واذا علق على شي ماعجبه فيني..اسوي المستحيل عشان اغيره..كان اهم شي عندي ارضاه…واجمل شي عندي في هالدنيا ابتسامته…
ولما جاتني مكافاءه من العمل..قررت اني اشتري بها هدية لزوجي…سألته ..حبيبي..وش تبغي اجيب لك هديا؟!….
وبعد مده –ماهي طويله – جاوبني : اذا انتي مصره ..انا والله ببالي اشتري جهاز "لاب توب" من زمان
وعلى طول طرت للمحل …أخذت له لاب بلون الي يحبه …وأخذت معه كل الاضافات.. غلفته بمحل رااقي…وتركته له على السرير…أول مادخل ..فتح الغلاف بشراسه …و…لما شاف الجهاز ..كل الي قاله لي " مشكوره" من طرف فمه ….انا تضايقت مررررررره…كنت متوقعه انه يجي يمي يضمني…يقول لي "مشكوره يا بعد قلبي."
بس ماهمني ..كل الي همني وقتها ابتسامته..وسعادته…كانت عندي بالدنيا
ومن بعدها..كني أهديت زوجي…سبب موت علاقتنا..صار زوجي طول وقته على الجهاز…فجر ..صبح..ظهر ..ليلل….
يرجع من الدوام وعلى طول يجلس على الجهاز …ولا كني موجوده..ولا كنه في البيت زوجه محتاجته له..محتاجه حب وأهتمام… حتى حقوقنا الزوجيه اهملها…صرت انا والهوا واحد.
وفي يوم…جتني الصدمه…هزتني دمرتني…لما جاه اتصال وترك الجهاز مفتوح …انا من طبعي ماني بفضوليه…بس اغراني الموضوع…ودخلت اشوف……شفت في قائمة المتصلين كلها اسماء عاديه "بو احمد" تركي …القناص….ولد نجد ……بس
لمحت توبك ..لونه بنك…ضغطت على الأيميل ….وأنصدمت …غمضت عيوني وفتحتها ماني مصدقه..انهبلت….كل شي كنت اتوقعه…إلا ان زوجي يكلم بنت ويخوني…على طول سويت شيكنغ على سجل المحادثه وشفت .. وياليتني ماشفت..كلام حب وغزل …. يا قلبي ويا عمري ويا حياتي …كلام بعمره ماقاله لي ولا سمعت زيه …وقتها حسيت ان الدنيا تدور بي ؟….تمنيت الموت ولا اشوف زوجي كاتب ذا الكلام لبنت …حقدت عليها..وألمني قلبي على حالي كلامه لها كنت انا احق به منها.. انا المحتاجه له..مو اهي…جتني رغبه اني اكسر الجهاز,…. بكل مافيه…وأفجر كل الضيقه الي جتني بوجه زوجي
بس تعوذت من ابليس و قررت الصمت
…ولأول مره في حياتي أكتشف ان الصمت ..اصعب من الكلام بكثيييييييير؟!….
صرت لما اشوف زوجي جالس مقابل الاب …احترق ..اموت…انقهر…اختنق
ولما اشوفه يبتسم ببلاهه..يطير عقلي.. يجن جنوني…احس اني ضعيفه..اني عاجزه ….احس كني ولا شي….
صرت انتهز فرصة نومه…وافتح الجهاز,,, والحمدالله ماكن مخزن بالجهاز رقم سري…يعني كنت أقدر اقرى محادثاته … ومع كل حرف أقراه ..احترق اكثر…ومع كل كلمة اقريها …احس بالنار تاكل فيني…
عرفت انها بنت في الثانوي…كلامه كان كله دلع وكلام ماصخ …كلام بزارين ..وتوبكتها غرور..انا الي محد زيي..وانا الي تغار مني كل البنات…
ومن كلامه معها اكتشت انها تحط له صور شفايفها وعيونها..وكان كلام زوجي…في منتهى الحقاااره…كان يتغزل فيها بطريقة مقرفه …(يابعد هالزين والله)…(ولبى هالشفايف)…(وجعلني فداا هالحلا )(الله يخلي لي عيونكـ)( ارووح فدوى للمزيون)
صرت اهلوس بكلامهم… و عقلي خلاص طار مني…كلامه لها خلاني اكرهه …ابتعد عنه…صرت ما اطيقه وانفر منه … اذا يدخل الغرفه..أطلع منها…واذا نام على السرير مانوم جنبه…والقهررر….انه ماكان يحس بي…مايحس ان زوجته مبتعده عنه….بنت الحرام..ماليه عليه حياته…وعقله وتفكيره…وماخذته مني
اااخ يالقهر…لو اعرفها بس…لو اشوفها….كان اقطعها بيديني…واسيح دمها
كنت اصبر …انتظر تنتهي المسرحيه…بس المسرحية مانتهت…
واخيرا…
في يوم وانا اقرى سيناريو العذاب…وكلام الحقاره الي بينهم..
زوجي:
قلبي أنا ابي اشوفك….خلاص …تعذبت ..وانا ارسم ملامح وجهك من خيالي
هي:
ههههههههههههههههههههههههه يؤ يؤ…خجلتني ….
زوجي:
ليه طيب..والله ودي أشوفك…جد جد صارت امنيتي اشوفك تخيلي
هي:
(ملت الصفحه "سمايلي " خجل ..يعني انها تعرف الخجل من اساسه )
هههههه … بس انا بزيي عندي امتحانات وحوسه
زوجي:
يابنت الحلال…ابغي أشوفك من بعييد…بس أضبظ ملامحك في عقلي..الموضع مايبغي له اكثر من ثواني
هي:
امممممممممممم، ثواني بس
زوجي:
هه انا طماع…خليها دقايق
هي:
هههههههههههه مادري..؟
زوجي:
تكفيين..عشان خاطر حبيبك
هي:
ههههههه، بكره بمجمع…. يناسبك
زوجي:
والله لو مايناسبني اخليه يناسبني…بس الساعه كم؟!
هي:
الساعه 6…باخذ معي جزمه حمرا…وجزدان أحمر
شوف احلى بنت بتدخل المجمع..هههههههههه
زوجي:
والله متأكد أنكــ بتكونين احلى بنت شافتها عيوني
هي:
هههههههههههههه، بس كفاايه ، حمر فيسي
—————–
لما وصلت لها المقطع ضغطت ع اسناني بقو… وتسمرت عيوني على الشاشه (الحقييييييييير…النذل …الكلللللب)….خلاص أخر ذره بعقلي طارت ….
الغيت كل مواعيدي وزياراتي لبكره ..
ولما صار الصبح…صحيت وشفت زوجي مو طبيعي..كان طاير من الفرح…يغنني…و يطبخ الفطور بنفسه …ومبين عليه فرحااان
سألته عن مزاجه …تتوقعون وش كان رده لي
(( انا اليوم فرحااان فرحاااااااااااااااااااااان..اليوم اسعد يوم من ايام حياتي))
تخيلو النذل يقول لي هالكلام …والله تحطمت … ونفسي ضاق … وعرفت انها النهاية …اليوم…لما يشوفها باطلب الطلاق منه خلاااااااص… مااقدر استحمل اكثر من كذا
وجا الموعد… من القهر…وصلت المجمع الساعه 5 …وكل ما ألمح رجال يشبه زوجي يفز قلبي ويدق بسرعه…عقارب الساعه كانت تعاندي تمشي بحركه بطيئه مرررره ..كأنها تزحف زحف….
وأخيرا الساعه 6
الدم تدفق بجسمي بسرعه جنونيه…وشاركه قلبي الجنون…
كل دقيقه تمر كنها الدهر…كنها العمر …..
لما صارت الساعه 5 :6 ..خوفي بهاللحظه صار قووي…يدمر كل تفكيري…توترت بشكل غريب….
6:10
خوفي تحول ليأس…معقوله زوجي شك؟… وغير المكان؟؟ او ممكن اني ماتأكدت من اسم المجمع؟ لكن لا..انا تأكدت من الأسم كذا مره و,,,,,,
ولمحته ..متكشخ….اكثر من اي يوم زواجنا…الشماغ مكوي… والثوب أبيض…والسكسوكه محدده …
اااااخ ياقلبي…مالكـ إلا الصبر….و….شافني..انا متأكده لمحني….
عيونه مرت علي…لكن ..معقوله..ماعرف زوجته..؟!؟؟….طيب انا كاشفه وجهي ماني بمتغطيه؟؟…وشلون مايعرفني؟!؟ طاف بعيونه علي مره ثانيه وما ميزني ….؟!؟؟! تخيلو ..ما ميز زوجته @@؟
عقله مبرمج يدور أم الأحمر…وشافها…وانا شفتهاا معاه…بنت صغيره ..بيضا …ماليه وجها ميك اب وعيونها كحل…ومتكشخه …لابسه كعب احمر عالي..وطرحتها مزينه بكريستالات ويا دوبها تغطي ربع شعرها…شعرها مبين مصبوغ بلون كستنائي……
زوجي صار يطالع فيها كذا ..زي المهبول فاتح فمه ببلاهه…واهي انحرججت ..(والله من الحيا) ..وقامت تشوف الأرض..وتحرك رجولها بحيا….
والكلب مارفع عينه من عليهاا…. ما حس على دمه …في هاللحضه "بلغ السيل الزبى"….
خلاص ماعدت استحمل اكثر…صرت ادق الأرض برجولي من القهر….رحت لعنده..وقفت بوجهه …وأبتسمت …
بانت عليه الصدمه ..انخطف لونه… بس تذكر انه زوجته .."على نياتها ..وماتعرف وش هي الطبخه"…. (وش عندك جايه هنا)
كلمني بوقاحه….ثبت نظري عليه … وقلت له القنبله الي دمرته ( هاه بشر اعجبتكـ ام الأحمــر)
صراحه استعمت بنظرات الخوف والصدمه على ملامحه…هههههه…عمركم شفتو .طفل مخبي الشهاده عن امه …ويجي يوم يشوف الشهاده بين يدين أمه وأمه جالسه تشوفها؟! ملامح زوجي كانت بالظبط كذا زي ملامح الطفل…..ماقدر ينطق بحرف واحد.
بعدها تركته واقف زي المهبول …ورجعت البيت …كنت طول الأيام ماسكه اعصابي..بس اليوم خلاص انهررررررررررررت…أول مادخلت البيت ..وشفت صورة يوم زواجنا ..واهو ماسك ايدي في الصورة بود…وعيونه كلها حب…
الخاااين الكذاب..صرخت وانا اسحب البرواز من على الجدار..للأرض…شفته يتحطم…مثل ماتحطم حبي لزوجي…
للممت ثيابي…وكل اغراضي…. "سمعت صوت الباب الخارجي..هذا اكيد زوجي راجع " كملت الترتيب بلا اهتمام
دخــل ……وشافني ارتب حاجاتي
" وش تسوين "
ماجاوبته صرت أللملم الأغراض وانا ساكته ومتجاهله وجوده …قرب مني مسك يدي…سحبتها منه…
" أنا أسف"
أسف…تخوني .. وأسف…. علمني أسفكـ وش اسوي به ؟!) دار الكلام ببالي بس ماتكلمت ..وواصلت ترتيب ملابسي…وانا أتجاهل وجوده ..
سمعته يهذي ..يبرر موقفه..بس ماهمني شي…نظرته لها ..بكل هالحب…حطمت اي أمل فيني … نظرته لها كانت بالظبط نظرته لي في صورة يوم زواجنا..نظره حب
وبلا شعور…نزلت دموع حارقه من عيني … حاولت امنعها…مابغي اصير ضعيفه قدامه …بس غصبا عني… ملت الدموع عيني ..وطاحت بغزاره
قرب مني ..مسك يدي …كنت اتمنى لحضتها اني أطيج أبكي على صدره … ويربت اهو علي بحنان..يمسح على شعري…ويخبرني شكثر اهو يحبني ؟!….
بس …لا اهو خااين ..وكذاب…. ماراح اتركه يلعب علي…لا…لا
سحب يدي المشغوله بلملمت الملابس …..وباسها
"سامحيني"…
وبهالحظه تحولت دموعي لشهقات ..كلمته بنفس متقطع "ليه….جاوبني على هالسؤال تكفى……..ليه بس؟! … وانا الي أحبك.. وأداريك؟!…..ليه الخيانه؟!"…
" انا لو ابغي اخون .. أقدر اخونك..مو بس انت الي تقدر…انا بعد أقدر….بس وين يروح الحب…والوعود..والكلام..مسرع مانسيته .."
شرقت بالكلمات واختنقت بحروفها…ودي أحطمه ..زي ماحطمني …
حاولت أسمع اجابته بس صوت عالي زاد في اذني..صوت يشبه الطنين…و…..
ظلمت الدنيا بعيني….. سمعت صوت زوجي يصرخ بأسمي……وايده تشد علي….
بس غبت عن الوعـــي…..
"الحمدالله صحتها كويسه…تقدر تشوفها"
لا ماااااابغي اشووووووفه … صرخت بس صوتي كان ضعيف… وماسمعته الممرضه…دخل زوجي والأبتسامه مغطيه وجهه…"على ايش يضحك هالنذل….على طيحتي قدامه "
زوجي :الحمدالله على السلامه…والله خفت عليك
مدري وش كان يبغاني اسوي…اضحك ولا أكمل التمثبل معه…المهم اني ماجاوبته….تحاملت الالم..وعدلت وضعي…شفته يمد يده يسند ظهري.."بشوويش حبيبيتي"..
(هاي مجنون ولا أنهبل ,,,, ولا عاشق التمثيل…)
بعدت ايده وانا اصرخ به : وخر ايدك عني…ورجعني بيت اهلي…
زوجي بنفس الأبتسامه السمجه: من عيوني..اهم شي راحتك
عضيت ع شفايفي بغيض: أنا ابغي الطلاق
ياااربي هذا بيجنني…الأبتسامه لحينها على فمه: انتي اهدي …بس…
زاد صوتي وانا اصرخ به: ايش الي اهدى..مو تشوفني طحت تفتكرني ضعيفه ..وماقدر اخذ حقي..اسمع يا فلاان..انا ماسكت إلا لأني ابغي اشوف وش أخرتها معاكـ…و…
قطع كلامي: معليش ياقلبي ..بنتكلم بهالموضوع بعدين…انتي بس لاتعصبين ولا تحرقي دمك؟!
صرخت به :مجنووووووووووووووووون …وربي مو صاحي…
كلمني زوجي بصوت هادي: لمـــى …. اهدي حبيبتي..العصبيه ماهي بزينه ع الجنين
وقفت للحضه اشوفه ببلاهه: ..ايش جنينيييييييين…جنين مين؟! ؟؟؟انت وش الي قاعد تقوله؟!…
زوجي: مبروك انتيحامل….
شهقت بقوه …ودفعته بيدي…وصرخت : لاااااااااااااااا…انا ابغي اتطلق منك..مابغي منك عيال…
غطيت وجهي بيدي …وصرت ابكي …استغفر الله يعني لما كنت اتمنى يجيني طفل… ماصار…ولما صرت ابغي اتطلق منه …..صرت حامل…..استغفر الله …
صرت ابكي شوي… واستغفر شوي..وزوجي يحاول يهديني… وكل ماقرب مني صرخت …. مو طايقته..ولا ني قادره اشوفه حتى…
اكرررررررهك بعد عني اكررررررررهك…صرت أصرخ به …واهو منحرج قدام الممرضات .. ويحاول يطيب خاطري…
ماهديت إلا لما رحت بيت هلي..جلست لحالي وفكرت شووي …أطلب الطلاق؟…ولا أعطيه فرصه ثانيه؟!
كان اكبر سؤال بحياتي… وأجابته… يبغى لها تفكيرر …لنها بتقرر مصيري .. وبين كلام زوجي..واعتذراته…وكلام امي …وابوي.. واخواني…
جا زوجي اكثر من مره…وحب راسي قدام امي وابوي…وطلب السماح مني….وحن قلبي..ورجعت له
ماكذب عليكم لو قلت لكم ان طوال شهور حملي كان زوجي يدلعني..ويهتم فيني..وماقصر علي بتلبية اي طلب..معاملته لي تغيرت…وصرت احس لأول مره بطعم الحب اللذيذ…
ومرت ال9 شهور وجبت ولد ..يشبه أبوه…وزوجي طار فيه…كان كل وقته معاه … نسى لاب توب ..وأيامه…
على فكره انا كنت طوال شهور حملي.. لما اشوف جهاز الاب توب… اقاوم رغبه قويه اني اشوف الأميلات.. وكنت دايما اخسر الحرب مع نفسي..وادخل على اميله واشوف الأيميلات واحد واحد..
وأتأكد انه منزل البلاس…وحافظ المحادثات في سجل.. ولما سويت شيكنغ فوق الألف مره..وبعدها شفت انشغال زوجي مع الولد..حسيت بالرااحه…وبشعور حلوو…خلاص زوجي لي..وماراح يخوني …
صح اني انشغلت مع الولد..بس ماهملت زوجي بالعكس صرت اهتم فيه…واراعيه..ادلعه..واحاول املي حياته … وأشغل تفكيره…
اذكر مره جاتني عزومه على حفلة خطوبه ..أستأذنت زوجي..ورفض
صدمني رفضه كثيييييييييير…ليه طيب…؟! (سألته)
هز كتوفه …(ماله داعي )
وبعد مناقشات …قلت له انا ابغي اروح … وان سبب رفضه غير مقنع
زوجي: طيب والولد
انا: اهو ابنك زي ماهو ابني..؟!؟ ماتقدر تتحمل مسؤليته كم ساعه
زوجي: انا راجع من الدوام متأخر …اكيد ابغي انام ..
انا: خلاص مو مشكله… اخذه لعند أمي…
اشر لي زوجي بإيده ..اشاره يعني ..بكيفيك….
بس الي استغربته اني لما كنت اجهز للحفلة …كان كل شوي يدخل الغرفه …ويقترح أقتراح ؟!
لمى …مو كأن الفستان الأسود الي لبستيه لعرس بنت خالتكـ احلى من هذا؟
لمى …ليه ماتلبسين الحلق الماسي؟! يهبل عليك؟؟!!
لمى … الساعة الديور الي اخذتها لك … تجنن على ايدك …لاتنسين تلبسيها…
لمى شعرك اتركيه مفتوح..احلى عليك …لا ترفعيه..
لمى …عطرك…لمى .. الخاتم…لمى ..الميك اب…لمى و لمى ولمى!!!!!!!!!!!!!!!!!!!!!!!!!!!!!!!!!!!!!!!!!!!!
الي استغربته ان زوجي ماعمره عطاني اقتراح واحد…ليه اليوم يصدمني بكل هالأقتراحات ؟!؟!
والي صدمني اكثر …انه قالي البسي ..الكعب الفضي على اساس انه يعطني طول ؟!…واهو الي مانعني ألبسه من أساسه؟!
مافكرت بالموضوع كثير…ورحت العرس..كان لبسي بسيط ..فستان اسود ناعم …وربطه بنكـ على جنب..متناسقه مع لون الميكـ اب…واكتفيت بالحلق الماسي..والكعب الي اختاره لي زوجي..
الحفل كان مرره عادي…وبنات كثير..وخلق كثير ..ورقص..وضحك ..وألوان… مابه شي جديد… إلا لما لكزتني صديقتي (شوفي البنات الي على جنب…صار لهم ساعه يناضرون فيك)
تأكدت من كلامها ..كانت حركتهم غريبه …يتكلمون مع بعض..وكل شوي تلتفت وحده منهم …تشوفني من فوق لتحت…وترجع تكلم صاحبتها…
ولما ألمحوني أشوفهم ..خفت حركتهم .؟!؟…فكرت شوي بالموضوع…بس ماشغلت بالي ..كثير مثل هالأشيا تصير بالأعراس
وعلى البوفيه..كنت واقفه جنب صحن المشويات..حسيت ببنت تدفني من وراي..وكل ما مشيت شوي..تدفني أكثر..جاني احساس ان الحركه متعمده؟!…..لما داست بطرف جزمتها على فستاني…ألتفت أشوفها بس مكانت منتبهه لي….كانت مشغولة بالأكل..عذرتها أكيد مانتبهت لي…وفجاءه صرت احس بشي ساخن ينسكب علي.. مرق الدجاج سكبته البنت الي قدامي علي… وبدل لا اسمع اعتذار صارت اسمع اصوات ضحك من البنات الي قدامي والي وراي…
دققت في ملاممح البنت… هاذي هي البشرة البيضا والعيون الوسيعه ..هاذي اهي الأبتسامة الدنيئه ..وبهتت.. لني عرفت صح من تكون هالبنت …البنت الي خانني زوجي معاها…دارت الدنيا بي…وصرت شوي شوي استوعب..ليه زوجي منعني في البداية؟..وليه اصر اني اطلع حلوة ؟!؟…وبعدين اهو شلون عرف انها راح تكون موجوده هنا وبين الحضور؟!؟!
صرخت في البنت بحقد: وجع.. عمى… ماتشوووووفين
ضحكت البنت بحقاره ..ومشت من قدامي..ودفوني البنات الي وراها بكتوفهم..صرت اترنح بينهم..بين الصدمه والألم…
بديت أغلي ..اغلي..من القهر…وانا بمكاني شفت وحده من صديقاتي جات وسلمت علي وسألت عن البنات الي كانو معاي…
انا: والله ماعرفهم قليلات أدب…
ضحكت البنت: ههههههههههه، ايوه صدقتي والله ، هم كذا دوم يشوفون الناس باستحقار..ولا عاجبهم شي.. …
انا: انتي تعرفيهم
البنت: ايوا..اعرفهم صح
انتهزت الفرصه وسألتها وليتني ما سالتها: تعرفي البنت الي لابسه اورنج
البنت: أيوا… ندو؟؟ليه؟!
خذت نفس وسألتها: ايش الي تعرفيه عنها؟! اقصد اهي متزوجه؟ ولا لسه
البنت: لا ..اهي متزووجه…..
تنهدت براااحه وقلت بصوت خافت (الحمدالله )
البنت: كنه اسم زوجها خالد أحمد…تعرفي شنو زوجها يحبها وطاير بها..والله مجنون بحبها…تخيلي اخذ لها بيت على ساحل جده بعشره مليون …اخ يالمو لو شفتي شبكتها…وفستان فرحها..خيال ..خيال
ماهمني شي من كلامها غير أسم (خالد احمد)…صرخت بصوت قووووووي
.
.
.
(خ ــالد احــ…ــمد……….زوووووووووووووووووووجي)
———————–
هذي باختصار اهي قصة خيانة زوجي لي….
لما رجعت البيت وصارحته..اعترف لي بكل شي..وقال لي انه تزوجها لما كانت ببيت امي بفترة النفاس ……قلت يطلقني…حاول يعتذر مني ويستسمح..سألته عن البيت الي اشتراه لها..والشبكه؟!…جاوبني انه اخذ غرض من البنك لها؟!؟….وانا الي كان حارمني من شوية تغيرات بديكور البيت l …قلت له يطلقها…تدرون بايش جاوبني الحقير
( ماقدر أطلقها..اهي احين حامل….و بتصير ام عيالي )…
وأنا من…ماني أم ولدكـ,,, كل الي اعرفه سويته له .. عطيته حب وعطاني خيانه..عطيته ولد ..وعطاني خيانه…زدت عليه الحب..وتزوج علي….
ولو الريال يبا يخون مابيهمه لاب توب ولا تيلفون ..بس الوحده تكون حريص كثر ماتقدر وتتنقى الهدايا المفروض تهدياها والي تناسسب شخصية الريال
قلبي تقطع عليها … الله يفرج همها ان شاء الله ويعمي بنات الحرام عن ريالنا
قولن اميييييييييييييييييييين
المشاركة الأصلية كتبت بواسطة غرشوبة ال غرشوب 