معرس في الخمسين للسعادة الزوجية

السلام عليكم ،،،

طبعا مبين عن الموضوع انه معرس في الخمسين … لكن ها المعرس مب لي …

هو شخص من الاهل قاعد يدور عروس …وناس خبروه عن وحده عمرها 31 مطلقه بدون اطفال

لانه ها الشخص يبا مطلقه ولكن ما يكون عندها اطفال علشان المشاكل .. لكن انا بغيت استشيركم ..

هو طلب مني اكلمها في الموضوع … وانا متردده بصراحه … يعني انا عمري 33 ولو ياني واحد عمره 51 ما بقبل فيه…

لكن هو والله حق رجل مقتدر .. وعنده وحاب يتزوج ويعيش بالحلال مع زوجه ثانيه يتفاهم معاها … هو متزوج ولكن الزوجه الثانيه تدرون صارت قديمه …

فشو رايكم.. افاتح البنت …بالموضوع او اقول له لا..او اني اشوف له وحده ثانيه تناسبه ..

لاني بصراحه شخصيا مش مقتنعه في فرق السن اللي بينه وبينها..

ابااا رايكم ،،خواتي لو وحده منكم في ها الموقف توافق ولا …؟؟؟

كيف يعني زوجته صارت جديمه،،، ؟؟؟؟

استغفرك ربي و اتوب اليك

انتي رسول وما عليج الا البلاغ ، أنا من رايي أحس الفرق وااايد كبير واذا عمرها ٣١ بعدها ما فيها كبر ، أحسه في قد أبوها عمره ٥١،وبعدين اختي شكايل زوجته صارت جديمه ؟؟؟ ، تراها بعد هيه أم لعياله ، والسموحة منج.

فاتحيها يمكن هي عادي عندها وان قالت لا فانتي مجرد وسيط وما عليج اي ملام

شو يعني زوجته صارت قديمه مافهمت هالنقطه ؟ لكن انتي عليج تخبرينها وبس
شي ناس فالخمسين والستين بس فيهم لياقه ومايبين عليهم الله يوفق الجميع

انا يوم قلت جديمه ها الكلمه من لسانه.. طلعت يعني هي ام العيال وهي لها كل شي .. ولكن هو ريال وانتو تعرفوون انه اصابعكم مب سوا … وفيه رجال يبووون الحلال ولكن يبون يعيشون حياتهم .. ودايمن الريال سبحان الله خاصه اذا كان محافظ علا صحته ما يبين عليه العمر…

ولكن انا خوفي اذا عرفت بعد الزوجه الاولي ..شو بيكون موقفي وخاصه انهم من اهلي .. احس اني بتورط

وهو بصراحه ما يعيبه شي .. صحه الحمد لله وكل شي وفلوس ,, ولكن انا اخاف من سوالف الزواج اخاف باجر البنت ولا هو الريال يدعي عليه ..ههههه ما فيه

والله سالفه تورطت فيها وما عرف كيف اتخلص منها..وهاي صدق امانه