انا متزوجة من 3 سنوات تقريبا و عندي بنت عمرها سنة و نص الله يحفظها زواجي كان تقليدي بداية الملجة كنا الحمدالله اوكي مع بعض و بعد 4 شهور عرسنا و الحمدالله أمورنا كانت طبيعية كأي زوجين كانت في مشاكل عادية لان شخصيتي تختلف عن شخصيته و هو اكبر عني ب 12 سنة كان وايد بارد ما نطلع مع بعض يا اكون عند اهلي او اهله بس و يخليني بالشقة بالساعات سكت و تحملت قلت ما عليه يمكن مع الايام بيتغير حملت و يبت البنوتة الي خلت حياتي نور و حياة اهلي لانها حفيدتهم الاولي و بيت اهله لانها حفيدتهم من ولدهم العود، بعد ما خلصت من الاربعين قلت أكيد مشتاق لي قمت و شريت لي ملابس يديدة و صبغت شعري و قصيته و شكلي تغير بعد الولادة، المهم سويت كله هذا عشانه و من هني بدات حياتي التعيسة بنات استحي اقول هالكلام بس غصبا عني مو عارفة شو اقول الريال ما يصدق حرمته تطلع من الاربعين يكون مشتاق لها وايد بس انا لقيت العكس ريلي من اول ما خلصت الاربعين لين يومكم هذا بس تقرب مني مرة وحدة والله بس مرة واحدة بنتي الحين جريب تكمل سنتين و انا لا أني متزوجة ولا أني مطلقة ريلي ما يتقرب مني والله قلبي يعورني انا مو مقصرة معاه بشي و انا من نوع الي اغير نفسي بين فترة و فترة اغير الروتين اهتم بنفسي و في بيتي اخلي بنتي عند أمي عشان اعطيه مجال بس أبدا كلمته اشكثر بس بدون فائدة قلت يمكن عنده وحدة بس ما لقيت منه شي يدل فتشت سيارته ما حصلت شي بنات ريلي بااااااارد برود الدنيا اكون عند اهلي اسابيع و الشهور و هو عادي ما يقولي شي ما يقولي متي تردين او انه متوله علي او علي بنته والله فالشقة ولا كأني متزوجة لا كلام حلو ولا أحضان ولا لمس ولا حتي بوسة انا متزوجة عالوراق بس والله حياة الربع واايد احسن من حياتي تعبت من كثر التفكير رغم انه مقصر وياي بس متحملة اسويله عزائم في بيت اهله اذا في مناسبة و اخر مرة لو تذكرون عشان فاز بالجائزة صج انه كان في ردة فعل منه بس انا قلب مات منه خلاص تحملت سنتين مافي وحدة بتتحمل هالعيشة والله.. و يوم كنت اقرأ ردودكم كنت أصيح لان ما بقي شي فيني نفسيتي تعبانة شكلي تعبان مالي خلق نفسي ما صرت نفس قبل ما اسولف وايد ما اختلط مع الأهل وايد عشان لا يحسون بشي ما ابي يكون عندي خدامة عشان انشغل مع بنتي و انسي حياتي شوي بس لين متى…. اهله يعرفون كلموه اشكثر نصحوه و خذونا عند الشيخ تم ريلي يقوله ما فيني شي لما قرا علينا الشيخ قالنا فيكم شي و عطانا العلاج بالزيت الزيتون و الرقية الشرعية و سورة البقرة التزمنا بالعلاج بس ما لقيت منه اي تحس ناحيتي قلت له بنروح العمرة و رحنا والله ما كان يهتم فيني ابد كله مخليني عند اخته لانها كانت ويانا مع ريلها بالعمرة اضاربنا هناك و قلت له الي بقلبي ما تأثر وايد ردينا البلاد و حياتنا نفس قبل و اخر مرة بس صارت ضرابة كبيرة تأثر شوي و كلمت اخته أني خلاص مو مجبورة أعيش مع انسان ما يعطيني حقوقي ولا يهتم فيني ولا في بنته قلت لها حياة بنتي في بيت ابوي وااايد أحسن من حياتها مع أبوها والله سكتت وما قالت شي بس قالت أني صبرت واايد و بيتهم كله يشهد ع ها شي و أني اعطيه فرصة عشان يتعالج عند الشيخ لان ريلي قالي انه كل ما يتقرب مني يحس يبي ينام و ها الكلام وااايد صدمني معقولة؟؟؟؟ سنتين و هو ما يقولي شي سنتين و هو ساكت سنتين و انا أتعذب من حياتي وياه من اهماله لي بالدرجة فظيعة و يوم رحنا عند الشيخ ليش ما قاله و اذا صج كان يبيني ليش انا ما حسيت بها الشعور ليش؟؟؟ والله ولا مرة حسيت انه يبيني الحين صار شهر و شي و هو بعده ما تعالج
أمي تدري بالسالفة كنت وايد اقعد في بيتنا اروح الشقة يوميت و اقعد في بيتنا بأسابيع أني استغربت وايد مني و قالت انتي ريلج ما يشتاق لج ما يقولج تعالي تعبت من مثر ما تقولي اخر شي قلت لها و انصدمت وايد*
بنات انا خلاص بديت افكر في الطلاق اعرف ها شي وايد صعب بس شو اسوي مو بيدي شي صبرت عليه واااايد و في بعد وايد اشيا بس ما اقدر اقول غصبا عني افكر فالطلاق ابي ارتاح ابي أعيش ابي احد يحبني يراعيني يهتم فيني مو هذا الي كل متزوجة تبي و تتمناه ف حياتها انا بعد ابي بس ما حصلت شي منه ليش استمر وياه شو الفائدة *كل يوم أموت والله أموت تعبت خلاص ما صار فيني حيل و الي مصبرني وجود بنتي الي صارت كل اهتمامي و بنتي بعد ما صارت تبي غيري وايد لاصقة فيني لما أبوها يشيلها تصيح ما تبيه.. بنات ساعدوني الله يخليكم قولولي شو اسوي و سامحوني طولت عليكم]
والله يسخر لج ريلج ويحنن قلبه عليج
غاليتي 
أول شي وقبل كل شي أختي
استخيري ولا تاخذين اي قرار كبير في حياتج بدون استخارة
انتي غلطتي في شي واحد أختي
يوم تعدلتي وغيريتي من نفسج لريلج
اهتمامج بنفسج لازم يكون لحبج لها
وهذا الشي يعطيج جاذبية عند الناس
عكس إذا تزينتي لهم لإن رضى الناس غاية لا تدرك
فإذا اهتميتي بنفسج فلنفسج لإن بالأول والأخير كل انسان ينسأل عن نفسه
وبخصوص ريلج
أختي حاولتي تسيرون مطوع
أو على الأقل كلمي حد عاقل من أهلج أو أهله
يكلمه اختي لا حياء في الدين
وانتي بالأول والأخير لج حقوق عند ريلج الأولى به يفي بها
فحاولي الصلح قبل لا تاخذين قرار وايد كبير
الطلاق مب سهل ولا هو حل إلا في حالات خاصـة
وبعد أختي أوصيج بنفسج ودينج
راجعي عباداتج وشو قدمتي لآخرتج
استغفارج والطاعات والنوافل
هل عطيتي كل شي حقه
لإن الي يتقرب من رب العباد
ما عمره يخيب
واستغفري أختي الإستغفار دواء لكل داء
وادعي في جوف الليل رب العالمين يحنن قلبه عليج ويرشدج للصح
والله يهديه ويصلحه
ننتظر راي اناناستنا الحلوة تعجبني آراءها في مثل هالمواضيع
معقوله أكيد فيه سبب