بعد الملجة تغيرت معاملت أهلج لج ..؟ رعاية الاطفال

أنا مضايجة من موضوع وحبيت أطرحه عليكم و تنصحوني كيف أتعامل مع الموضوع ..

من فترة بسيطة ملجت ومن عقبها أحس اهلي تغيرت معاملتهم لي .. ما أعرف السبب !! .. أنا أكبر وحده من أخواني .. وأحسهم تغيرو علي ما يرمسوني باحترام .. ومن فتره لفتره يقولون لي متى بتطلعين من البيت وبتروحين عند ريلج ونفتك منج .. أبدا ما يحترموني .. واحيانا لو أطور الشي يسترجل علي و يضربني .. اهوه ولد يعني جسمه أكبر عني بوااايد .. وانا يحليلي صغيرونه وضعيفونه .. ما اقدر ادافع عن عمري ..

ومن ناحية أمي وأبوي.. أمي لحينها نفس قبل الملجة لاني دوم اقعد وياها و نتناقش فترتيبات العرس و نروح ونرجع مع بعض .. علاقتي معاها عقب الملجة ما تغير منها الا شوي يوم تقط علي كلام .. أضايج من تصرفاتها .. بس أهيه امي ما أقول لها شي أكتفي أني اصيح مع نفسي ..

وأبوووي .. تغييير واااايد .. صار يضايج لما يجوفني مع ريلي .. أو أقعد معاه طول الويكند .. ما اعرف ليش مع انه ريلي خلاص يحق لي ارمسه واقعد معاه .. واخوي قبل الملجة كذا مره ضربني وأِشتكيت لأبوي بس ابوي ما يوقفه عند حده .. يكتفي انه يهزبه وخلاص .. بس أخوي يرجع يضربني ولا كأن أبوي رمسه أو اني اخته الكبيره ..

هالشي يخليني عقب الملجة الجأ لريلي لما أخوي يضربني .. فصارت من أسبوعين وأخوي ضربني انا ع طول خبرت ريلي أبغيه اهوه يتصرف هالمره .. لان ابوي ما كان يدافع عني أو انه يوقف أخوي عند حده .. فريلي عصب واااايد من هالشي و رمس أبوي أنه ما يرضى بأن حد يضرب زوجته الي اهيه انا لو شنو ما كان السبب .. ومن بعدها أبوي ما يرمسني ابداً .. حاولات ارمسه بس اهوه يصد عني يكتفي أنه يرد علي بكلمة أو كلمتين .. وللحين ما عرف شنو السبب .. لان أحس انا وريلي ما غلطنا فشي سوينا الصح من حق ريلي يمنع اي حد يضربني خلاص انا ع ذمته .. و حتى أخوي و امي ما يعاملوني مثل قبل > من عقب ما ريلي رمس ابوي فالموضوع ..

ولليوم أبوي ما يرمسني .. وهالشي مضايجني واااااااااااااايد .. ويوم اخبر حد فالموضوع يقولون لي أن يمكن أهلج مب مستوعبين أنج بتروحين عنهم .. بس هالشي مب عذر .. احس المفرووض العكس يكونون مستانسين ان أول وحده بتزوج فالبيت ..

الي مضايجني أكثـــــر أن قبل لا أنخطب هم تعاملهم وااااااايد حلوووو معاي .. بذات أبوي انا واايد متعلقه فيه .. وحتى بعد الخطوبة هم مستانسين لاني بتزوج و يسون لي كل شي و الحمدلله أموووري كانت حلوه معاهم .. لدرجة أني كنت اصيح احيانا لما أفكر أني ببتعد عنهم .. بس عقب الملجة وعقب ما تغير تعاملهم معاااي .. صرت اتمنى أطلع من البيت بأسرع وقت من كلامهم الي يجرحني وتعاملهم .. منصدمه من هالتغيير ومعقوله كل الي يتزوجون جي يصير معاهم …؟؟

فحبيت أنكم تنصحوني ..

هل أنا غلطت ف شي..؟؟؟؟
هل غلطت يوم خبرت ريلي أني متأذيه من أخوي …؟؟
هل ريلي غلط يوم أنه رمس أبوي ..؟؟

أبـــاااااا أعرف شنو الغلط الي ارتكبته انا وريلي عسب أبوي ما يرمسنا .. !!