فقدت الثقه في زوجي وأحس علاقتي سطحيه ساعدوني ؟ لتربية الطفل

أنا وزوجي عشنا مع بعض ثمان سنين من الثقه أحبه ولا ألرضي حد يغلط عليه تخيلو بعدكل هالسنين يرن التلفون الساعه 2:30 بالليل 3 مرات من كثر الأزعاج أوعيه أقوله رد علي التلفون يمسك التلفون يشوف الرقم يقول ماأعرفه ويرد ينام في ذيك لليله ياني فضول أخذ الرقم وأروح الصاله
اخزنه في تلفوني واليوم الثاني أتصل علي التلفون ترد وحده فلبينيه وتقولي أن في وحده تعرف ريلي مازعلت بس طلبت منها تقولي أسمها مارضت طبعا بس قالت أنها روسي بعد ماسكرت من عندها قررت اني ماأخبره وكان هالكلام العصر صحت من الحره المغرب اتصلي زوجي كيف تتصلين علي تلفون ربيعي قلتله أنا ماأتصلت قالي ربيعي دوم حرمته تفتش تلفونه وتشوف من يكلم قلتله بصراحه ربيعك مب ريال لوكان جي بس أسمحلي أقولك طحت من عيني وأسمع الفلبينيه قالت أن انت تعرف صاحبة هالرقم الروسي طبعا حلفلي أنه مايعرفها بس ماصدقته عزة علي نفسي لاني من ثقتي به خذتله السياره اللي بخاطره غطيت علي كل عيوبه وصبرة لطيبته ماأخليه مضايق وأخر شي يوم رحت المكينه مالت الأتصالات ودخلة خمس دراهم ثمن سعادتي عشان أعرف من مطلع هذا الرقم طلع مسجل باسمه هو أكبر صدمه دموعي ما نشفت للبيت حتي من التعب مرضت ورفعت السماعه وقلت له مابخليها ما دمت حيه وبقول بقومتي وقعتي وصلاتي ((حسبي الله ونعم الوكيل علي كل من ظلمني)) يا زوجي ياأبو عيالي ياحبيبي الحين بعد ما كشفته الدرهم يكره يعطيني ومقصر ويقهرني بيها المهم راحته يقولي أخر مره بس عشان 2500أشريت حق عيالي زعل من فلوسي