخ لا هو بسب نفسك ونفسيتك وذنوبك وإنه أنتي جلبتي الشي هذا لك أنا عن نفسي أحط اللوم كله على الحبوب إذا زعلت وهذا أكبر خطأ بدل ما أصحح المشكله وآتحكم بنفسي أدور لنفسي عذر ] بس الحمدلله تعديت هالمرحله وصرت آنشط بكثير وأحاول ما أدخل بهوشات مع أحد >>يعني ردوا علي زين وإلا ههههه ….
بعد مرور شهر واحد لا يبقى للدواء أي أثر في الجسم ما عدا وجوده بصورة طبيعية (التركيز الطبيعي) في الجسم ,,,
تستمر بشرتك في التحسن حتى بعد التوقف عن تناول الدواء لمدة 5 أشهر، معظم الآثار الجانبية تزول تدريجياً خلال أيام أو أسابيع من التوقف عن تناول الروكتان. قد لا تتحسن حالتك حتى بعد الكورس الأول من الروكتان في هذه الحالة يمكننا أن نبدأ المريض على الكورس الثاني بعد 8 إلى10 أسابيع من إنتهاء الكورس الأول ,,,
في الختآم،،،
أتمنى إني ماطولت عليكم ،،وغثيتكم بتقسيم الموضوع بس أسهل بالتنسيق وعشان ماتضيع المعلومات و أهم شئ تستفيدون ،،،
[وإن كان في أخطاء علمية نبهوني]
وبصراحه بتتهولون من الأعراض الجانبية للعلآج وبتخافون منه ،،يعني أنا إلى الأن ألقي ناس يستغربون من إني أخذت العلاج خصوصا اللي يعرفون عنه ،وأنا الحمدلله موب للدرجه لأن بشرتي صافيه ماعدا جبهتي اللي كنت أنواع المعاناة لآ بالمكياج ولا بالحياة اليومية وأنتم فاهمين قصدي خصوصآ إنك تتلقين بعض الإحراج (مو مره بس أنا حساسه وأبغى أصير وآثقة من نفسي على طول
) ،،، وبعد مدة بدأت تتسع رقعة الحبوب إلى خدودي الحلوة فقلت لآزم أوقفه عن حده وصرت أدور وأبحث وأبحث ورحت للدكتورة وأنا مرتآحه وفآهمة لكل الأعراض الجانبيه،،
والحمدلله الحين أنواع الفرق نسيت شي اسمه حبوب كبيره وعلى بعضه ..وبشرتي صار فيه نضاره عجيبه ولله الحمد يعني يبغى لك عزيمه ياتعيشين طول عمرك من كريم لكريم ياتتعبين 6شهور ،،،،،
أهم شئ غاليتي إنكم تدعون لي إن بشرتي تصبح أجمل شئ وإن الله يوفقني دنيا وآخره لعله توافق أبواب السماء ولاتنسون (ولك بالمثل)،،،
[
]
الموضوع من مجهوود العضوووه miss zizi
موضوعج فتااااك
والله يعافيج ويشافيج حبوبة