ريلج والبلاكبيري رعاية الاطفال

السلام عليكم
اذا جفتي ريلج يحط صور بنات مش اوك في البيبي شنو راح يكون موقفج؟!
وللمعلوميه انتي متكلمه معاه في هالشي من قبل انه شي عيب وفيه شي اسمه حشم حشمه
واستحى على ويهك وفوق هذا اللي معاه في اللسته بيحفظون الصور وبيحطونها واللي عندهم بيسون نفس
الشي يعني الذنوب اللي بياخذها وايد بعد ما فيه فايده شبتسوين؟!

بحط صور رياييل ,,,,,,,, وبخليه براحته لين يمل

بحط صور رياييل حلوين..

خلاف بيحس ع دمه..

بس حاولي انج ما اتبينين له انج متعمده اتحطين.. لان هو محطي..

لان جذا بيتمادى..

خلج نورمل..

اذا كلمته مرة مرتين وثلاث ومافاد وياه دقه حزن هو اللي بياخذ ذنوبه وذنوب غيره .

استمري بنصحه والدعاء له

قوليه لو مت بعيد الشر عنك هالصورة راح تكون ذنبك ليوم الحساب لان ربعك راح ينشرون الصور ،،، شو بتسوي ،،، هل الصورة راح تكون لك شفيع !? ذكريه بعقاب ربه ،،،

اما انج تحطين صور رياييل احلى عنه هذا مب حل ،،، راح يعاند اكثر

بس ذكريه بانه لو مات و الصور تمت عند ربعه و ربع ربعه خذوه و نشروه ،،، عليه وزرها ليوم الحساب ،،،، بشو بتنفعه هالصور ،،، استغرب وايد منه الرياييل ،،،،

اوقفي له بالمرصاد حبيبتي لا تسمحين له ابدا
قولي له بالحرف الواحد انا زوجتك و واجب عليك احترامي و كيف تسمح لنفسك تحط صور نسوان و خرابيط ، صج انعدم الحيا من بعض الناس و ما عاد يعرفون الادب و لا الحشيمة لا تزعلين مني حبيبتي و اذا هو شاريج صج بيستحي ع ويهه و بيشيل هالصور الخليعة
الله يعينج