بنات اتحيدون قصتي مع وحدة اونها ربيعتي راحت تخبر ريلي انه انا اتكلم عنه وجي
شوفو هالموضوع
https://forum.uaewomen.net/showthread.php?t=972568
المهم اللي تبا تعرف اكثر اتدور في فايلي بقية المواضيع
بنات امس اكتشفت انها للحينة اتكلم ريلي واتطورت الامور امبينهم
بخبركم السالفة
من عقب ما ريلي طلقني بسبتها رجعني وكل شي بتلقون فالمواضيع السابقة
المهم من هاييج الفترة لين الحينة الامور زينة وكل شي تمام صح في مشاكل بس الحمد لله تعودنا عالمشاكل
بس سبحان الله من اول الايام اللي كلمته فيها وانا احتشرت واتصلت فيها وقلت لها ليش لين الحينة اتكلمينه وجي *وهي سبتني قامت اتكلمه من رقم ثاني
انا وقتها ما كنت اعرف انه رقمها بس كنت شاكة 60 بالمية انها هي
لانه هالرقم ما ظهر فتلفون ريلي الا فهالفترة وكلامهم واااايد واتصالاتهم ما تخلص*
يكلمها 10 مرات فاليوم*
يعني اي وقت هو مب معانا يكلمها
وهي ما اتطرش مسجات ابدا بس اتسوي له رنة وهو اللي يتصل لها
ويطرش لها مسجات ويقول لها بتيين البحر ؟ تخيلوا المصيبة
ليش يا ريلي وانت رجل ملتزززززم والحج كل سنة والعمرة كل شهر وتوك راد من الحج وما تبا تتوووب
اااخ ياقلبي على اللي ما يخافون الله وين بيسيرون من عقاب رب العالمين
حسبي الله عليهم الى يوم الدين
المهم تميييت اراااقب الوضع وابا اعرف هالرقم مال امنو
لييين ما خلاص وصل السيل الزبى اتخيلوا كل دقيقة امسوية له رنة وهو اونه يقول هاييلا قوم بو رنة ما عندهم سالفة هنود. وجي …
وانا مرة قلت له مستحيل حد ما يعرفك ويسوي لك رنة الا لو حد يعرفك ويباك اتكلمه
المهم السالفة طولت واحنا على هالحال من رمضان او عيد الفطر تقريبا
عقب صارحته قلت له هالرقم اللي ينتهي ب بكذا وكذا واايد زودتوها تراكم امنوهاي
تم يراوغ عقب قال هاي فلانة ( وحدة تعرف عليها فموقع زواج زوجها متوفي وعندها عيال وما عيبته وهي تمت وراه ماباقي الا تبوس ريوله عشان ياخذها ، هاي برووووحها قصة يبالها موضوع بروحه )
المهم انا مشيتها مع اني متاكدة انها مب هي وقالي خذي رقمها وكلميها انا اصلا ما اباها*
واتصلت مرتين وما ردت
قلت له رقم هاييج غير
جان يقول لا عندها كمن رقم
وانا اعرف ان هاي اللي تباه يتزوجها تتصل عادي وتطرش مسجات ولهجتها غير لانها من بلد واللي ماتخاف الله من بلد ثاني بس هالرقم الثاني بس يسوووي رننننة مااا تتصل ولااا تطرش مسجااات الا نادرا *ومن مسجاتها وطريقة رده عليها عرفت انها هي لاني اعرف لهجتها وريلي ينقع فاللهجة وياها*
مرة كنت فالسيارة وحصلت فاتورة الرقم اللي يتصل له
معناه هو شاري وعطاها اياه
المهم بعدين تميت اكلمه وازن عليه لين ماقال لي تبين تعرفين هاي زوجتي وانا تزوجت وخلاص ( بس عشان يسكتني ) بس انا صدقت
المههم سوا مشكله واتصل لاخوي يقول له اختك تعبتني واختك واختك وكل يوم تتصل لرقم الحرمة وهاي حرمتي وتراها متاذية من اختك من كثر اتصالاتها وانا يشهد الله اني ما عمري اتصلت الا مرة وحدة يوم هو طلب مني
المهم سبني وانتي مش متربية وشلي ولدج وسيري بيت امج ومتى بفتك من شرج وها كله وانا اصيح ما اعرف شسوي
بعدين يوم يا البيت يلست اكلمه قلت له انا اعرف اللي اتكلمها امنو وانت ما تخاف الله وانت وانت المهم قلت له كلام وايد
وانت اللي شاري لها هالرقم عشان اتكلمك منه*
قلت له ليش اتكلمك من رقم غير الا اذا كانت خايفة من حد. وانا اقصد ريلها. ( يعني اتكلمك من ورا ريلها برقم ثاني انت شاري لها اياه )
وانا بس انتظر منه ياكد لي انها هي لاني ماعندي دليل اللهم شكوووك بس بعدين بتكتشفون ان شكوكي كلها فمحلها
المهم قالي انا مب متزوج بس هاي وحدة اساعدها
قلت له انا عارفة هي منو وبينت له اني متاكدة
وقلت له انت اصلاا تلتقي وياها وتتواعدون عالبحر
جان يتغير لونه ويقول لي كيف عرفتي وين شفتيني انتي تتجسسين علي
المهم كلامنا كله كان تلميحات وكنت اخوفه من الله ومن العمل اللي يسويه وانه شي كبير.
الظاهر اثر فيه الكلام وعقب ما طلعنا قال لي فالسيارة انتي ظلمتيني ترى انا مب لهالدرجة واحد مب زين يعني واتواعد مع الحريم
بعدين قال لي هاي وحدة تبا مساعدة وبس
قلت له اعرف منو وتميت ادعي عليها
جان يقول هيه هاي فلانة
وجاااان انصدم وطلعت من طووري وتميييت اتكلم قلت له كيف هاي طلقتني منك وكذا وكذا وكذا وانتو تعرفون القصة…
قال لي لا بس هي قالت لي انا ما عندي تلفون وانا اشتريت لها تلفون لانه عندها مشاكل وتبا تتطلق
قلت له هييييه يعني هي تباتطلق وانت تتزوجها يعني
جان يحتشر اونه هالامر فيه اللعن
عجبا والله
قلت له زوجها يعرف انه عندها تلفون غير ؟؟
قلت له عفوا يعني هي مثلا سارت عند ريلها وقالت له ترى فلان عطاني تلفون ؟؟؟
قال ما اعرف
قلت له وانت متاكد انها اتكلمك من ورا ريلها
وتعرف انها حصلت فيك مصلحة وبس *(لانه عطاها مبلغ وااايد عود انا اللي زوجته عمري ما بحلم فيه)
وقلت له ان هاي انسانة ماااتخاف الله ولا عندها لا دين ولا اخلاق ولا تربية اللي تكلم ريال من ورا ريلها
بعدين قال لي انا ما اغازلها بس كلامنا عادي
قلت له ليش شرط الرجل يوم يكلم حرمة لا تحل له انه ما يكون بينهم غزل ؟؟؟!!! *عذر اقبح من ذنب
المهم حسيييته نددددم واستحى على عمره لاني كلمته ببروووود وخوفته بالله وبالعقووبة
جان يقول لي كمن مرة اقولها لا تكلميني الا للضرووورة
قلت له لو ان شاء الله اتموت مالنا خص فيها ولا لك علاقه فيها
قال لي من ييت من الحج ما اكلمها وانا اعرف انه كذاب لانه من فترة بسيطة امطرش لها مسج
بس يكون حرييييص انه يمسح كل شي الا اذا نسي*
هو اعتذر وقال انا خلاص اتصلت وقلت لها لا تكلميني لانه ما يجوز ( وانا فخاطري اقوول الحينة عادة!!!! )
*
بنات انا مب مصدقتنه ابدا ووايد فخاطري كيف هالناس ما يخافووون الله وانا كنت ربيعتها وعمري ما اذيتها
سبحاان الله*
والله من كثر الصدمة مب قادرة اصيح ولا اتكلم ولا اضحك
كله ساكتة*
وانا متاكدة انها بتتطلق*
وقلت له اليوم لو تزوجتها والله ما بيلس معاك دقيقة
قام يضحك ويقول ليش انا بتزوج وحدة متزوجة
قلت له تراها بتتطلق*
قال ما اعرف*
بنات ابا اوصل لزوجها ما اعرف كيف
شووو تنصحووووني الحينة
خاطري قلبي يكون حجر وما ياثر فيا شي
الحمد لله ان لنا رب نلجأ اليه وانا ادعي عليها ليل نهار
الله ينتقم منها ويوريني فيها يوووم اسووود
خاطري والله ريللها يعرف عساس تطلع من الدولة ويحطونها فالقااائمة السوداء
خرابة البيوت
ساااامحوني بنااات كلااامي مخربط اتمنى تفهموونه
و*اتمنى الاقي عندكم حلوول وشو المعاملة اللي لازم اتعامل مع ريلي بلييييييز
واهم شي الدعااااااء
فديتكم لا تنسوووووني
والله يحفظكم والسمووووحة عالاطاااله
احس ريلج بارد وهاذيج قاصه عليه لازم تحطين حد للموضوع
تعبت والله ونفسيتي داااااون
شسوي
حسبي الله ونعم الوكيل
يجوز لج تدمرين حياتها مثل ماقاعدة تسرق حياتج وهي بذمة رجل