السلام عليكم ورحمة الله وبركاته ….
حريم في شي سمعته كم مره وصدق احس انه اليوم الناس وياك وباجر ضدك ….
الام الي تختار لولدها حرمه واتم تمدح فيها واصلا تكون وحده من المعارف يعني تعرفين سيرة حياتها عدل ….
اخر شي تدخلينها في بيتج وترمسين عنها بالشين جدام الناس الي يعرفونها …
تري حتي انتي يا ام مب معصووومه من الغلط وهذي الانسانه انتي الي اخترتيها لولدج ليش تذميينها حتي هي انسانه….يعني تغلط المفروض تنصحينها ….مب ترمسين من وراها …..
انا اعرف وحدة جذي اقول بكلمها من باب انه من معارفنا بس اتراجع ما ابا اسوي مشاكل ….
بس جد ليش بعض العمات جذي انتي اخترتيها لازم تتحملينها …مب ترمسين عنها حتي لو غلطانه مب حلوه والله …
اصلا الناس ماقامت ترمس عن عيالها ومشاكلهم مثل قبل بس في نااس فيهم هل الطبع الي مب حلووو ….
جد الله يعين كل حرمه عندها عمه جذي …
هذا واقع اشوفه جدامي
فيه البعض يمكن لانه حرمة الولد كانت بويه وخلاف طلعت بويه ثاني والبعض لا بس العمه بتم ترمس هل هيه غيره على الولد؟ او شو بالظبط مادري
السالفه كلها عشره وتبين لج كل شي
بالتوفيق
فهذي الامور ما تحتاي الوحده تزعل بسببه الحين اذا ذمت بينقص شي او مدحت بيزيد شي الاهم الوحده تحاول انها تتجنب تتحسس ووايد وتعيش حياتها وتملي وقتها بشي يفيدها ويفيد اسرتها ودينها لانه تربية العيال انعكاس لاخلاق الام
يختارون
عقب من يعاشرون ها الحرمة بيطلعون فيها 100 عيب
لا تعجبهم الكشيخة اللي اونها تخسر ولدهم ولا تعجبهم المستورة اللي لبسها طويل
لا تعجبهم اللي ريحتها مطبخ 24 ساعه ولا تعجبهم اللي تخلص شغلها بسرعه ف المطبخ و تسبح و تكشخ
ولا تعجبهم اللي ولدهم ياخذ لها هدايا ولا تعجبهم اللي تاخذ هدايا راهية لولدهم و تخسر عمرها
شو اللي يعجبهم ما اعرف يمكن حدهم ينيه تاخذ ولدهم 
يلست مع عيايز يمكن صغار بالعمر ف الثلاثينات
لدرجة والله يتناقشون عن ساعة العروس توها ما كملت شهر عندهم ( ساعتها كانت كارتير اليديدة)
ياخي الحرمة راتبها راهي و مقتدرة و تقدر تشتري محل رولكس بكبره
ليش ادخلون خشومكم ف ساعتها و خاتمها و سويرتها
مرة يتناقشون عن ساعتها و مرة فلوسها و مرة الهدايا اللي توصلها
و مرة يتناقشون شو سوت بهدايا عرسها و الفلوس هل خذتها ولا عطته لولدهم
و مرة عن لون شعرها
و مرة عن مشيتها و مرة عن طريقة سلامها و رمستها
الحرمة عروس فرش اكيد بتدلع و بتكشخ و بتلبس كل شي يديد مال زهابها
لو ريلها ما دلعها منو بيدلعها كومار
اخاف المرة الياية عن ملابسها الداخلية بعد ها اللي ناقص
والله اصدع من ادخل بيت حد و هاي سوالفهم عن حريم عيالهم و اخوانهم
المشاركة الأصلية كتبت بواسطة المغتربة 
يختارون
عقب من يعاشرون ها الحرمة بيطلعون فيها 100 عيب
لا تعجبهم الكشيخة اللي اونها تخسر ولدهم ولا تعجبهم المستورة اللي لبسها طويل
لا تعجبهم اللي ريحتها مطبخ 24 ساعه ولا تعجبهم اللي تخلص شغلها بسرعه ف المطبخ و تسبح و تكشخ
ولا تعجبهم اللي ولدهم ياخذ لها هدايا ولا تعجبهم اللي تاخذ هدايا راهية لولدهم و تخسر عمرها
شو اللي يعجبهم ما اعرف يمكن حدهم ينيه تاخذ ولدهم
يلست مع عيايز يمكن صغار بالعمر ف الثلاثينات
لدرجة والله يتناقشون عن ساعة العروس توها ما كملت شهر عندهم ( ساعتها كانت كارتير اليديدة)
ياخي الحرمة راتبها راهي و مقتدرة و تقدر تشتري محل رولكس بكبره
ليش ادخلون خشومكم ف ساعتها و خاتمها و سويرتها
مرة يتناقشون عن ساعتها و مرة فلوسها و مرة الهدايا اللي توصلها
و مرة يتناقشون شو سوت بهدايا عرسها و الفلوس هل خذتها ولا عطته لولدهم
و مرة عن لون شعرها
و مرة عن مشيتها و مرة عن طريقة سلامها و رمستها
الحرمة عروس فرش اكيد بتدلع و بتكشخ و بتلبس كل شي يديد مال زهابها
لو ريلها ما دلعها منو بيدلعها كومار
اخاف المرة الياية عن ملابسها الداخلية بعد ها اللي ناقص
والله اصدع من ادخل بيت حد و هاي سوالفهم عن حريم عيالهم و اخوانهم
هههههههه كلامج واقعي جداً ، أكره هالناس أمراض نفسية ربي لا يبلينا ..
أنا وحدة ظلمتني عمتي ظلم كبير ،،، لدرجة تكلموا عن شرفي وأني راعية طبوب
لكن في حياتي ما دعيت عليها ،،، قولي حسبي الله ونعم الوكيل
وما خاب من كان ربي حسيبه