مشكلتي كل الناس اللي حضرت اعراسهم كانو خاطبيني و انا ارفض
نفسي اعرف ليش ارفض
الريال عالكوشه و تييني امي تقول هالريال خطبج ورفضتي شوفي شحلاته
انا اقول هيه ما شا الله عليه الله يوفقه بس انا ماقدر اعرس
ودي مثل كل بنت يستوي عندي بيت و يهال بس وقت الجد اقول لامي مابي مادري ليش
انا عقبها احس بضيج مب لاني رفضت او ابيه بس جي ضيج
ما احس فيوم ممكن اعرس على كثر اللي ايوني مادري ليش، مب ناقصني شي بس جي كله ارفض
اصلا ما اتخيلي عروس والله مادري ليش
ولا اتخيل فيوم باخذ واحد بس لانه اهلي قالو عنه زين وبنفس الوقت مابي احب واحد و فونات و خرابيط عشان افهمه انا
امي تقول شو تبين حد من اوروبا ههه
بس جد والله ما اقدر اتاقلم مع مجتمعي
امي تقول ساعات في حريم بيون يشوفونج والله هالكلمه تقهرني تغصصني ليومكم هذا ما طلعت حق ولا وحده فيهم اقولها شو بضاعه يشوفونها
بس جي احس ماقدر اتاقلم عقليتي ما تستوعب هالشي امي تقولي يا ام عقليه عنسي مع اني صغيره بعدني 22
ثاني شي بسالكم سؤال يخص الاعراس
منو تتضايج اذا حضرت عرس او ملجة شراتي؟
والله اكون متحمسة اني اسير و اكشخ و جي
اخر شي يوم ادش القاعه
اشوف الناس
احس بضيييييييييييج
احس الناس مب مستانسه مادري ليش او قاعده و تحش فبعض حتى لو مستانسين و يرقصون احس اطلع وانا ضايجه
مادري ليش هالشي
حضرت اعراس وايد فبلاد عربيه مثل مصر و غيرها
والله اطلع مستانسه
هنيه ضيييييييييييج
الناس قاعده ودق يصك الراس
العروس نص كيلو مكياج وقاعده مكانها
وكل شي يلمع فيها
عقب العشا عيش و لحم
ياربي والله اكره ريحة الاعراس
احس لها ريحه معينه مختلطه بين عطور و اكل و مدري شو ههههههه
انا اكتب هالشي لانه توني راده من عرس ما قدرت ارقد حاسه بضيج من اللي شفته وبعد ازيدكم المعرس نفسه تقدملي ورفضت بس مادري ليش
ادري كله قسمه و نصيب بس نحن اللي نختار قسمتنا بنفسنا بافعالنا
ساعات احسني شخصية غريبه ما تتقبل شي و ساعات اقول انا صح و هم غلط
كلامي مخربط بس هي مجرد فضفضه
وبس خلصت كلامي 
هونيهآ وتهون وكل حد بياخذ نصيبه … انا الحين ماقمت احب الاعراس .. ساعات ودي احضر لكن يوم العرس اغير رايي !!
يعني انتي تبين وآحد تعرفينه وتعرفين شخصيته قبل لا ترتبطين فيه
ونفس الوقت تبين كل شي بالحلال .. ~
بس هالشي مآيصير عندنـآ .. بس عسب مجتمعنــآ
عسب ديننــآ فديييتج ..
يوم بيتقدم لج حد مره ثـآنيه لا ترفضيــن
صلي استخــآره قبللا تعطين اي حد اي كلمــهـ ..~
عقب وآفقي وربي يجدم الي فيه الخيــر ..
لا اتميــن جيه عزآبيه .. ~ الستــر زين للبنيه .. وتكملة لـ نص دينــج .. = )
ربي يوفقج واييسر لج امووورج .. ~
سبحــآن الله وبحمـــدهـ .. ~
الغالية دام عمرج 22 بعدج صغيرة و العمر يدامج لا تحاتين
بس الشي اللي المفروض يصير و اللي بيريحج (صلاة الاستخارة)
أي حد يتقدم لج عليج بصلاة الاستخارة و الله يوفقج
اذا انتي حاسه الخطأ فيج اصلحيه عادي