محتاجه مساعدتكم
مشكلتي مع زوجي من البدايه انه ما يحب يطلعنا نغير جو
بس يطلع بروحه
وانا مليت من هالحاله
قلبي يعورني يو أكلم ربيعاتي او أهلي ويسولفولي عن طلعاتهم وإجتماعاتهم
وانا جالسه بين اربع جدران لا أشوف احد ولا احد يشوفني
يقولي انتي تقدرين تشغلي نفسك في البيت مش لازم تطلعين والحرمة مكانها في البيت
وانا بنت كنت اطلع اكثر من الحين
آه ياقلبي
قبل يومين كنت معزومه واترجاااااه وهو مبب راضي
قالي المناسبات ما تخلص
وانا كنت في حاله كاااابه ماااا قبل الدورهه الشهرييه
وقعدت أتكلم وأتكلم واخاااااصم. وهو ساكت حسييييت أني هبلاااا وأني نزلت من قدري وقيمتييي
المهم خلصت كلام وبكا وهو لبس وطلع بسيارته
يوم شفت سيارته طالعه من الحوش حاولت اتصل عليه من الفوون حقه والفون علق فعصبت ورميته لين تكسر
شو رأيكم
ضميري يأنبني
ااااه ما اقدر أقول لامي او خواتي هالمشكله لأني مستحيييه منهم بيقولو هاذي وحش مب حرمه
وأكثر شي مستحيه من زوجي شو قاعد يقول بينه وبين نفسه
أكيد يقول انا اتزوجت وحده مجنونه
ااااه انا احسه ان جلست البيت والضيق والملل هو الي خلاني اسوي كذا.
ساعدوني كيف اعتذر له
اكتب له رساله فيها اعتذار
او شو رأيكم
من تزوجتك غيرتني كنت انتظر منك اتحن علي وتظهرني ودلعني ماراح اغثك بوجودي ولا راح اطلب منك شي يكفيني ايلس يمك.. انا احبك وبديك ع كل الناس وافتخر فيك انك زوجي ليش حاب اتغيرني وتقسيني عليك..انا افبيت ابوي كنت انسانه هادية وحب السوالف والضحك والطلعات ترى الحياة حلوه واذا انت مش حابني ولا حاب اكون معاك خبرني بدور اشيا ثانية اتسليني عنك ولا انك تحرق اعصابي لدرجة اكسر الفون انا عمري ماتنرفزت بهالطريقة الا معاك.. اذا ماتباني قول بدوس على قلبي ولا اني انهان عشان حب..
هذا اول مسج لا تعتذريين ع طول اتكبريين راسه ..
انشاء الله تتحرك له شعره
قوليله انا احبك وانا ماريد اضغط عليك دوم او انك غصب اظهرني بس حسسني انك حاب اكون معاك لو في الجمن يوم مره .. واذا انا غلطانه عشان الفون انا اسفه بس اسلوبك حسسني اني ولا شي افحياتك وانا الي احبك وموت عليك اطنشني ترى الريال مش شرات الحرمه انا تحكمني مشاعري وحبي .. احبك..