أول موضوع لي في قسم الحلويات
طريقتي هاي مضمونه واستخدمها دايم وتطلع تجنن وماذكر من وين خذتها
اسمحولي ماصورت لكم الطريقه بالتفصيل بس لانها وايد سهله ومايبغيلها شرح وايد وحطيت النتيجه فالاسفل
المقادير:
800 جرام جبن فيلادلفيا (علبتين كبار)
1 علبه كريمة خفق الحجم العادي مب الكبير
4 بيضات
ملعقه صغيره فانيلا
3 ملاعق كبيره طحين رقم 1
ربع كوب سكر
نصف علبه كبيره بسكوت دقستف وانا اظيف تقريان 10 حبات اولكر عليه يطلع انعم ويذوب بالفم
5 حبات صغيره زبده المراعي
قشطه
علبة فراوله مع الصوص نحصلها فكارفور عند سوالف الكيك
الطريقه:
1-نطحن البسكوت (اختياري نظيف ملعقه صغيره سينامون مع البسكوت) ونفركه بالزبده وملعقة كبيره قشطه لين مايستوي عندنا حبيبات مفتته وتتماسك لما نظغط عليها باليد …ونفرشها بصينية الجيز الكيك بالتساوي ونظغط عليها براحة اليد وعلى جوانب الصينيه
نظعها فالثلاجه لين مانحظر الجبن
2-فخفاقة الكهربائيه نظع 2 علبة فيلادلفيا ونخفق لين ماتنعم
3- نظيف الكريما ونخفق 3 دقايق ثم نظيف البيض وحده وحده ونخفق 3 دقايق ونظيف الفانيلا ونحط ملعقتين كبيره قشطه وربع كوب سكر ونخفق ثم نظيف الطحين.
4-نشغل الفرن على اقل درجه تقريبان 160 من اسفل
5-نصب الخليط فصينية فوق البسكوت بخفقه ونضعها فالفرن الرف الوسط ونخليها تقريبان ربـــــع ســـــــاعه انا استخدمت الصينيه الوسط وبعدين نغلق الفرن من اسفل ونفتح النار من اعلى على أقل اقل حراره ونحط الكيكه عالرف الاخير من اسفل شي ونخليها تقريبان ربع ساعه لازم نشيك عليها كلشوي عسب لا تحترق على حسب اختلاف الافران وحرارتها..لما تصير لونها شوي ذهبي واحيانا نقط بنيه نطفي النار ونخليها داخل الفرن 10 دقايق تتماسك اكثر
6- نطلعها ونخليها برع 10 دقايق ثم فالثلاجه مب اقل عن 4 ساعات وكل ماطولت فالثلاجه تطلع احلا وابرد عالقلب
7 -قبل التقديم نفرش الصوص والفراوله فوق الكيكه ………..وبالعافيه ^_^
جربوها
شي طرق وايد للجيز كيك في الي يحطونها فحمام مائي وفي الي يحطون صينية ماي فالفرن حذالها
بس انا دوم اجرب هطريقه وتطلع حلوه والجبن ناعم ويذوب فالفم
هالصوره والسموحه كنا بنروح وعالسريع حطيتها فالبارسل وصورتها قبل لا نطلع
^__^
استغفر الله العظيم الذي لا إله إلا هو الحي القيوم ،،،،
استغفر الله العظيم الذي لا إله إلا هو الحي القيوم ،،،،
استغفر الله العظيم الذي لا إله إلا هو الحي القيوم ،،،،
استغفر الله العظيم الذي لا إله إلا هو الحي القيوم ،،،،
استغفر الله العظيم الذي لا إله إلا هو الحي القيوم ،،،،
استغفر الله العظيم الذي لا إله إلا هو الحي القيوم ،،،،
^_^