شحالكن خواتي أن شاء الله مرتاحات في حياتكن (:
.
أنا متزوجة من شهرين .. واغلب المشكلات مثل ما تعرفون تكون خلال أول سنه
بسبة الاختلافات في الرأي وكل واحد طبعه غير عن الثاني ولين وقت نتاقلم مع بعض ..
بس يا خواتي أنا حابه أقولكن على مشكلتي لعل وعسى القى الحل عندكم والنصايح الزينة
.
طبعا أنا كنت أعصب أو خلني أقول إضايق من أمور يسويها ريلي .. وكنت أسكت ما أتكلم
وهذا من طبعي ماحب اشتكي … بس قعدت أفكر إذا تميت سأكته ممكن الواحد يتعود
وياخذها عادة ! صح كلامي وألا لا ؟؟؟ وبسبة هذا الاستنتاج قمت أزعل يوم يقولي شيء واضايق
مأقدر أمسك أعصابي …. بس صدقوني يا بنات أني عاقلة ما بزعل على أي شيء …
بس هو الله يهديه يوم يسولف يختار سؤالف صدق تضايق ! وآنا مأقدر أمسك عمري
ف تخيلوا سالفة على سالفة … هو يشوفها بعينه أشياء تافه وعادية ! بس صدق تحز فالخاطر
أنا إنسانه لي مشاعر واحس … هو يوم شافني أزعل … يقولي انتي حساسه وانتي تزعلين على
أي كلمة وما قام يهتم لـ زعلي أو رضايه لأنه خلاص حظ في باله هذي على أي شيء تزعل !!!!!!
فـ أنا الحين أريد أعرف كيف أمسك أعصابي معاه إذا تكلم بكلام يضايق ؟
حاولت أكلمه بكل هدوء وبكل الطرق وهو يتشجع معايه أن لازم نغير هالحال
بس مادري ليش ما يحاسب حساب السؤالف اللي يتكلم فيها !!!! وآنا توني عروس في شهرين !
رديت أفكر قلت صح يمكن الغلط مني !!! مسكينة بحط اللوم عليه … بشوف إذا طنشت
وما زعلت شو بيصير ! بس شو رأيكن انتن ؟؟؟؟
ثاني شي حطي فبالج شي واحد :-
1. الابتعااااااااد عن وسااااااااوس الشيطان ,, يوم يقلج انتي اذا سكتي معناته انتي جي ولا جي..
حذاااااااار يا اختااه حذار ,,,,
ثاني شي واهم شي في العلاقة انج اتكونين صريحة معاه لأبعد الحدووود خاصة أول 3 سنيين لأن بعدها خلاص بيتاقلم عليج ومابيسوي اي شيء يعجبه ,,
انا نفسج صح اني اضايق يوم اييب لي طاري سوالف تافهه بالنسبة له وتقهرني وتضايقني ,, ما اسوي غير شي واحد ,, اتحسس قلبه واقوول دامنه صج ما يقصد بطوفها عادي وما ازعل ,,
الله يووووفقج ويبعد عنكم ابليس واعوانه
بس حبيت اقولك اذا قالك موضوع يقهرك
اسكتي للين يخلص واذا هداء خبريه انك زعلتي
وااسلوب دلع مو صراخ هع
وهيك من الشغلات
الله يسخره لك
المشاركة الأصلية كتبت بواسطة أم طـــــيف 
ثاني شي حطي فبالج شي واحد :-
1. الابتعااااااااد عن وسااااااااوس الشيطان ,, يوم يقلج انتي اذا سكتي معناته انتي جي ولا جي..
حذاااااااار يا اختااه حذار ,,,,
ثاني شي واهم شي في العلاقة انج اتكونين صريحة معاه لأبعد الحدووود خاصة أول 3 سنيين لأن بعدها خلاص بيتاقلم عليج ومابيسوي اي شيء يعجبه ,,
انا نفسج صح اني اضايق يوم اييب لي طاري سوالف تافهه بالنسبة له وتقهرني وتضايقني ,, ما اسوي غير شي واحد ,, اتحسس قلبه واقوول دامنه صج ما يقصد بطوفها عادي وما ازعل ,,
الله يووووفقج ويبعد عنكم ابليس واعوانه
ما شاء الله ام طيف كفت ووفت
حبيبتي المشاكل وسوء التفاهم شي طبيعي تستوي اول سنين الزواج بس المفروض نتغلب عليها بالعقل ترا الزواج مثل السفينه اذا انتي يمين وزوجج يسار بتغرق لازم واحد فيكم يتنازل عسب تمشي الحياة
لازم تعلمين تمشين الاشياء مب كل صغيره وكبيره تحسسين منها لانه في اشياء تستاهل وفي اشياء مول ما تستاهل فكل مره تحسين انج بتنفجرين من سوالفه يودي السانج واستغفري لين ما تمر العاصفه والله يسهل امورج انشالله
يمكن صدق ماتستاهل هالزعل