موضوع محييييرنى ……. شو راح اقول لبنتى ليلة الزفاف؟ رعاية الاطفال

غاليتي

خذيها في وقت هي هادية فيه

وقولي لها أول شي أنا أمج وبعد الزواج بتم أمج

اي شي احتجتيه حتى لو انحرجتي تراني أمج ..

وبقولج الي بمصلحتج أكثر عن غيرج

وثاني شي قولي لها ان الريال مب دائما يفكر مثلنا فاطلبي منها الوضوح

وانها ماتتوقع ان الزوج روميو ^^ !!

تتقبل الريال بشخصيته

وتعامله مثل ما هي تحب انه يعاملها

وفي لحظات الغضب تهدأ وتستغفر وتعطي ريلها فرصـة يبرد

وتحافظ على نظافتها ونظافة بيتها ..

وتعود ريلها على ركعتين يصلونهم جماعـة كل يوم بالليل أو أي وقت يتقربون بها من رب العالمين

ويخلون البركـة في زواجهم

وذكريها ان الحرمة الي تصون دينها رب العالمين بقدرته يصون بيتها

فكل ماكانت مداومـة وقريبة من دينها كل ما حياتها كانت أفضل

والله يتمم لها على خير