من يومين أفكر اكتب هالموضوع واتردد,بس قررت اليوم اكتبه بعض النظر عن الاجابات اللي ممكن اسمعها مثل إنتي مايخصج وغيره
المهم
فالفتره الاخيرة وايد عضوات يدخلون ينزلون موضوع سالفة ربيعتي،ربيعتي تبا مساعده ،شو تنصحون ربيعتي وغيره من العناوين
اختي يا حبيبتي اللي تكتبين هالمواضيع ابغي أسالج سؤال واحد ربيعتج هاي يوم يت تشتكيلج اكيد قالت لج سالفتها وآخر شي قالت ماعرف شو أسوي او انصحيني ،البنت ما قالت لج ي فلانه قومي سيري المدونة وقولي سالفتي للناس ل هالدرجه وصلت ان هموم الناس استوت مثل نشر غسيل.ماعليه صح تبين تساعدينها لكن إنتي جذي بتييبين لها هم اكبر لان الخوات اللي يقرون الموضوع ردهن مَش واحد.
اللي تقول سالفتها الصدقيه على أساس انها ل ربيعتها حبيبتي عادي قولي انها سالفتج فالمدونة كلنا خواتج فالله ان مانفعناج مابنضرج بإذن الله ومحد فينا تعرف الثانيه لا اسمها ولا من قوم منو ف عادي خذي راحتج
السموحه على الاطاله وياريت محد يتحسس من كلامي
مادري يعني لو درينا انها سالفتج مابننصحج ولا شو ؟ خخ
لكن بالنهايه ترا كل الاخوات يدرون قوم " سالفه ربيعتي " يعني سالفتها هه ^^
ماشي ربيعات حاليآ يشكون لبعض لهدرجه .. مرات تكون سوالف خاصه جدآ او محرجه .
المشاركة الأصلية كتبت بواسطة mayar95 
مادري يعني لو درينا انها سالفتج مابننصحج ولا شو ؟ خخ
لكن بالنهايه ترا كل الاخوات يدرون قوم " سالفه ربيعتي " يعني سالفتها هه ^^
ماشي ربيعات حاليآ يشكون لبعض لهدرجه .. مرات تكون سوالف خاصه جدآ او محرجه .
خلاص كلنا نعرف ها الشي الواحد ما يجامل و يجذب
اللي عندها مشكلة تنزله و الكل يتقبله برحابة صدر و كلنا خوات ف النهاية
الله الحافظ ♡
حتى لو سالفتها
لان مثلا لو حد يعرفها بيكون ف شك ان هالسالفه سالفتها والا سالفه ربيعتها بالفعل
ولا انها وحليلها تكتب عن سالفتها وحد يعرفها ويكون ع يقين انها هي
يعني باختصار اخليج تشكين ولا اني اعطيج اليقين منو ورا هالسالفه .. هل انا او ربيعتي
اما بدون علم ربيعتها تنزل موضوع عنها هذا طبعا غلط
بالتوفيق