تعرفون مطلقة ردت لزوجهاا المومة و الطفل

السلام عليكم بناات:

ربيعتي وحدة مطلقة كاانت تحب زوجها مووت و هو يحبها أكثر المهم اطلقوا غصبن عنهم و هي ألحين كل يوم تصيح أباه و أباه و ما أبا غيرة و انخطبت لكن ترفض أونه بتريااه و كل ما نقولها ماشي فايدة اتم تصيح

المهم أبا أعرف حد استواله هالشي يعني طليقين ردوا لبعض

أبا قصص و نصائح و دعاء

هيه فديتج وايدييين اتطلقو وردو لبعض

بس كيف اتطلقو غصبا عنهم

الله المستعان

واااايد يا اختي اللي ردو مع بعض اللي رد بعد ما عرف انه غلطان وندم ورجع لزوجته واللي كان متسرع وفيه حد منهم طلق حرمته عشان يرضي امه ولا ابوه وبعدين ندم اعرف حرمه الله يستر عليها عرست ويابت من ريلها عيال ماشالله وصار بينهم خلاف واطلقت من ريلها معنهم وااايد يحبون بعض وشاءت الاقدار كل واحد منهم عرس والتها في حياته فتره من الزمن وردو اطلق كل واحد فيهم وسبحاااان الله فالاخير ردو لبعض مره ثانيه ويابو عيال ماشالله مره ثانيه وشاءت الاقدار انه الريال يموت عند زوجته الاولى قالها لفيت الدنيا وشفت وشفت حريم وااايد بس ما هنتلي العيشه الا وياج ولا ارتحت الا معاج حياتي وياج غير وعقبج استوت غير ما قدرت اتأقلم مع غيرج انتي غير انتي اللي خذتي قلبي وسكنتيه دوم يقولها ابا اذا ياني الموت ابا اموت وانا عندج مب مع غيرج …اذا الله راد انه يرد يجمعهم بيجمعهم على خير ومحبه وموده وسكينه والانسان لازم يسعى ويحاول يصلح لو في الصلح تنازل عن شي المهم ما يخلي الشيطان ولا الحساد تشمتبه اذا كان انسان زين ليش اخسره بالعكس المفروض ما خلي حد يدور بيني وبينه وبحاول اكسب اهله عشانه لو ما ينطاقون بس عشانه بسوي المستحيل اذا كان انسان يستاهل اذا لااا تدعي ربها يرزقها بريال اخير وابرك عنه

ووواايدين الغلا

الله يرجعه له

الخيره فيماا اختااره الله