أنا معرسة من شهرين
ووايد مضايجة من تصرفات ريلي
متهاون وايد فالصلاة وكم مرة إذا نصحته يقولي مب جي الناس تنصح و مادخل اللين في شيء الا زانه
و
يحب ينتقدني وايد ويفهم كل كلمة اقولها. غلط
و
من ناحية المصروف يوم اطلب شيء لازم تحقيق
واذا بروح الصالون تحقيق بعد وفوق هذا يقولي لا تتعودين على الصوالين أنا بس اروح يا حلاوة يا خيط مب كل يوم فالصالون
لازم يطلع كل شيء من خاطري ويكرهني فيه عقب يوافق
و
من ناحية الوزن أنا متينة شوي وجسمي من ربي عريض يقولي لو جسمج صغير بيكون أحلى اقوله خلقة رب العالمين
وعالوزن يقولي امشي واضعفي اقوله أنا بضعف لنفسي ولصحتي يقول وهالانسان ماله أهمية
واذا بنطلع بنزور حد لازم يقول جاوبي على قد السؤال خلي لج هيبة. وشخصية "بصراحة. أنا ثرثارة صح"
خواتي المتزوجات ساعدوني كيف أغيره للاحسن وكيف افرض اسلوبي ونفسي عليه كيف اقوي شخصيتي
ابا اغير اسلوب واخليه ينجذب لي ويهتم فيني مب إذا قلتله تعبانة يقولي انتي من عرفتج وانتي تعبانة
و
كلام حب مايقولي كله انتقاد في انتقاد
ساعدوني وانصحوني
والدليل يوم قلتي لو اضعف بضعف عشان نفسي ؟ الريال ما ينفع معاه هالاسلوب
عيل ليش متزوجين ؟
حاولي تكونين عاطفية وحنونة عليه وسايسيه حتى لو حقق
لأن فالبداية الرياييل جي بس عقب عادي !!
انتي وريلج على ما عودتيه يعني لو عاندتي بيعاند وماشيء من بينكم احترام
عامليه عدل والي يباه سويه لا تاخذين كل المواضيع حساسية حتى لو علق
ابتسمي كوني هادية وساكتة
ومن ناحية الصلاة خذيله سيادة حلوة ودخنيها وقُرآن ومسباح
وهدية عود وغلفيه وحطيه عالشبرية وكتبي في ورقة صغير كلام حلو
ودعاء ودخني الغرفة وخلي الاجواء تكون ريلاكس ودوم اشتري ورود وحطيهن
فالصالة ولا فالغرفة
فاجئيه وسويله حركات هالنوعية من الرياييل يبون حنان فأغلبهم يا
معصبين وكله تعليقات ومتعود يشوف خوانه مسيطرين على حريمهم
أو هو طبيعته جي من هو صغير !!
>>>> لكن بسكوتج والابتسامة <<<<
>>>> والصوت الهادي بيسكته <<<<
لا تكونين وايد حساسة اختي الرياييل يملون بسرعة
خليه هو يلاحظ بروحه !!
صلي على طرف لأن مش لازم تبينين له أنا اصلي وانت ما تصلي
وحتى لو ما صلى سأليه فديتك صليت تباني اجهزلك سيادتك
وانت روح تمسح ..
ويحتاج وقت حتى يتفاهمون وياخذون على طباع بعضهم
المهم انتي ما تحاولي تفرضي شخصيتج عليه بالعكس خلج دبلوماسيه وياه لين ما تتحكمين بقلبه وعقله
حبوبة أنت فاهمة الزواج غلط المسئلة مش غالب ومغلوب الزواج أثنين يكملوا بعض ويوصلوا لنقطة تلاقي وليس للعناد —-
كل اللي ذكرتية طلابات زوجك عاديه ومنطقية واشوف كل ردودك مستفذة وعنيدة
كلمة حاضر تسعد الزوج بس كل طلب وراه رد جاف كيف هيك تكسبيه أكيد لا —–
اشوف زوجك واضح وصريح وهذا ممتاز افضل من الزوج الكتوم ويشيل بقلبة أهتمي بملاحظتة وجتهدي فيها وغيري أسلوبك معه
تكسبي زوجك بأول ايام الزواج بالعطاء بالرقة بالحنان بالطاعة بالذكاء بالتودد وأختيار الوقت المناسب للطلب ولا تكثري من الجدال يفسد كل جميل
تثقفي أكثر والله يكتب لك كل خير واستقرار