خواتي انا اختي مخطوووبة رسمي و ملجتها تحددت عقب اسبوعين
لكن بحكم عاداتنا
الريال ايى البيت مرات مع اهله او بروحه و يلس ويا اختي بحضور ابوي و اخواني
وتقريبا صارت 3 مرات اللي ابوي خلى اختي تسولف وياه وهو يلس ف اخر الميلس
وخاصة ميلسنا عووود يعني لو حد يسولف ما ينسمع وايد
بس شكله وايد متضايج ع كلام اختي و شكله مول ما يطمن يعني شو اقولكم فيه شي مب طبيعي ع رمستها ؟
وانا خفت بصراحة قلت لها جى ما تتصلين فيه
مب عيب يمكن الريال فيه شي
و اختي ناوية اطرش له مسج تسأله يمكن فيه شي
تقول يا انه ما يبغيني او يمكن ما عنده بيزات للعرس او للمهر
شو رايكم بنات ؟ لان هو جمن مرة يتصل فيها عسب يسألها بعض الاشياء يعني للضرورة فقط
انا قلت لها اطرش له مسج تكتب فيه " فيك شي متضايج من شي "
اقترحوا عليها شو ممكن تسوي لانها وايد اتوسوس الحين ؟
والله يقدم إلي فيه خير يآرب ويسعدكم
و ترمسه وجي تقوله خير شو فيك مب ع بعضك فيك شي
وان شاء الله بيقولها بس احتمال الريال اوكي يمكن بسبت كثرة الطلبات يمكن ما عنده فلوس او شي و مستحي منكم
بس خفوا عليه من هاي الناحية
مب عيب تتصل باجر بيستوي ريلها عسب ما تتوهق
الله يتمم عليهم ان شاء الله
لا حول ولا قوة إلأا بالله
غاليتي
الزواج مب لعبـة
ها قرار حياة وما في شي اسمــه مغصوب ^^!
خلهم يحطون النقاط على الحروف من الحين
سبحان الله يمكن هو من النوع الي يستحي
بس هذا ما يمنع انها لازم وضروري تعرف منه شو سبب هالسكوت
لإن بعد الزواج أغلب الححمل يي على الحرمة
فلا تستعجل وتستخير زيادة وتحاول تسولف وياه ان ما أمكن مباشرة ,فالفون ما يقصر
والله يصلح النفوس
و ربي يوفقج أختي
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ