اااااااااااه متى بحس بكياني ف حياتي الزوجية تعبت والله رعاية الاطفال

صدق احس اني في حياة ثانية غير الحياة الي ان عايشتنها انا متزوجة ماكملت سنة تزوجت بعيد وايد عن اهلي وابتعدت عن ربيعاتي وكل الي اعرفهم وابتعدت عن الاشياء الي احبها مثل سواقة السيارة والدوام بحكم اني عايشة بعيد وماقدر اداوم في هاك المكان بس كان مصدر سعادة لي واختفت للاسف…. وعشت فمنطقة ماعرف فيها حد محد يسال عن حد وهني عندهم الحقد وقطع صلة الرحم بشكل فظيع ,,,,,,,,, ريلي وايد زين وياي ولله الحمد بس المشكلة في حياتي احس مافي حياة كل يوووووم نفس الروتين كل يوم لا اطلع الا قليل ولا وظيفة ع الاقل احس بكياني او بشخصيتي وايد اشياء اندثرت واختفت من حياتي بعد مابتعدت عن كل شي احبببه والله اكتب لكم ودموعي بعيني ماقدر اوصف لكم الضيقة الي احس فيها والحين انا حامل والضيق مب زين لي بس غصبن عني… اهل ريلي مشغولين بعيالهم ومدارسهم وكله يطلعون ريلي مايحب يطلع وايد ااااااه اتذكر الايام الي طافت يوم كنت قريبة من اهلي واشوفهم كل يوم واسولف وياهم هني منو بيسولف وياي حتى صرت اتريا حد يتصلي عشان يسولف وياي من اهلي عشان اخفف الكآبة الي احس فيها اااااااااه خاطري اشتغل خاطري ارد لصديقاتي ولاهلي بتقولون اتصلي فيهم التلفون مايغني عن شوفتهم بتقولون اطلعي ريلي دوامه مايسمح غير بالاجازة انا صدق تعبانة نفسيا ولو اتم الايام ف بيتي محد يسال فيني ادري اني طولت بس عشان اطلع الي بخاطري وارتاح
والي بتقدر تساعدني بوظيفة بدعيلها وجزاكم الله خير

كلنا في الهوا سوا خيتو
باجر بتييبين عيال انشالله وبتلتهين وياهم
الله يصبرج ..ويرزقج كل ماهو خير لج

عادي كئابة كلنا نحسها اشغلي اوقاتج بالصلاة الاستغفار الرياضة الطبخ الانترنت صدقيني بتتسلي

حبيبتي اشغلي عمرج بلتلفزيون استغفار – الصلاه- النت- مجلات
رمسي خواتج وان شاء الله يو بتربين صدقيتي ماراح اتحسين بضيق راح تنشغلين

الله يفرج كربتج يارب

الله يفرج همك يااااااارب