زوجي عصبي وتعبني مــعاه وافكر بالانفصال رعاية الاطفال

السلام عليكم ورحمه الله وبركاته

خواتي بغيت نصيحتكـن لاعز صديقاتي ..

ماعرف من وين ابدي او كيف اتكـلم بس هاي مشـكله
اربيعتي اللي تعاني منها حاولت اساعدها بكل الطرق بس بلا فائده

طبعا اربيعتي صار لها تقريبا 4 شـهور مـالجه من شـخص ما يقرب لها يعني من بعيد
بس اهيه كانت تعرف اختــه واهيه اللي خطبتها حق اخوها ..

الريـال الكل مدح فيه وماعليه اي قصور من طرفه بس مشـكلته انه عنيد وعصبي
ودايمـا يتحسس من ابسط الامور ,,

اربيعتي تقول لي :

يا تريزور ..
ريــلي مااعرف كيـف اتصـرف وياه عصبي بشـكل ما تتصورينه لو كنا نتناقش في امر معين وطلعت مني كـلمه او بالاحرى جمـله او عباره ماعرفت اعبر فيها ممكن ان يفسرها غلط ويعمل فيها سالفه احاول افهمه بس حزتها يكون معصب
اذا سكت عنه يظايج ويقول لي تعرفين طبعي وماحب السكوت واذا غيرت الموضوع يقول لي تهربت واذا حاولت اهديه ما ينفع معاه واذا قلت له بصك عنك التلفون وبرجع اكلمك هم يظايج ويقول لي يوم اكون بعز حاجتي ما القاج ..
تقول لي :

اذا حط شغله في باله لازم تصير ,, حتى لو كانت غلط وان فيها مضره لطرف من الاطراف ,, اهم شيء الشغله تصير يعني تصير واذا حاولت تهديه بالموضوع يقول لها اوكي بس فجأه يقول لها انتي تبين تمشـيني على مزااجج دوووم
وانا اكثر بني ادميـه اعرف هالبنت مشـ عشان انها صديقتي لا والله بس اخلاقها ما تقول جذي واهيه من النوع الهادي ولا لها شغل بحد

اهيه دايمـا تقول لي انه مضغوط وايد واهله اللي هم اخوانه دايمـا في نزاعات ومشـاكل معاه واهو يحاول ان يتقرب منهم بس لاقي منهم الصد والهجران والتجريح

اربيعتي تقول لي تعبت لدرجه صرت اخاف اتكلم معاه اخاف اقوله شو اللي يضيج فيني وشو اللي يزعلني تقول لي تحملت وايد وصرنا كل يوم مشاكل وخناقات بس يرجع ويقول لها انا احبج وانا اعتبرج كل اهلي ,,

تقول لي افكر بالطلاق قلت لها لا ,, بس نفس الوقت تقول لي اهو كاسر بخاطري ومب قادره اتصرف معاه تحبه وتموت عليه وكل اللي يبغيه تسويله اياه ومب مقصره معاه
بس تقول لي هالفتره كله مشـاكل وانا زهقت ,, تقول لي صار بينا برووووود وطبعا موعد زواجهم قرب يعني شهر ونص تقريبا ,, تقول لي اذا اهو الحين جذي باجر يوم بكون معاه كيف ,, قلت لها عاملـيه بكل حنيه ولطف وحسسيه انج قريبه منه اكسبي وده ورضاه ,, حاولي تفهمين اهو شو يبي شو اللي يزعله ,, وان شاء الله فتره وتعدي ,,

اللي ابيه منكــن خواتي ,, تنصحونها ,, لانها تفكر انها تتطلق منه ,, وبنفس الوقت قرارها هذا مش صحيح لاني اعرفها عدل واهيه وايد متعلقه فيييييييييييه وتحبه
حتى دايما تقول لي واخيرا لقيت الانسـان اللي يفهمني وافهمه , وتقول لي ماا اتخيـل اي اعيش حياتي من غيره ,, رغم ان الفتره 4 شهور بس اهيه واايد متعلقه فيه

وحالتها النفسيـه الحيـن مدمره وكله اجوفها زعلانه ومظايجه ,, ومعتزله الناس ولا تبي تتكلم مع حد ولا تبي تظهر ,,

عطونــــــــــــــــي نصيحتكـن ,,, ابي ردود حـلوه ,,عشـان اخليها تجوف الموضوع وتتحمـس ,,

في رياييل يحبون الحرمة تسكت لما يكون معصب

وفي رياييل يحبون الحرمة تبتسم او انها تغير له الجو المتكهرب

يعني اذا طلعوا السوق او مطعم صرخ عليها وقالها مثلا تغطي زين او تغشي

بدلع تقوله فديت اللي يغارون

وتقوله ان شاء الله قلبي

ومواقف وايد تقدر انها تسايسه

الرياييل بالسياسة تيبهم

حتى لو تقصين على عمرج اشوي وتجاملينه بيستانس وايد

خل تمدحه وايد
تقوله حلوة ابتسامتك
حلوة ضحكتك
احب فيك انك تعصب وترضى بسرعه

الملجة اللي هي تحبب الريال بالحرمة وكل واحد يعرف طبع الثاني
وبالعرس ان شاء الله تكون اكثر

الله يوفقها مع ريلها ويتمم لهم على خير

الله يعينها

تستغفر ربها
وما ترد عليه
وأحسن لها بعد ما ترمسه هالفترة الين ما يهدأ الجو

والله يهديهم الاثنين

اتصور ان الوضع هي بتحط القرار فيه لأن هذا زواج وعشرة عمر
يعني خل تتخيل نفسها بتقدر فالمستقبل
اتم جي على اعصابها وتجاريه ولا ما تقدر؟
في رياييل ممكن تتحملينهم يعني لو يعصب
يي للحرمه بعد ما يهدا ويراضيها وياخذ مافي خاطرها ويهاديها مثلا.
لكن في نوع يقهر يعصب ولا يسوي سالفه للحرمه وهذا كان الله بعونها
خليها تستخير ربها وتدعي بدعاء الاستخارة في اخر كل صلاة والله ييسر له امرها ويرتاح قليبها.

خلها تصبر لا تستعجل اف قرارها