انا بدي احكي لكم قصتي واريد نصايح منكم بليز بدون احراج
بنات انا متعذبه م حبيبت اخو خطيبي دوم ترسل لخطيبي مسجات وتراسله وانا هذا الشي يقهرني اموت م القهر لما اقوله انا اغار لا تحطها ترسل يقولي انتي وايد تغاري البنت م تسوي شي وانا واثقه فيه بس والله هالبنت معذبتني ودوم يقولي شوفها طيبه مسكينه و حبوبه وووووالخ ليش تظلميها والله انا ما جالي ظلمتها ولا حتى اعرفها اصلا واعرفه وايد يحبني بس مرات يعاملني غير واحس روحي مثل الغريبه ف الدار واذا فتحت له الموضوع يعصب ويزاعلني ويقولي تقارني نفسك بيها انتي زوجتي واهي مب مثلك
م اقدر اقوله اغار و يولع علي
والله نفسيتي تعبت منها واخوه عطاها رقمه معرف ليش اونه اذا صار شي تكون عرف م اخوه
للعلم بنات انا غيرتي وايد وايد م كل شي اغار عليه ومرات يكون منشغل عني ويقولي عقب وقتك
بنات خبروني ويش اسوي ولو كنتوا ف مكاني شوه بتسوا
عطوني نصايح بدون احراج
ما تشوفينه حرام؟ ي ختي حرام هالشي كيف
يتواصل وياها وهي لا انها اخته ولا حرمته
ولا حتى تقرب له عشان تعذرينهم، كوني
صريحه وياه وقوليله انه هالشي غلط حتى
لو كانت اطيب وحده ف الدنيا بعد ما يجوز
يتواصل وياها، الحياه الزوجيه فيها حدود
والطرفين لازم يلتزمون بحدودهم واذا ريلج
تعدى حدوده ف محد بيخسر غيرج . .
عيل يا اختي يحقلج تزعلين
يعني وحده على علاقة باخوة تراسله هو ليييييش؟!
قوليله بدل الاماكن اكيد انت كنت راح تزعل
المشاركة الأصلية كتبت بواسطة بهلولة 
عيل يا اختي يحقلج تزعلين
يعني وحده على علاقة باخوة تراسله هو ليييييش؟!
قوليله بدل الاماكن اكيد انت كنت راح تزعل
لحظة اختي اللحين انتي خطيبته والا زوجته !؟!!
إنتي تقولين خطيبة و هو يقول لج انتي زوجتي !؟!
أمممم إذا إنتي خطيبته حبيبتي كيف تعرفين إن هي ترسل له رسائل ما يجوز اصلا
إنج تكلمينه لأنج مب زوجته !؟!؟ لأنه بعده يعتبر غريب عليج يا غناتي