مالي الا الله ثم انتوا ..!
البارحه الساعه 10 فالليل قالي ريلي بظهر ويا ربيعي للسينما وبرد متأخر
قلتله اوكي حبيبي خذ وقتك واستانس ..
يت الساعه 12 وغلبني النوم .. ورقدت
صحيت الساعه 5 الفير عسب اصلي … مالقيت ريلي عدالي !!
مادري شوه اللي خلاني اظهر من الغرفه وادور .. الا اسمع همس….
والله يابنات اني اكتبلكم وانا ابكي.. سمعته يرمس عالفون وياوحده !!!!
ويقولها سوي وسوي ..!!!!! لييش ياااربي
انا عمره ماسوالي جذه ولا مره اتصلي يقولي هالرمسه اللي مايخاف من الله
دخلت الغرفه عليه … وهو في حااااااله !!!
مادري صك فويهها او خلص .. شفته وانربط لساني وظهرت دشيت الحمام اصيييييييح
واصييييييييح .. وانا حامل وهذا بجري المفروض يهتم فيني .. بس حسافه!!!
الشر مو عليه الشر على اهلي يوم غصبوني فيه .. !!
الحين انا بصووب وهو بصووب ..خبروني شوه اسوي
لاتقولولي اكلمه لني ماااريد اشووفه ولا حتا اسمعه …
سامحوني عالاسلوب
مادري الغاليه ماعرف شو اقولج
الله يهديه ويصلح باله ان شالله
والدنيا دواره يوم له ويوم عليه
الله بياخذ حقج منه ان شالله ..
بس خلج ساكته عنه
راسي عورني
والله ايعينج
بس حاولي تعرفين ليش ايسوي جذي
والله هالرياييل مافيهم امان
عنبو دارهم يدورون ع الحرام وحرمته حلاله موجوده
مااعرف شو اقول بس الله يصبرج
اهتمي بعمرج وبالبييبي اللي فبطنج
ولاتخلين هالمشكله تاثر ع نفسييج وعليج
نصيحه وحده
خبري كبير العايله او خبري ابويج وامج اتصلي الحين فيهم وقوليلهم السالفه وانه لازم يمرونج
خليهم هم يتفاهمون معاه لأنه مريض أنتي مش ناقصه ينقلج امراض واذا على الياهل اللي بطنج الله يكتبله الخير وين ما تربى
والله يستر عليج ويحفظج من كل سوء