مشكلتي مع ريلي إني أنا إللي ألاحقة وأسأل عنه وأغار وأشك وأهتم وهو لا يسأل ولاشئ إذا ماإتصلت فيه عادي مايتصل أطرش مسجات بولباس من فترة زخيته يخوني وإستوت سالفة كبيرة بيني وبينه وطنشته قام يتصلي ويطرشلي مسجات حب وغزل وكلام حلو عاد أنا إستانست وكنت طول هذيك الفترة ثقيلة عليه بس بصراحة كنت وايد مستانسة وتم على هذي الحالة فترة وعقب ماإطمن إني خلاص رجعت له طنشني لايتصل ولاشئ قبل إذا موبايلي يرن يقعد يسألني منو ومنو والحين لو ينقع مايسأل سؤالي هو شو اسوي علشان يرجع يهتم فيني كانت أيام روعة والله كيف أكون ثقيلة وياه يعني إذا إتصل ماأرد عليه وأخليه شوي وإلا شو الله يخليكم إذا عندكم خطط أو حلول قولوا لي فديتكم أنا بس لاتنازعوني
شو تترين لازم يلعب بذيله وينقع لج خيانة عشان تثقلين وتاخذين موقف
سوي شرات قبل ثقلي وخليه هو يهتم ويسأل
الله يعينج ويصبرج ويفك ضيقتج
ثقلى بس بحدود هب تلبسينه ولاتسالين
يعني كوني مرات رسميه ومرات دلوووعه
مع انه في ريااييل يعيبهم جيه ولا يسالون
مشكورة على مرورج العطر
أم ود!د
الغالية أنا تراني مستوية ثجيلة عليه أوني عاد مب مهتمة فيه ماأتصل له وايد بس قبل يوم توها السالفة حارة كان يسوي المستحيل علشان أرضى وبس رضيت رجع مثل قبل تطنيش يباني أنا إللي أراكض وراه
زلال2008
كيف يعني أنا أقصد إذا هو ماإتصل أنا ماأتصل فيه مول وإلا كيف أتصرف لأني أنا من النوع الشكاك والغيور وقلت خلاص مابسوي جذه مرة ثانية بس أخاف أرجع لأني حالياً ميودة عمري شوي عنه ومب عارفة شو أسوي بعدم إهتمامه في مثلاً يوم يطلع أو أنا أطلع كيف أخليه هو إللي يتصل فيني أو يطرش لي مسجات
الله يسر امورج ..