السلام عليكم ورحمة الله وبركاته
يمكن أغلبكم متعود يوم يجوف مواضيعي تكون ضحك وسوالف
بس هالمرة موضوعي غير
موضوعي أهديه لكل أخ
لكل اخت
لكن انسان
واحب اشارككم بقصة حقيقية وابيكم تشاركوني
القصة في عليها تعديل على الاحداث
وفي تغيير للأسامي
صح مب حلو نفتح جراح الباقيين بس في نهاية الموضوع بقولكم الي ابيكم تسوونه
مريم و محمد
اخوان
عاشوا طفولتهم مشتته
الام والاب اطلقوا وكل واحد راح لسبيله واتزوج
ومريم ومحمد كانوا يتنقلون من بيت لبيت لمدة طويلة لين ما استقروا في بيت يدتهم
يعني لهم بعض في الدنيا
مريم بنت في سني ماحسها اجتماعية وايد وشوي خجولة تحب اخوها وايد وايد وايد
محمد أكبر عنها بسنة او سنتين ينحط على الجرح يبرى
حتى مرت ابوه الي كانت تأذيه كان يحترمها ويساعدها
محمد كانت دنيته مريم ومريم دنيتها محمد
وبذكرلكم موقف
محمد كانت عنده دورة لمدة اربعين يوم
قبل لا يروح مريم حظنته يدام الكل وتمت اتصيح واتقول محمد لا تتركني محمد لا تخليني محمد لاتروح وتودرني بروحي
مرت خالها اتهديها واتقولها مريم بيروح وبيرد لا تحاتين
واول ما خلص الاربعين يوم مريم حظنته بكل قوتها
حظنته بكل مشاعرها
حظنته بكل روحها
وصح كان بعده 19 لكن راح يخطب حب الطفولة
وكان باقي شهرين ويكمل 20
وبعد الدورة بكذا شهر
محمد : عمو شحالج
عمته : هلا ولدي شخبارك
محمد : أنا تمام الحمدلله
محمد : أقول عمتي ترا انا اليوم برقد عندكم لا تنسين تحطيلي فراش
عمته : من عيوني تنور البيت
" محمد علاقته كانت قوية فعمته "
وبعد هالاتصال اتصل لربيعه وخلص المكالمة وبند
وهو في الدرب تمر سيارة مسرررررررررعة وتشحف سيارته بطرييقة خلت محمد يفقد السيطرة وتنجلب السيارة وتنجلب وتنجلب
ومحمد راااااااااااااااااااااااااااااح راااااااااااااااااااااااااح راااااااااااااااااااااااااااااااااااح
تم تبليغ اهله بالموضوع
امه وابوه
تخيلوا موقفهم يوم ينعطى لهم أكبر كف فحياتهم
اتخيلوا يوم يحسون انهم قصروا فحق ولدهم ومافي مجااااااااال انه يعوضونه
وفراشه الي زهبوه منو بيرقد عليه
بس كان في شي أكبر
مريم ؟!!
مريم كيف يوصلولها الخبر
ابوها اتصل فيها
مريم : لالاااااااااا مستحيل محمد ما يروم يتركني لاتجذب لاتفاول على اخوي لاتفاول على اخوي
للاسف طلع ما يجذب
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآه
تتخيلون
تتخيلون يوم الموت يخطف حبيبج منج
يوم الموت يخطف ظناج
يوم الموت يصفج
اتصل ابوه بمرته الي كانت في دولتها " احدى الدول العربية "
زاعجت منصور لااااااااااااااااا منصور لااااااااااااااااااااااا
اتخيلوا مرت ابوه مرت ابوه انهزت انهارت
يا وقت العزا
كان اول عزا احضره في حياتي
الأم قاعدة مش مصدقة ودمووووع ودمووووووووع وتردد عبارة " محمد راااااااح محمد رااااااااح "
وقالت : محمد كنت دايما أدرسك وتنجح بالدز
أحين يدامك امتحان ثااااااااااااني امتحان رب العالمين
امتحان رب العالمين
مريم ما حصلتها في البداية لانها كانت نايمة من التعب
ولما دشت
حظنت مرت خالها بقوة وتمت تكرر خالو منصور راح وخلاني خالو منصور راح وخلاني
مالي حد بهالدنيا من بعده منو لي غيره
خالو محمد راح وخلاني
والحضور مالهم الا الدموع
لأن الكل يعرف محمد مريم ومريم محمد
رحت مع مرت خالهم الدور الأول
تمت تناظر الدريشة وتضحك
وانا اقول فخاطري ليكون استخفت
وتضحك واتقولي
مرة دش واحد يشبه سعيد ونزلت اسلم عليه " نظرها ضعيف شوي وماكانت لابسة عدسات وتبا تكمل سوالفها ويدش محمد وعادي
بس بعدين اكتشفت انه مش سعيد هذا ربيع محمد ومحمد ماقال شي يوم قالتله ليش ماقلتلي قالها انتي بحسبة امه " بس هي صغيرة شوي " وكنتي متحجبة فعادي
وتمت تذكر مواقفه
وانا دموعي تداعب خدودي
وراحت
وانا واقفة غمضت عيوني
محمد : أحلام شو ها انتي ماتلعبين انتي بس تكسرين
" أتذكر ايام اول يوم كنت العب معاه كرة قدم واشوته "
ومرة جفته راقد رحت ودغدغت ريوله
كنت صغيرة وشيطانة
وانقهرت لانه ما يحس وما يغار
محمد : قرقطيني من اليوم لين باجر ما غار
بعد فترة من رحيله
امي شافت نظارة فسيارة عبدالله ولبستها وقالت وايد حلوة خالتي قالتلها هاي نظارة محمد وعبدالله دوم يلبسها
شو شعوركم لو جفتوا اغراض شخص تحبونه
كندورته المعلقة بعد مالبسها
عطوره الي على الطاولة الكتابات الي بخطه
الكاب الي يلبسه
صورته الي في بوكم بعد ماصار من الماااااااااااااضي
الي اباه منكم
فكرة سوتها اخت ووايد عيبتني وللاسف ضيعت الرابط لو وحدة تعرفه ياريت تحطه
كتبت رسالة لاخوها وكانت جدا مؤثرة واتمنى كلكم تسونها
اكتبولهم رسالة من الخاطر كل وحدة تنش وتكتب لاخوها رسالة وياليت لو تكتبلنا اياها
ولو اي وحدة تباني اساعدها في الكتابة فالها طيب
اختكم
أحلام علي
همسة : لاتنسون المسلمين والمسلمات وعباد الله قبل الاسلام من دعواتكم
الله يحفظ لي اخوي ماليغيره بالدنيا
و الله يرحم يدي
.gif "12 (46)")
راس مالي أخو واحد ويسوى الدنيا ومافيهآ
وسالفة الرساله ادري اني مب قادرهـ بس بحاول
ويحفظ كل شبابنا
والله يحفظ اخواني وكل اللي حبهم من كل شر و يحفظ جميع المسلمين
ويحفظ شبابنا وأخوانا
فديته أخوي الصغير ربي يحفظه
ما سالفة الرسالة ما أحب اكتب ولا أعرف اعبر ؟؟؟
أنا عندي اخوااان أصغر عني فديتهم ربي يحفظهم ….