الصراحه اليوم بخبركم عن تجربتي ويا محل diptyque الراقي والراااااائع
أولا بخبركم عن المحل
ها المحل يبيع عطورات كمنتج أساسي ويبيع شموع وبودي لوشنز وزيوت للجسم وكولنيا
عطور منتجة من مواد طبيعية 100% وريحتها ولا أروع وهي خليط بين فواكه وورد وبعض البهارات والتوابل
المحل فرنسي
موجود في لندن ونيويورك وفرنسا اكيد
والأكيد طبعا انه موجود بدبي في دبي موول
أول مره رحنا المحل خذنا فكرة وتمينا نشم العطور لي تخبلنا عليهم وكل ريحه احلى من الثانية بس ما حسينا اننا مركزين وايد من كثرهم
خذنا شرايط التستر وتمينا نشمهم والريحة ولا أرووووع يا بنات صج فرش وناتشورال وروووعة
وتمت العطور بخاطرنا وما غامرنا وشريناهم من اول مره لان بصراحه السعر موب رخيص للـ 50 مل ب 330 درهم وهالسعر موووحد لكل عطر بهالحجم والللي ب 100 مل أغلى شوي
واليوم طبعنا رحنا وما خلينا شي بخاطرنا الا وشريناه
خذنا لريلي 3 أنواع وكلهم حلوين والروايح منوعة بين العنبر والمسك والسينامون كل عطر فيه واحد من هالمكونات مع خطلة ثانية وريحتهم تهبل
وانا خذت لي 2 واحد في ريحة الفل والثاني شوي ريحته سبايسي
لا تسألوني عن الاسامي لان الاسامي غريبة وفضيعة ههه ما تنحفظ
وعطونا هدايا
شمعة
هاي هي الشمعة بريحة التين بس جد جد روووعة
عدد 5 تستر من الصغار
كولكشن صغير من بودي لوشن وكريم وزيت لعطر يديد نازل عندهم
وتعاملهم ولا أروع اللي ف المحل
ممكن تخبرينهم شو ف خاطرج مثلا عطر ريحته فرش او عطر للسهرة او عطر للصباح او اي مناسبة وبيطلعون لج عطر فعلا ريحته تليق ع الشي لي تبينه واللي يبيعون طبعا خبره وفاهمين كل شي
وبعد بخبركم ملاحظة ان معظم عطورهم يوني سكس
وبس حبيتكم تعرفون عن هالمحل عشان لو حابين تشترون عطر مميز ^_^
بسير لهم طيران ان شا الله