حبيباتي بدخل على طول بالموضوع
عندي صديقة عزيزة على قلبي ووااااااايد أحبها معزتها من معزة اختي
المهم
لاحظت عليها انها بدت تنسحب لدرب غلط مع بنات دربهم مب صحيح وفي هاييج الفترة انا حاولت افهمها ان اللي تسويه غلط وممكن تستويلها مشاكل هي مب قدها وتوديها في ستين داهية بس هي ما فهمت حتى اني قمت احلم فيها احلام مب زينة
المهم انا لما شفتها جيه قلت ابتعد عنها يمكن تحس
وبالفعل دقتلي فون وقالت انتي ليش متغيرة وليش ابتعدتي
بس انا كنت روحي امر بظروف صعبة بسبب مرض ابوي وامي وكنت اصلا متضايقة منها ومن تصرفاتها وفوق هذا كله كان قريب موعد احم احم احم وبطيت البرمة
انا ادري اني جرحتها واااايد وقلتلها كلام ما ينقال وفجيت حرتي كلها فيها المسكينه وهي اصلا من النوع الحساس وااايد و سكرت الفون على وييهها
احين مرت على هالسالفه قريب 8 شهور وانا ما حاولت اراضيها واحس ان هالجرح تام فيها للحين بس قلبي واااايد يعورني من هالموضوع
ولما اصادفها حتى ما تلتفت صوبي وما ترد السلام
بس ابغي اعرف هل انا اتعنى واسيرلها واراضيها؟؟؟؟ وكيف اراضيها؟؟؟
وسوري طولت عليكن حبيباتي
؟؟؟
حبيبيتي انتي اسمحيلي احكيلج انك غلطانة هي لو صاحبتك وبتعز عليكي كتيرررر كان ما فارقتيها وضليتي بجنبها حتى لو كانت تعمل اشياء غلط..؟؟؟ لاتتركيها لوحدها تدوس في الغلط اكتر واكتر كوني جنبها انصحيها واحكيلها تقربي منها اكتر واكتر واحكيلها الشي الي بتعملو غلط ودليها ع الصح .. اثري فيها بكلامك واحكيلها انو الي بتعملو حرام وذكريها بربنا .. وادعيلها دايما بالهداية .. لا تتركيها لبنات السوء يإثرن بيها … لا زم تظلي جنبها .. وبادري انتي حاكيها .. وفهميها الموقف انك تحبينها وتظلي معها وتحبي مصلحتها وخليكي دايما معها على اتصال حتى لا تقع بالغلط… لانها الحين اكيد هي وايد كتيررر بحاجة الك….
والله الموفق
لازم تراضينها وتكلمنيها .. بنفسج قلتي انج جرحتيها .. وتراكمات المشاكل اللي عندج وذكرتيها ( مرض ابوج وابوج + احم احم ) خلاج تنفجرين فيها
وهي ما تستاهل كل ها .. لازم تفصلين مشاكلج عن تصرفاتج مع الغير
الحل : تنج تتصلين فيها وتستسمحين منها وتعتذرين لها
حاولي تصلحين اللي بينج وطرشيلها لو قدرتي هدية حلوة .. او فأجئيها بزيارة
عقب ما ترجع العلاقة بينكم عدل .. اعرفي اذا هيه على درب الغلط ماشية ولا تابت
اذا دربها غلط فرمسيها وبينيلها انج تحبينها وتتمنين لها الخير
الكلمة الطيبة تريح البال .. والشدة والغلظة ابدا ما تنفع وفي نفس الوقت يخلي الواحد ينفر ^_^
ماعرف ليش اعاند نفسي وانا في داخلي وايد زعلانه عشانها
واعرف ان هالتصرف كان سبب لإفساد وايد علاقات مب شرط بين الصديقات ولكن أقصد جميع العلاقات اللي نعيشها
وبعد أخاف اروحلها وما تتقبل اعتذاري
المشاركة الأصلية كتبت بواسطة أم خالد الحلو 
لازم تراضينها وتكلمنيها .. بنفسج قلتي انج جرحتيها .. وتراكمات المشاكل اللي عندج وذكرتيها ( مرض ابوج وابوج + احم احم ) خلاج تنفجرين فيها
وهي ما تستاهل كل ها .. لازم تفصلين مشاكلج عن تصرفاتج مع الغير
الحل : تنج تتصلين فيها وتستسمحين منها وتعتذرين لها
حاولي تصلحين اللي بينج وطرشيلها لو قدرتي هدية حلوة .. او فأجئيها بزيارة
عقب ما ترجع العلاقة بينكم عدل .. اعرفي اذا هيه على درب الغلط ماشية ولا تابت
اذا دربها غلط فرمسيها وبينيلها انج تحبينها وتتمنين لها الخير
الكلمة الطيبة تريح البال .. والشدة والغلظة ابدا ما تنفع وفي نفس الوقت يخلي الواحد ينفر ^_^
اناامع اختيي…
ولاااتتاخريين اكثر..
لا تخلين الوقت يمر وهي زعلانه منج الدنيا ما تسوى
انشالله بترد صداقتكم….. ودايما انصحيها بالهداوه
مالها داعي الانفعاليه..