>_< إيـــــــدي احتــــرقت بالحنــــــا الســـودة >_< في صورة مب وايد حلوة >_< من مطبخي

بســـم الله الرحمــم الرحيـــم

السلام عليكم ورحمــة الله خواتــي

عســـى الجميـــع بخيـــر يارب ^_^

سامحــوني على هذا الموضوع خواتــــي

لكــن يشهد ربي انه من حبـــي لكــم

وحرصـــي عليكــــم

وانــي ما أبغـــآ اي أخـــت تمـــر من الــي مريـــــــت منــــه وبعدنــي فيــه بعيد الشر عنكن

أنــا تحنيـــت بالحنــا السودة قبـــل اسبـــوع تقريبــــا

وقبل لا أتحنـــى حطيت بس شوي على جلدي لمدة طويلـة ويوم ماكــان في أي أثر لضرر

حنت لي الحنـــاية بالبيـــت

وحنيــــت إيـــدي وريولـــي مستانســـة >_<

لكــن قــدر الله وماشــاء فعــل

من 3 ايـــام الحين وإيدي ملتهبــة علي ,, ومكــان النقش عندي اختفى منه النقش وتعوض بجروح والدم

إيدي منتفخــة وايد وريلــي بعد لهــأ نصيــب كبير ..

ما أروم أرقــد رغم اني تعبــانة لإن الحكــة فضيعـــة والألم

وأنــا حصلـــت صورة في النـــت لأخت استوى لهـــا نفــس الشي :

بس صراحـة أنا الي مستوي لي أكثر لإن النقش كان أكثف ..

وعلــى فكرة للاسف ماشي دوا مخصص عسب يشفي هذا الشي

الحين مستوي لي 3 ايام متابعـة الدوا والحال بعده متأزم شوي

وويـــن ما اسير يقولون لي ماشي حل بس تابعي على الأدويـة

لإن حرقــة الصبغ على الجلد من أخطــــر الحروق ..

سامحــوني إذا طولـــت عليكــم خواتي

وأتمنـــى تعتبرون من موقفي وتنبهون أهلكم وبناتكـــم

وربي يقينـأ أجمعين من كل شر

والحمدلله على كل حال ربي يجعلهـأ دافعـة بلاء

دعواتكـم خواتي ^^

في أمان الله وحفظـــه

المشاركة الأصلية كتبت بواسطة Miss Sam

حياتي … ألف سلامه عليج .. ربي يشافيج ويعافيج يارب

تبين الصج أنا من عشاق الحنا السوداني بس والله انا بعد صار لي نفس الشي العيد اللي طاف بس على خفيف .. يعني حبوب صغار وحكه وبعدني مااتوب ناويه اتحنى فعرسي سوداني مع ان زوجي محرج علي امس ..وألحين مااقدر أكسر كلمة ريلي وفنفس الوقت موضوعج نبهني وخوفني أكثر .. يزاج الله كل خير

الله يسلمــج أختي ويحفظــج

ويتمم لج زواجج على خير وتكونين أحلــى عروس

بس دخيلــج الغالية لا تسوينهــأ خاصـة في عرســج

لاسامح الله اذا استوى شي مافي مجال للرجوع ورى ..

واسمعي كلام ريلــج تراه يحاتيـــج ^_*

وان شاء الله أختي تتحنين حنا عادية وتطلع عليج أحلى من القمـر

ربي يوفقج ويسر أمورج

المشاركة الأصلية كتبت بواسطة أم خالد الحلو

سلامتج حبيبتي
ما تشوفين شر

المفروض اول شي تسوينه هو .. تاخذين تقرير من السمتشفى بحالتج

الشي الثاني
ترفعين التقرير للبلدية عسب يتم اتخاذ الاجراء المناسب للصالون
الله يعلم شو محطين من مواد في الحنه نفسه

اذا انتي سكتي اليوم .. باجر بطيح غيرج فيها

الشي الثالث والأخير ^_^
استخدمي كريم ميبو للحروق .. واايد زين

والله يشفيج يالغالية

ربي يسلمـج ويعافيج الغالية

ومشكورة على كلامــج الطيب

أنا عندي التقرير الغاليــــة

بس تراني تحنيت بالبيــــت ومب بالصالون

عند حرمـة يعني ..

وأكيــد بسوي الي أقدر عليه عسب ما تطوف السالفة جي

بس حبيــت أنبه الخوات بعد لإن الحنا السودة لهـا ضرر وين ما تسوينهـأ

لإنهـا مب طبيعيـة ويدخلون فيهـا كيماويـــات ومب كل الناس بشرتهـا تتحمـل

وأنا عرفت هذا الشي متأخر ..

الله يآجرنا ويرزقنـا الصحـة والعافية أجمعين

المشاركة الأصلية كتبت بواسطة PinkyH

مـأ تشوووووووفين شر الغاليه ..
معروف الحنا الأسود خطير يسبب التهابات
ويضر بالكلى يسوي فشل كلوي بعيد الشر
عن الجميع . .
مرات يكون فخاطري أبا أسوي رسمه خفيفه
بس راعية الصالون مارضت تقول مره عروس
حنوها بالحنا الأسود وسوالها مضاعفات وقصوا
ايديها بعيد الشر عنكم . .

أختي حطي عسل على مكان الألتهاب وربي
يشفيج يارب . .

الشر ما ييج غاليتي

مشكورة على دعوتج الطيبـة

بس

بصيـــــــح

يالله الله يبعد عنـا مثل هالبلاء

يبغــى لي تأديب صراحــــة

وأنا الحين آخذ مضاد حيوي وأخاف أخلطه بشي لإنه عادي ينقلب علي

وآكل ملعقتين عسل يوميا

الله يستر والله ردج خوفني الله يحفظني ويحفظ جميــع الخوات

المشاركة الأصلية كتبت بواسطة زليخة

حبيبتي سلامتج
حطي ميبو
او حليب بخف عليج الحرق

ربي يسلمـج الغالية ويرزقـج الصحـة والعافيـــة

وأنا ان شاء الله بتريا يوم زيادة إذا الدوا ما نفعني بجرب ميبو

وربي يستر

جزاكم الله خير