شخباركن خواتي الغاليات عساكن بخير يا رب
حبيباتي انا بعرس على شهر 2 اذا الله اراد بغيت اعرف الي ساكنات ويا اهل الزوج كيف يتعاملن ويا خوات الزوج بذات اذا كانو يغارون من بعض ف اكيد لما انتي العروس الجديده بتعيشين وياهم اكيد بتكون في غيره منج ف خواتي جزاكن الله خير ابا نصيحه كيف اتعامل مع خوات الزوج وامه بذات لانها بعد تغار معلى فكره انا حمياتي تقربيا بنفس العمر .gif "12 (29)")
وابا تصايح بشكل عام يعني ابا كل شي يكون بحدود مثلا ابا اكون طيبه وبس تكون شخصيتي قويه
جزاكن الله خير
اول شيء الله يووفقج ويتمم لج على خير اختي
وانصحج تتصرفين على طبيعتج ، وحاولي انج ماتتكلمين عن ريلج وايد جدامهم وتمدحينه وجي ،، يعني لاتتكلمين عن شو ياب لج و وين طلعتو و و الخ ،، حتى امه ،، ولما ريلج يكون معاج واذا حسيتي فيه نظرات غيره منهم لاتسوين حركات مع ريلج مثلا انج تزقرينه حبيبي او تمسكين ايده ،، حاولي هالاشياء تسوينها مب جدامهم
حاولي تكسبينهم بالمعامله الحلوه والهدايا وجي ،، بس هذا اللي اعرفه ،، اكسبيهم عشان يحبونج ومايغارون منج
و اضيف على كلامها : لا تسوين علاقات جدا عميقة و تقعدين طول الوقت محكتة فيهم لانج انتي اللي بتخسرين
عزيهم و احترميهم بس في نفس الوقت كوني سطحية لا تخبريهم عن تفاصيل حياتج ابدا ابدا
لا الزين ولا الشين
و ربي يسعدج *
حبوبة خلج ع طبيعتج
والانسان بطبعه لازم يلزم الحدود مع الاشخاص اللي توهم داخلين حياته
عامليهم مثل خواتج ولا تحطينف بالج انهم يغارون منج او تسيئن الظن فيهم
موفقة