الزعل

السلام عليكم ورحمة الله وبركاته

خواتي حبيت يكون هالموضوع عشان نستفيد من تجارب وحياة بعض

ممكن يصير بين اي اثنين مشاكل وزعل والله لا يب الزعل بينكم وبين ريايلكم بس اكيد مريتو بهالمواقف

فابا كل وحده تقول كيف تتصرف اذا صار زعل او سوء تفاهم بينها وبين ريلها واذا قررت تبتعد عنه شوي كم الفتره الي تاخذها

انا متزوجه تقريبا شهرين وحصل سوء تفاهم بيني وبين ريلي فالبدايه يلست معاه وتكلمنا وتفاهمنا وقالي خلاص وانا حاس فيج ومن هالكلام ولكن للاسف عادت حليمه لعادتها القديمه كان كلمنا العصر والفليل نسى كلامي ولا كاني متكلمه حسسته اني اظايجت لكن جلب الموضوع علي فشليت بعمري وسرت عند اهلي وتقريبا صارلي 5 ايام عندهم
هاي اول مشكله كبيره تصير بيني وبينه واتمنى اني اتصرفت صح

الله يصلح بينكم ان شاء الله
بس تصرفج غلط المفروض ما تسير بيت اهلج مب من أولها طبيعي بتزاعلون وتراضين ها سنة الحياة وخصوصا انكم بأول حياتكم ما تعرفون بعض ولا تعرفون اطباع بعض يالسين اتعرفون على بعض تراكم فشي طبيعي يستوي اختلاف في الاراء الخ بس انج تطلعين لا غلط وأكبر غلط لا تعودينه على ها الشي تعوذي من ابليش وارجعي بيتج وحالوا تحلون المشاكل بالهداوة والعقل وعليج بالصبر

خواتي انا ذكرت موقفي كمثال للموضوع وانا مجبوره لان مافي حل ثاني وماقدر اكتب مشكلتي عالعام لانها حساسه شوي وصدقوني تفاهمت معاه وحاولت ابينله لكن هو مب حاس فيني وقررت انا ابتعد عشان نفسيتي بعد
والله تفاهمت معاه اكثر من مره بس ماعرف احس يقول اوكي بس عشان يسكتني مثل الصغاريه

ام زايدالغالي //نملة كشخة يعطيكم العافيه واشكركم على النصيحه

دام ما نعرف المشكلة صعب نتناقش في الحل
بس فعلا نفس ما قلن الاخوات غلط الحرمة تترك بيتها و تعود ريلها عالبعد و عالعيشة بدونها
الحين حاولي بطريقة ذكية تردي البيت …قولي أهلي حاصروني بالأسئلة و أنا ما بغيت أقول لهم شي و عشان أهرب من أسئلتهم رديت البيت بس بعدني زعلانة منك ….و افتحي باب النقاش للمرة الثانية و شوفي شو بيقول …
إن شاء الله يكون فيه حل لمشكلتج وياه ….لو تبين كلميني عالخاص و اشرحي لي المشكلة و إن شاء الله أشاركج في البحث على حل ..
الله ييسر أمرج و يسخر ريلج لج يارب

نزين هو شو ردت فعله فهالخمس ايام …

من بديت زواجي صارت مشاكل بيني وبين زوجي مثل أي زواج
كنت أفكر بكل شي ممكن يخطر فالبال إلا فكرتين :1- اترك البيت واروح عند اهلي , 2-الطلاق
الزواج مش لعب ولا كل يوم تلاقي زوج
وصدقيني هالمشاكل مثل الملح والفلفل للطعام
استعيذي بالله وفكري بحل مش تفكري بنهاية او بداية نهاية