الصراحة ماعرف كيف أبدا أحس نفسي ضائعة والله ومتضايجة وأيد
أنا ريلي أنا يسلمكم كان عنده علاقة ويا وحده قبل الزواج وهو اعترفلي عنها قبل العرس ؤقالي ودرها بس هو ما تركهها وأنا كشفته ووعدني ما يكررها ..
بس من عقب هأي السالفة خلأص استويت شكاكة وأيد وأحس دائما انه يخوني وكم مرة شفت في البلاك بيري سؤالف طفاسة وصور ؤطرشتله مسج أذكره انه حرام نشوف هأي الأشياء واتهمني بالتجسس واني مريضة نفسيا .. ومستحيل يفتح تلفونه جدامي وحاط عليه رقم سري ..
بنات أنا تعبت منه ومن تصرفاته وأيد خبيث ؤكله مع ربعه واذا هم قالوا شيء على طول يرؤح لهم بس إذا أنا أقوول يلف ويدور .. ودائما يقولي أنا مب مقصر معاج ف شيء واذا صارت مشكلة يمد أيده علي ويسمعني كلام يعور القلب ويقولي إنتي تجبريني وأنا كرهت العرس ولاعت جبدي ايلس معاج .. أبي أخبر أهلئ عليه بس مابي اعور قلب أمي وابوي ومابي يحطيح من عينهم .. والله مب مقصرة معاه بشئ بس خلأص صارت عقدة عندي أتخيله معاها أو مع غيرها.. هو مب محافظ على صلاته يوم أنا معاه يصلي .. بس يوم ما أكون موجودة ما يصلي ويقولي صليت بس أشوف السياده نفس الوضعية إلي أنا حطيتها واخلي عمري مصدقتنه 
أبي أعيش براحة معاه ماعرف شو أسووي الله يخليكم ساعدوني انصحوني شو أسووي ؟؟؟؟
نصيحه لاتخلين الشك يدمر حياتج ولاادخلين اهلج في امور اتخص حياتج الزوجيه لانج قاعده اتكبرين المشكله وانتي من حاسه ابعمرج حكمي عقلج وكوني حكيمة ولاتقارنين نفسج في وحده مجرد نزوه في حياة زوجج وفكري وقولي زوجي لو كان يريدها كان ماتزوجني انا هالتفكير الي لازم اتفكرين فيه ، انتي اكيد تبين الحلول الي اتخليج تكسبين زوجج لصفج انا اقولج الحل هو انج اتعيشين زوجج برومنسيه تامه وبالعطف والطيبه والحنية والرقه واكره شي عن الريال الحرمة الحنانه والنكديه والنكد هي من الاشياء الي اطفش الريال من ايد حرمته نصيحه ياااختي بالاسلام حافظي على حياتج قبل لايفوت الفوت ترى ماينفع الصوت .
الله يوفقج.
شو رايج تحطين كل شي ورأ ظهرج وتبدين معا مرة ويديد
يعني تعدلي ليه سويلة مفاجات ودوريلج مناسبه عشان تعطي هديه يحبها
حتى اذا جرحج حطي روحج ماسمعتي شي دائماً خلج بشوشه تضحكي
يعني باختصار ( املكي قلبه ). اسحري بشخصيتج عشان مايشوف غيرج
والله يوفقج بحياتج. ترا مشكلتج وايدين يعانو منها بوقتنا الحالي