CUPECAKE من الالف الى الياء بالصور المطبخ الاماراتي

خواتي عضوات و زائرات قسم الحلويات

Farouha

اشحاللللللللللللللكن بنااااااااااااات وحريماااااااااااااات لول

من زماااااااان مانزلت موضوع يديد .. للاسف اول مره كمبيوتري اخترب وراحت كل الصور .. قلبي يعورني عليهم لين الحين..

وثاني مره الصور انحذفت بالغلط من الكاميرا .. وراحت كذا أكله للأسف..
وكنت مصورة هالكاب كيك بالتفصيل الممل جدا .. لكن راحت الصور وحصلت وحده بالغلط في الكاميرا الثانية

هاي صورة الكاب كييك.. كنت موسيتنه وامي ودته وياها وقالت تخبلوا علييييييه

يالله خلنا من كل هالهذربة ونسير للمهم…

::مقادير الكاب كيك::

2 كوب طحين
211 كوب ونص سكر
2 بيضتين
21 كوب جوز مقطع
41 كوب زيت
1 كوب حليب سائل
1 ملعقة طعام بيكنج بودر
1ملعقة صغيرة فانيليا او ماء ورد

::مقادير الصوص::

1- 211 ( كوب او كوب ونص حليب سائل)
1 علبة كريم كراميل ( باودر)
1 ملعقة كاكاو باودر

::الطريــقة::

1- تخلطين الطحين + البيكنج باودر + السكر مع بعض ويترك جانبا.

2- تخفقين البيض والفانيليا عدل لين يتغير لونه وتضيفين عليه الحليب والزيت وتخلطينهم عدلز

3- اتضيفين عالخليط السائل خليط الطحين وتخلطين عدل لين يتجانسون. عقبها اتضيفين الجوز ( اختياري وممكن اي نوع من المكسرات او ماتحطين شي) وتخلطينهم بالملعقة الخشب.

4- تحطين الخليط في قوالب الكاب كيك وادخلينه الفرن مدة 30 -35 دقيقة او لين يستوي .. وعقبها اتظهرينه

5- ولما اتظهرين الكيك ابدي سوي الكريم كراميل

6- عقب ابدي غمسي الكيكة في خليط الكراميل العادي او الكاكاوي وزينيه باللي تحبينه واذا الخليط غلظ ردي حطيه عالنار

:: طريــقة الكريم كراميل::

الكل يعرف كيف طريقة الكريم كراميل

اتيبين كوب حليب وتحطينه عالنار وعقب تحطين عليه باودر الكراميل وتحركين عدل

تاخذين نص الكمية وتحطين عليها ملعقة او ملعقتين كاكاو باودر او نيوتيلا

انا استخدمت الباودر .. وتخلطين عدل وتغمسين الكاب كيك فييه