فضيلة الشيخ ابو قتيبة معالجة المس الشيطاني 00905385800360 عالم الامومة

خواتي لي مواضيع قبل
انا متزوجه احين ثلاث سنوات وعندي بنوته وولد
ريلي يكلم وطرحت مشكلتي وياه وفي وحده مطفرتبي داشه حياتنا عررررض وانا اواجهه يقول هي عاقه نفسسها واعدي والقى رقمها واواجه وينكررر احين قالي مالج حق تواجهيني انا ريال قتلج البنت عاقه نفسسها طيب والي قبل زخيتك اتكلمهت بعد عاقات نفسهن
من اسبوع رفع علي العقال قالي تبين تعيشين وياي تتقبين وعباتج وسيعه وتتحملين ع الحلوة المره انا وقتها انفحرت صياح عمري محد رفع علي العقال
وتما رايح واد بالعقال قدام الخدامه
قلت ماعليه يمكن انا غلطانه لين امس قالي سسوي عشا قتله اوكي رن فوني قلت للخدامه جهزي لين اكلم اختي
والله ما كلمت اختي غير عشر دقايق قام وطلع من البيت رب دش المطبخ علي لقاني اسسوي العشا ما تكلم بعد ما خلصت دخلت المطبخ عليه قتله تعال اتعشى قال اتعشيت تعشي انتي وعيالج قتله ليش ما قلت انا مش خادمه عندك اطبخ واخر شي اتقولي ماريد ترا مش رفعت عقال علي استويت خلاص تحت امرك انا مش مكتوبه خادمه في عقد الزواج انا زوجه ومش مجبوره اطبخ اساسا قال كلمه زياده بقوملج ترا روحي اتعشي وكملي سوالف مع اختج قتله بس ها الي شاطر فيه تهدد بالضرب والطلاق وطلعت عنه وما يكلمني احين
والله تعبت شو اسسوي ما دري معاه مب عيشه هاي كله نكد في نكد احين قلت ما بكلمه لين روحه ايي ويكلمني تعبت اذل نفسسي وايي اراضيه مل مره تهاونت ع سالفة العقال واشوفه ركب فوق راسي اكثررر
شو الحل معااااه ماريد ادخل اهلي عشان ما تكبر السالفه

بهالاسلوب ، مانصحج بالمواجهه .. لان بتيي ع راسج
انصحج بالبرود حاليآ
خليج روبوت وياه .. اللي يقوله حتى لو مب عايبج قولي اوك ، يوم يهينج قولي مشكور ماقصرت
وقبل مايطلب المويه او الاكل جهزيه وحطي له .. سوي واجبابج ع اكمل وجه
ويوم بتيين تقعدين اقعدي بعيد عنه ولا تسولفين معاه موووول
ويوم بتنامين نامي بعيد عنه بعد ولا تعبرينه باي كلمه حتى شحالك لا تقولينها .. بس سوي اللي عليج
ولا تتكلمين ابد يوم يكلمج ردي بس ، لا تناقشينه بشي ولا تسمعينه كلام
لان باين ان ماعنده مانع يطلقج ، ف لا تكوني انتي السبب ب دمار بيتج
تعاملي بهالاسلوب وان شاءالله بيحس ع نفسه وبيرد لج ، وف حاله حيط ماحس ولا شي
عالاقل خليها لين تمر اسبوع اسبوعين جي عبال يهدا وينسى مواجهتج والعشا ووو

واذا هي عاقه عمرها عليك معناته خلاص عندك تصريح تكلمها وطلعت البريء فالموضوع ؟؟؟؟؟؟؟؟؟

الريال اللي ما يبا وحده ما يكلمها يعطيها ستين عذر عشان هي تخليه

بس شكله ريلج عايبنه الوضع

دام يقولج انا ريال وانا وانا وانا

ما عندج غير انج تسكتين وتعاملين معاه ببرود

خليج بارده .. وعيشي حياتج لين هو يمل منها وايييج

مابا أقول ودري بيتج وسيري عند اهلج لانه ما ينفع صارت موضه احين الريال عنده بنات

ف ليش تخربين بيتج

دام جي أسلوبه سكتي عنه وخليج بارده لا تواجهين ولا تفتشين

بالتوفيق

والله حبيبتي مادري شقول بس سالفة البرود هادي يمكن ماتنفع وياه لانو انا صارلي نفس الموقف وين ودرتو وبعدت عنو قام يدور يخطب يبي يتزوج ولما واجهتوا قال انتي اهملتيني وما تبيني ايش تبين اسويلك ؟؟؟ فحاذري حبيبتي لتبعدين عنه يقوم ما يصدق ويفرح …….ما دري ياريت البنات يفيدونج والله يسخركم حق بعض ويحنن قلبو عليك

ها الريل يبغي له تطنيش مب طولة لسان
ترى بعد انتي تردين عليه ما شاء الله تبارك الله و لسانج و ردج زاهب هههههههههه
صح هو غلطان و نص
ابتعدي عن المواجهة و ع قولة الاخت خلج روبوت
يعني اقصد اي شي يقوله سويه بدون نقاش ولا حتى تسمعينه صوتج غير كلمة ان شاء الله
يبغي يسولف وياج اهلا و سهلا ما يبغي كيفه

المهم انتي طنشيه و لا تعورين راسج و اطبخي و سوي و حطي السفرة
يبغي يتعشى بالعافية ع قلبه ما يبغي يتعشى براحته
خلج عادية و كول
و دام عندج سيارة ولا ريلج عادي عنده
اطلعي و ادخلي و ارمسي ف الفون و سوي كل شي حلو

و روحي الجم ولا المسبح ف نادي مع عيالج و البشكارة
و اهتمي بنفسج و تعدلي و تكشخي و ارجعي كأنج عزابية
حتى من تزورين اهلج اكشخي اخرررررررررر كشخة و اطلعي

خليه يسأل نفسه شفيها ما تسأل
و شو فيها ما تلحق وراي و تتضارب
و ليش و ليش

خليه يسأل نفسه و خبليه بطريقة حلوة
ان شاء الله فهمتي اللي اقصده

نفس رد الأخت …عن تجربة المواجهة ما تنفع مع الزوج…خلج كول وتجاهليه بس بدون ما تحطين اي منفذ او غلطة عليج…كل شي قولي أن شاء الله ..خلج بعيدة بس بدون ما تكونين منتفخة..كشخة ..غير شيء في اللوك ..صبغي شعرج..واتركي سالفة انج تربعين تراضينه…وانشغلي مع اعيالج…خواتج…صديقاتج بترتاحين نفسيا…واذا على سالفة انه يكلم بنت..هو ذنبه على جنبه ربه بيحاسبه…لا تفتشين وراه …وتغافلي عشان انتي ما تتعبين …صلي استخارة بأنج بتقعدين معاه..عشان ترتاحين نفسيا…و هو اللي بيربع وراج..